ԵՊՀ Սոցիալական քաղաքականություն և սոցիալական վարչարարություն

Participation of the students and lecturers of Social Policy and Social Administration in Teaching Tours in Yerevan

ԵՊՀ կանոնադրության մեջ ամրագրված պահանջներին և պայմաններին համապատասխան` գործում է «Սոցիալական քաղաքականություն և սոցիալական վարչարարություն» մագիստրոսական ծրագիրը:

Նպատակ հետապնդելով պատրաստել սոցիալական քաղաքականության և սոցիալական վարչարարության գծով մասնագետներ՝ «Սոցիալական քաղաքականություն և սոցիալական վարչարարություն» մագիստրոսական ծրագրի շրջանակներում իրականացվում է հետևյալ դասընթացների ուսուցում.

1. Մասնագիտական պարտադիր դասընթացներ
2. Լրացական պարտադիր դասընթացներ
3. Ընդհանուր դասընթացներ
4. Կամընտրական դասընթացներ

Մասնագիտական դասընթացները ներառում են հետևյալ դասընթացները՝ «Սոցիալական քաղաքականության պատմություն», «Սոցիալական տեսություններ», «Սոցիալական կառավարման մոդելներ», «Սոցիալական քաղաքականության ռազմավարական պլանավորում», «Սոցիալական ռիսկի կառավարում», «Սոցիալական ապահովության համակարգը ՀՀ-ում», «Սոցիալական քաղաքականության հետազոտման մեթոդները», «Հայաստանի արդի սոցիալական քաղաքականությունը», «Սոցիալական քաղաքականությունը և սոցիալական աշխատանքը», «Աղքատություն և սոցիալական անհավասարություն», «Մակրոպրակտիկա, Եվրոպական սոցիալական քաղաքականություն», «Կառավարման հոգեբանություն», «Ծրագրերի կառավարում»:
Լրացական պարտադիր դասընթացներն ընդգրկում են՝ անգլերեն լեզու, մասնագիտական փիլիսոփայության հարցեր:
Ընդհանուր դասընթացներ՝ « Տեղեկատվական տեխնոլոգիաները մասնագիտական հետազոտություններում», «Մասնագիտական արդիական հիմնախնդիրները»
Կամընտրական դասընթացներ՝
Համայնքային կազմակերպում/ Սոցիալական պետության զարգացման տեսություն,
Սոցիալական գործընկերություն / Սոցիալական իրավունք,
Սոցիալական բարեկեցությունը II աշխարհի երկրներում / Եվրոպական պատժիչ քաղաքականություն:
«Սոցիալական քաղաքականություն և սոցիալական վարչարարություն» մագիստրոսական ծրագրում սովորող ուսանողները նաև հնարավորություն կունենան ներգրավվել Կոնեկտիկուտի (ԱՄՆ) Սոցիալական աշխատանքի դպրոցի հետ կազմակերպվողon-line դասընթացին, որի թեման է «Սոցիալական բարեկեցության քաղաքականությունը ԱՄՆ-ում և երկրորդ աշխարհի երկրներում»: Այս դասընթացը հնարավորություն է ընձեռում ուսանողներին մասնակցելու Կոնեկտիկուտի համալսարանի հետ իրականացվող՝ ուսանող¬երի փոխանակման ծրագրին: Դասընթացի ավարտին ուսանողներին տրվում է ԵՊՀ և Կոնեկտիկուտի համալսարանի համատեղ վկայական, որը հավաստում է դասընթացը հաջող ավարտելու մասին: