Մ․Մալունցյանի անվան արվեստի դպրոց / Maluncyan art school

ՆՈՐ ԱՆՈւՆՆԵՐ
Մայիսի 15- ին տեղի ունեցավ Հայաստանի «Նոր անուններ» և Ռուսաստանի «Նոր անուններ» ծրագրերի համատեղ համերգը: Համերգին մասնակցում էին մեր պատանի երգչուհի Էլիզմարի Շախանումյանը, դասատու՝ ԵՊԿ դոցենտ Աննա Պողոսյան, կոնցերտմայստեր ԵՊԿ պրոֆեսոր Մարգարիտ Սարգսյան և պատանի սաքսոֆոնահար Հայկ Սիմոնյանը, դասատու՝ Նարինե Ղուկասյան, կոնցերտմայստեր Մարգարիտա Գրիգորյան: Նրանք օրերս կայացած լսումների արդյունքում ընտրվել են՝ որպես Ռուսաստանի «Նոր անուններ» ծրագրի կրթաթոշակառու: Համերգին ողջույնի ելույթով հանդես եկավ «Մալունցյան» փողային համույթը: Շնորհավորում ենք մեր պատանի երաժիշտներին այս մեծ հաջողության առթիվ:

ՀՀ կրթության, գիտության, մշակույթի և սպորտի նախարարության աջակցությամբ, Երևանի Ալեքսեյ Հեքիմյանի անվան երաժշտական դպրոցի և «Հայաստանի նոր անուններ» ծրագրի օժանդակությամբ Հայաստանում հյուրընկալել ենք Ռուսաստանի «Իվետա Վորոնովայի անվան նոր անուններ» միջազգային բարեգործական հիմնադրամի փոխնախագահ Ալեքսանդր Պետրոսյանին, Սուզդալի ամառային դպրոցի տնօրեն Օլեսյա Տիմոշենկոյին և ծրագրի կրթաթոշակառուներին:

Այցի շրջանակում տեղի են ունեցել վարպետության դասեր, մասնագիտական ունկնդրում Ռուսաստանից ժամանած անվանի երաժիշտներ՝ Մոսկվայի Չայկովսկու անվան պետական կոնսերվատորիայի դոցենտ, ֆլեյտահար Անտոն Սիլվերստովի, Մոսկվայի Կենտրոնական երաժշտական դպրոց-կատարողական արվեստի ակադեմիայի դասախոս, միջազգային մրցույթների դափնեկիր, դաշնակահար Ելենա Պոպկովայի, Մոսկվայի քաղաքային մանկավարժական համալսարանի և ԳԻՏԻՍ-ի դասախոս,սոպրանո, օպերային մեներգչուհի, միջազգային մրցույթների դափնեկիր, Եվգենիա Աֆանասևայի ղեկավարությամբ։
Սա հիանալի հնարավորություն էր հայ պատանի երաժիշտ-կատարողների ինքնադրսևորման և մասնագիտական նոր հմտությունների ձեռք բերման համար: Ունկնդրման արդյունքում ընտրված շնորհալի հայ պատանիներն արժանացել են Հիմնադրամի սահմանած խրախուսական կրթաթոթոշակին:

Վաղը՝ մայիսի 15-ին, ժամը 19:00-ին «Առնո Բաբաջանյան» համերգասրահում տեղի կունենա հայ և ռուս շնորհալի պատանի երաժիշտ-կատարողների համատեղ համերգ:

Մեր Էլիզմարին այս համերգում

Միքայել Մալունցյանի խոսքը Արամ Խաչատրյանի մասին /1962 Enjoy the videos and music that you love, upload original content and share it all with friends, family and the world on YouTube.

ՔՈւՅՐ ԴՊՐՈՑ
Կայացավ Երևանի Մ.Մալունցյանի անվան արվեստի դպրոցի համերգը Եղեգնաձորի երաժշտական դպրոցում: Նախ՝ մեզ ողջունեց հյուրընկալող դպրոցը ազգային նվագարանների համույթի գեղեցիկ ելույթով, ապա բեմահարթակը տրամադրվեց մեր պատանի երաժիշտ-կատարողներին: Մեր դասական եռյակի, պատանի շվիահարների ու երգիչների, լարային, փողային գործիքների ու անսամբլների ելույթները հիացրին հանդիսատեսին: Սա հաստատումն էր այս ծրագրի գլխավոր գաղափարի՝ երկու տարբեր միջավայրերում ապրող, ստեղծագործող պատանիներ պետք է հաղորդակից լինեն միմյանց, համագործակցեն ու միանան մեկ միասնական գաղափարի՝ որակյալ երաժշտություն ստեղծելու շուրջ: Համերգի վերջում երկու դպրոցները շնորհավորեցին միմյանց այս գեղեցիկ համագործակցության հաջող մեկնարկի առթիվ՝ նույնքան հաջող շարունակության ակնկալիքով: Շնորհակալություն ենք հայտնում Եղեգնաձորի երաժշտական դպրոցին՝ ջերմ ընդունելության համար: Այս ծրագրի նախաձեռնման և որակյալ կազմակերպման համար մեր երախտագիտությունն ենք հայտնում Երևանի Ալ. Հեքիմյանի անվան երաժշտական դպրոցին, ի դեմս տնօրեն Մոնիկա Պետրոսյանի:

ՔՈւՅՐ ԴՊՐՈՑ
ՀՀ մայրաքաղաքի և մարզերի փոխգործակցության «Քույր դպրոց» ծրագրի շրջանակում Երևանի Մ.Մալունցյանի անվան արվեստի դպրոցի պատվիրակությունը ուղևորվում է Եղեգնաձորի երաժշտական դպրոց: Ծրագրի հայրենաճանաչողության մասի շրջանակում այցելեցինք Նորավանք, ծանոթացանք հայ միջնադարի մշակութային գանձերից մեկին, Նորավանքի հոգևոր հովիվ տեր Արամի կողմից ստացանք արժեքավոր խրատներ և օրհնություն՝ շարունակելու մեր ուղևորությունը, մեր ելույթներով դրական լիցքեր փոխանցելու Եղեգնաձորի հանդիսատեսին:

ՔՈւՅՐ ԴՊՐՈՑՆԵՐ
Երևանի Մ.Մալունցյանի անվան արվեստի դպրոցի պատվիրակությունը ուղևորվում է դեպի Եղեգնաձորի երաժշտական դպրոց: