Yerevan Komitas State Conservatory

🌺 Կամերային գործիքային անսամբլի ամբիոնի պրոֆեսոր Ալիսա Արզումանյանի դասարանը սպասված պարբերականությամբ բոլոր տարիներին հաշվետու է իր ուսումնական ու ստեղծագործական ամուր ներուժով։ Այստեղ ուսանողներն անսամբլային արվեստում մասնագիտացման անհրաժեշտ բաժինը ստանում են մեր բուհում եռանդուն ու ոգեշունչ անօրինակ մանկավարժի ղեկավարությամբ։

📷 Կադրեր հունիսի 16-ին կայացած տարեվերջյան համերգից։

#ԵՊԿ

🌿 ՊՐԵՄԻԵՐԱ
Գեորգի Սվիրիդով «Երկիր հայրական»

Մայիսի 26-ին և հունիսի 12-ին Ավետիք Իսահակյանի տուն-թանգարանում Հայաստանում առաջին անգամ ներկայացվեց Գեորգի Սվիրիդովի «Երկիր Հայրական» էպիկական-վոկալ պոեմը։

Գ․ Սվիրիդովի 110 ամյակին նվիրված միջազգային գիտաժողովին մասնակցելու հրավերը Օպերային պատրաստման ամբիոնի դոցենտ, ռեժիսոր Արսեն Ղազարյանի համար առիթ էր ուսումնասիրելու, բեմ բարձրացնելու կոմպոզիտորի «Երկիր հայրական» վոկալ էպիկական պոեմը։ Ստեղծագործության 1957 թվականին հրատարակված կլավիրը կոմպոզիտորը անձամբ նվիրել էր Ավետիք Իսահակյանին և Արսեն Ղազարյանի համար տուն-թանգարանի ֆոնդի այդ մասունքն օգնեց միավորել համախոհ երաժիշտներին։

Գաղափարի կողքին կանգնած էր Ա․ Իսահակյանի տուն-թանգարանը՝ հանձինս տնօրեն Արմենուհի Ավետիսյանի։ Նախագծի հեղինակը, գեղարվեստական ղեկավարն ու ռեժիսորը՝ Արսեն Ղազարյանն է։ Թատերականացված բեմադրությանը հրավիրված էին Ա․ Սպենդիարյանի անվան օպերայի և բալետի ազգային ակադեմիական թատրոնի մեներգիչներ՝ Հայկ Տիգրանյանը (բաս) և Հովհաննես Անդրեասյան (տենոր)։ Ներկայացման դաշնակահարն է Լյուսիա Շահնազարյանը։

Գեորգի Սվիրիդովը ռուս-սովետական երաժշտության մեջ մի ամբողջ դարաշրջան է։ Դասականների շարքում կանգնած կոմպոզիտորը վոկալ երաժշտության գրեթե բոլոր ժանրերում բացեց նոր հորիզոններ։ 1949 թվականից նա գրում է Ավետիք Իսահակյանի խոսքերով երգեր և ռոմանսներ, իսկ 1950 թվականին կազմում է «Երկիր հայրական» էպիկական պոեմը բասի, տենորի և դաշնամուրի համար՝ նվիրված Ռ․ Բունինին (Ա․ Բլոկի և ժամանակակից պոետների թարգմանությամբ)։ Իսահակյանը կոմպոզիտորի համար Բյորնսի, Եսենինի հետ միասին իր սիրելի պոետն է։ Գ․ Սվիրիդովի ստեղծագործությամբ երաժշտության մեջ առաջ է բերվել Վարպետի ժառանգության հերոսական-հայրենասիրական թեմատիկան․ վոկալ կամերային ժանրում կոմպոզիտորը առաջին պլանում է դնում ոչ թե քնարերգությունը, կենցաղը, այլ՝ էպոսը, հերոսականությունը՝ ստեղծելով նոր ժանր՝ էպիկական պոեմ։
Հայ ժողովրդի ճակատագիրը, պայքարը Ա․ Իսահակյանի պոեզիայի առանցքն է․ 11 երգերում անցնում են մի քանի կերպարներ ու պատկերներ․ գլխավորը պոետն է՝ ճամփորդ ու մտածող, նա քայլում է Հայրենի հողի վրայով ու խորհում նրա մասին։ Այստեղ է աշխատանքի մեջ երջանկության մասին երազող գեղջուկը, այստեղ է անտուն, տարագիր, հայրենի օջախից հեռու ղարիբը։ Ռեժիսորի մտահղացմամբ պոեմում ներառված բանաստեղծությունները հնչում են նաև հայերեն՝ Արսեն Ղազարյանի կատարմամբ։

Ստեղծագործության այս մեկնաբանումը համալրելու է Հայաստանի Ազգային Ռադիոյի ֆոնդը և ներկայացվելու երկրի տարբեր բեմահարթակներում։

Լուսանկարները՝ Դավիթ Ջոթյանի

#ԵՊԿ

❗️ ՕՏԱՐԵՐԿՐՅԱ (ԱՅԴ ԹՎՈՒՄ ՍՓՅՈՒՌՔԱՀԱՅ) ԴԻՄՈՐԴՆԵՐԻ ԳՐԱՆՑՄԱՆ ԵՎ ՓԱՍՏԱԹՂԹԵՐԻ ՀԱՅՏԱԳՐՄԱՆ ԳՈՐԾԸՆԹԱՑ

🔴 Հայաստանի Հանրապետության կրթության, գիտության, մշակույթի և սպորտի նախարարությունը՝ հիմք ընդունելով. Հայաստանի Հանրապետության կառավարության 2011 թվականի ապրիլի 28-ի «Հայաստանի Հանրապետության բարձրագույն ուսումնական հաստատություններ օտարերկրյա քաղաքացիների, ինչպես նաև օտարերկրյա պետություններում գործող Հայաստանի Հանրապետության դիվանագիտական ծառայության մարմիններում աշխատող դիվանագետների ընտանիքների անդամների ընդունելության կարգը հաստատելու մասին» N 700-Ն որոշումը՝ սկսել է Հայաստանի Հանրապետության բարձրագույն և հետբուհական մասնագիտական կրթական ծրագրեր իրականացնող ուսումնական հաստատություններում 2026-2027 ուսումնական տարվա համար օտարերկրյա քաղաքացիների (այդ թվում՝ սփյուռքահայերի) fs.emis.am էլեկտրոնային համակարգի միջոցով փաստաթղթերի հայտագրման գործընթացը, որի ժամկետները և այլ մանրամասները ներկայացված են ԴԻՄՈՐԴԻ ՈՒՂԵՑՈՒՅՑՈՒՄ՝https://escs.am/files/files/2026-06-12/585bbe41cc6c94bb6eb88a0d0b1a83ca.pdf

ԺԱՄԿԵՏՆԵՐ
🔹 Անվճար առկա ուսուցմամբ բակալավրի կրթական ծրագրով (հայագիտական, մանկավարժական և արվեստի բնագավառի մասնագիտություններ) սփյուռքահայ դիմորդների ընդունելության համար՝ 2026 թ. հունիսի 22-ից մինչև օգոստոսի 24-ը ներառյալ,
🔹 Վճարովի առկա ուսուցմամբ բակալավրի ու անընդհատ և ինտեգրացված կրթական ծրագրերով, այդ թվում՝ նախապատրաստական դասընթացում ընդունելության համար՝ 2026 թ. հունիսի 22-ից մինչև սեպտեմբերի 30-ը ներառյալ,
🔹 Վճարովի առկա ուսուցմամբ մագիստրոսի կրթական ծրագրով, այդ թվում՝ նախապատրաստական դասընթացում ընդունելության համար՝ 2026 թ. հունիսի 22-ից մինչև հոկտեմբերի 15-ը ներառյալ,
🔹 Վճարովի հեռակա ուսուցմամբ բակալավրի և մագիստրոսի կրթական ծրագրերով ընդունելության համար՝ 2026 թ. հունիսի 22-ից մինչև հոկտեմբերի 16-ը ներառյալ,
🔹 Վճարովի հետբուհական՝ ասպիրանտի կրթական ծրագրով ընդունելության համար՝ 2026 թ. հունիսի 22-ից մինչև նոյեմբերի 13-ը ներառյալ:

👉 Դիմորդները ներկայացնում են հետևյալ փաստաթղթերը՝
▪️ անձնագրի պատճենը,
▪️ սփյուռքահայ դիմորդների համար` ծննդյան վկայականի պատճենը` նոտարով վավերացված կամ մկրտության վկայականի պատճենը,
▪️ կրթական աստիճանի վերաբերյալ ավարտական փաստաթղթի պատճենը (գնահատականներով)` թարգմանված և նոտարական, իսկ առանձին երկրների դեպքում` նաև միջազգային վավերացմամբ (ապոստիլ),
▪️ բժշկական տեղեկանք` ընդհանուր առողջական վիճակի մասին (սույն տեղեկանքը կարող է տրված լինել նաև Հայաստանի Հանրապետության բժշկական կազմակերպությունների կողմից),
▪️ միասնական քննությունների վկայագիր,
▪️ 3x4 չափսի 4 լուսանկար,
▪️ ինքնակենսագրություն (CV)` հայերենով, ռուսերենով կամ անգլերենով,
▪️ հետբուհական մասնագիտական կրթություն ստանալու համար՝ ընտրած մասնագիտության թեմայով գիտական ռեֆերատ` 20 էջի սահմաններում, հայերենով, ռուսերենով կամ անգլերենով:

❗Հարգելի դիմորդներ!
Խնդրում ենք հայտագրումից առաջ հանգամանալից ծանոթանալ կարգին։

👉 Հայտագրման, փաստաթղթային պահանջներին վերաբերող հարցերի համար խնդրում ենք դիմել․
🔸 Նախարարություն.
միջազգային համագործակցության և սփյուռքի հետ կապերի բաժին (հեռ. +374 10-599-699, ներքին՝ 647), (հեռ. +374 10-599 – 699, ներքին՝ 646),
🔸 fs.emis.am համակարգի հետ կապված հարցերով՝ Կրթական տեխնոլոգիաների ազգային կենտրոն (հեռ. +374 10-578455),
🔸 Կոնսերվատորիա.
Օտարերկրյա ուսանողների ընդունելության հարցերով պատասխանատու (հեռ. +374 94-430314)։

👇Գրանցման և փաստաթղթերի հայտագրման կարգը․
Հայերեն - https://escs.am/am/news/36951
Ռուսերեն - https://escs.am/ru/news/36951
Անգլերեն - https://escs.am/en/news/36951

#ԵՊԿ #ընդունելություն

ՈՒՇԱԴՐՈՒԹՅՈՒՆ

VirtuallyEdu 3-ամյա ծրագրի ամփոփոիչ փուլը մոտենում է և բուհերի ուսանողներն ու այլ ոլորտների երիտասարդներ հրավիրվում են մասնակցելու թվային հաղորդակցության ոլորտում առցանց ուսուցման դասընթացներին։

Բացվել է VirtuallyEdu Final Exchanges Cycle ծրագրի գրանցումը։
https://docs.google.com/.../1JK0m2cR4dCphBbu6IcYYXgP.../edit
👉 Գրանցվելու համար սկանավորեք QR կոդը կամ անցեք համապատասխան հղմամբ։

Տեղերը սահմանափակ են։

Սա կարևոր հնարավորությունն է դառնալու իսկապես յուրահատուկ նախաձեռնության մասնակից։

Եթե հետաքրքրված եք տեխնոլոգիաներով, ցանկանում եք ծանոթանալ տարբեր մշակույթների կամ պարզապես պատրաստ եք նոր մարտահրավերների, ապա այս ծրագիրը ստեղծվել է հենց ձեզ համար։

Ձեզ սպասում են՝
💻 Խորացված դասընթացներ կիբեռանվտանգության և կարևոր թվային հմտությունների վերաբերյալ
🌐 Միջմշակութային փոխանակում Եվրոպայի և այլ երկրների երիտասարդների հետ
🧠 Տեսական գիտելիքների և գործնական փորձի եզակի համադրություն
⚡ Հետաքրքիր թվային հաքաթոն, որտեղ կարող եք ցուցադրել ձեր կարողություններն ու հմտությունները
🏆 Հավաստագրեր և մրցանակներ, որոնք կհարստացնեն ձեր ինքնակենսագրականը (CV) և կբարձրացնեն ձեր ինքնավստահությունը
Սա պարզապես հերթական առցանց ծրագիր չէ։ Սա նպատակասլաց երիտասարդների համայնք է, որը միավորվում է սովորելու, մրցելու և զարգանալու համար՝ ամբողջությամբ վիրտուալ, ճկուն միջավայրում։ Ծրագիրը համաֆինանսավորվում է Եվրոպական Միության կողմից։
📅 Հիշեք ամսաթիվը՝ 2026 թվականի հուլիսի 21 — ծրագրի պաշտոնական մեկնարկը

ՎԱՐՊԵՏՈՒԹՅԱՆ ԴԱՍ
Այսօր

Վիտեսլավ Միկեշ
Չեխիա
Երաժշտագետ

Բռնոյի Յանաչեկի երաժշտության և կատարողական արվեստի ակադեմիայի (երաժշտական ​​արտադրության բաժին) պրոֆեսոր ասիստենտ։
Ծնվել է 1977 թվականին, երաժշտագիտություն և լիտվերեն լեզու է սովորել Օլոմոուցի, Պրահայի և Վիլնյուսի համալսարաններում։ 2012 թվականին Պրահայի Չարլզի համալսարանում պաշտպանել է իր դոկտորական թեզը՝ Երաժշտությունը և տեքստը Բրոնիուս Կուտավիչյուսի և Սիգիտաս Գեդայի ստեղծագործություններում։
Չեխ երաժշտագետ, կոմպոզիտոր, երաժշտական ծրագրերի ղեկավար Վիտեսլավ Միկեշը Բռնոյի ֆիլհարմոնիայի և Բռնոյի Մորավիայի աշնանային փառատոնի (2012 թվականից) գեղարվեստական ղեկավարն է: Նա հեղինակ է՝ չեխական երաժշտական ​​ամսագրերի, հարյուրավոր հոդվածների, ակնարկների, ծրագրային վերլուծությունների նաև համագործակցել է չեխական ռադիո Վլտավայի հետ։ Համագործակցում է ժամանակակից կոմպոզիտորների հետ և նոր ստեղծագործությունների հղացման նախաձեռնողն է դառնում (օրինակ՝ Տիգրան Մանսուրյան, Բենիամին Յուսուպով, Էրկկի-Սվեն Թյուր և այլն)։
Նա նաև չեխերեն է թարգմանում լիտվական ժամանակակից գրականությունը։ 2018-ին նա պարգեւատրվել է Լիտվայի «Արժանիքների համար» ասպետի խաչով շքանշանի։

#ԵՊԿ

🟠 ՄՐՑԱՆԱԿԱԿՐԻ ՀԱՄԵՐԳ

Հեղինե Տեր-Ղևոնդյանի անվան կոնցերտմայստերների հանրապետական VII մրցույթի Երկրորդ մրցանակակիրը (նոյեմբեր, 2025) և «Գործիքային ստեղծագործության լավագույն կատարում» հատուկ մրցանակին արժանացած դաշնամուր մասնագիտացմամբ ուսանող ԶԱՐՈՒՀԻ ՄԻՆԱՍՅԱՆԸ «Արամ Խաչատրյան» համերգասրահի «Հարմոնիա» սրահում ստացել էր համերգային ելույթ ունենալու հնարավորություն «Արամ Խաչատրյան» համերգասրահի «Հարմոնիա» սրահում։

ՀՀ վաստակավոր արտիստ, պրոֆեսոր Զեմֆիրա Բարսեղյանի մասնագիտական դասարանի շրջանավարտ և Կոնցերտմայստերական ամբիոնի վարիչ, դոցենտ Զարուհի Ղազարյանի ղեկավարությամբ մագիստրոս ԶԱՐՈՒՀԻ ՄԻՆԱՍՅԱՆԸ նաև 12-րդ միջազգային երաժշտական «Welt der musik» ՝ «Мир Музыки» մրցույթում «Կոնցերտմայտերական վարպետություն» և «Возможности нации» Կատարողական արվեստի մրցույթում «Կոնցերտմայստերական վարպետություն» անվանակարգերի առաջին մրցանակակիր է։
«Հարմոնիա» սրահում կներկայացվի կամերյին վոկալ-գործիքային երեկոյի՝ նվիրված Ռոբերտ և Կլարա Շումանների ստեղծագործություններին։

👉Ծրագրում՝

☘ ԿԼԱՐԱ ՇՈՒՄԱՆ - «ՆՈԿՏՅՈՒՐՆ» OP 6, N 1
Զարուհի Մինասյան, դաշնամուր

☘ ՌՈԲԵՐՏ ՇՈՒՄԱՆ - 3 ՌՈՄԱՆՍ ԿԼԱՐՆԵՏԻ և ԴԱՇՆԱՄՈՒՐԻ ՀԱՄԱՐ OP. 94
Արսեն Գրիգորյան, կլարնետ
Զարուհի Մինասյան, դաշնամուր

☘ՌՈԲԵՐՏ ՇՈՒՄԱՆ - «ՊՈԵՏԻ ՍԵՐԸ»
Արամ Խաչատուրյան, բարիտոն
Զարուհի Մինասյան, դաշնամուր

📅 Հունիսի 15, ⌚ժամը 19:00
📍 «Արամ Խաչատրյան» համերգասրահ
«ՀԱՐՄՈՆԻԱ» կամերային երաժշտության սրահ

#ԵՊԿ

🔴 ՀԱՄԵՐԳ

ԵՊԿ պրոֆեսոր Ալլա Գալուստյանի ղեկավարությամբ ակադեմիական երգեցողություն մասնագիտացմամբ սովորող ուսանողները հրավիրում են «Օպերային անսամբլներ» խորագրով համերգի։
Կոնցերտմայստեր՝ Աննա Ջալլադյան

🍀 Մասնակիցներ՝
Տաթև Գրիգորյան
Լևոն Ալմասյան
Խորեն Քոթանջյան
Լուիզա Գրիգորյան
Օնիկ Միրզոյան
Լևոն Հայրապետյան
Նարեկ Հարությունյան
Էլեոնորա Հարութունյան
Հովհաննես Օրդանյան
Սոֆյա Սիմոնյան
Նարեկ Բալդրյան
Ծովինար Գևորգյան
Թովմաս Թովմասյան
Եվա Կարագյան

📅 Հունիսի 15, ⌚ժամը 18։00
📍 Սայաթ-Նովայի անվան երաժշտական դպրոց
Մուտքն ազատ է

#ԵՊԿ

🟠 Կամերային երաժշտության երեկո

Կամերային գործիքային անսամբլի ամբիոնի պրոֆեսոր Ալիսա Արզումանյանի դասարանը հրավիրում է տարեվերջյան համերգի։
Հաշվետու երեկոյի ծրագիրը XVIII-XX դարերի դասականների ընտրանի է, որտեղ ընդգրկված սոնատները և կամերային անսամբլները երիտասարդ երաժիշտներին մասնագիտական հմտությունները ցույց տալու մեծ հնարավորություն են տալիս։

1️⃣ Ֆ․ Կուլաու – Մեծ տրիո, op․ 119
Մերի Մանուկյան, ֆլեյտա, 2-րդ կուրս
Վարազդատ Հովհաննիսյան, կլարնետ, 2-րդ կուրս
Աննա Վիննիցկայա, դաշնամուր, ուսումնական ասիստենտ


2️⃣ Լ․ վան Բեթհովեն - Սոնատ ջութակի և դաշնամուրի համար թիվ 4, a-moll, op․ 23
Սեյրան Բաղդասարյան, ջութակ, 2-րդ կուրս
Սյուզան Մելումյան, դաշնամուր, 2-րդ կուրս

3️⃣ Էդվարդ Միրզոյան -
Էդուարդ Միրզոյան, սաքսոֆոն, 3-րդ կուրս
ՀովսեփԱսատրյան, սաքսոֆոն, 3-րդ կուրս
Աննա Հարությունյան, սաքսոֆոն, 3-րդ կուրս

4️⃣ Ս․ Ֆրանկ - Սոնատ ջութակի և դաշնամուրի համար A-dur
Աիդա Ավանեսյան, դաշնամուր, 2-րդ կուրս
Նորայր Մաղաքյան, ջութակ, մագիստրատուրա, 1-ին կուրս

5️⃣ Յ․ Բրամս - Սոնատ ջութակի և դաշնամուրի համար թիվ 3, d-moll, op․ 108
Շուշան Արևշատյան, դաշնամուր, մագիստրատուրա, 1 կուրս
Արուսյակ Արևշատյան, ջութակ, մագիստրատուրա, 1 կուրս

6️⃣ Մաքս Բրուխ - Դաշնամուրային կվինտետ, g-moll
Զարուհի Մինասյան, դաշնամուր, մագիստրատուրա, 1 կուրս
Անի Բադեյան, ջութակ, մագիստրատուրա, 1 կուրս
Շուշան Պուչինյան, ջութակ, 3-րդ կուրս
Սառա Հարությունյան, ալտ, մագիստրատուրա, 2-րդ կուրս
Հովիկ Օգանեզով, թավջութակ, ուսումնական ասիսիտենտ

📅 Հունիսի 16, ⌚ ժամը 18։30
📍 ԵՊԿ 4-րդ հարկի դահլիճ
Մուտքն ազատ է

#ԵՊԿ

🟠 ՄԵՆԱՀԱՄԵՐԳ

ՀՐԱՉՅԱ ԽԱՉԱՏՐՅԱՆԸ Ջազ փոփ երաժշտության ամբիոնի դոցենտ Էմմա Պետրոսյանի մասնագիտական դասարանում ավարտում է «Կատարողական և ստեղծագործական բարձրագույն վարպետության լրացուցիչ կրթությունը»։

Ջազ երգեցողություն մասնագիտությամբ դիպլոմավորված երիտասարդը երգել սկսել է վաղ տարիքից, ժամանակի ընթացքում այն դարձել է կյանքի ուղի։ Այսօր Հրաչյա Խաչատրյանն ակտիվ կատարողական գործունեությամբ ապրող երաժիշտ է․ ելույթ է ունենում համերգներին, առանձին ստեղծագործական ծրագրերում, երգում է տարբեր խմբերում, աշխատում է հեղիանակային նախագծերի վրա։

«Ինձ համար երաժշտի իդեալը այն արվեստագետն է, որը կարողանում է պահպանել իր անհատականությունը, մշտապես զարգանալ։ Որպես օրինակ և ոգեշնչման աղբյուր գնահատում եմ այն երաժիշտներին, ովքեր համատեղում են բարձր պրոֆեսիոնալիզմը, անկեղծությունը և ստեղծագործական ազատությունը»,-ասում է սպասվող մենահամերգի արտիստը։

🎶 Կհնչեն հայ կոմպոզիտորների ստեղծագործություններ, ջազ ստանդարտներ, համաշխարհային հիթեր։

Համերգի կոնցերտմայստեր Սոֆի Միքայելյան

Հունիսի 15, ժամը 15։00
ԵՊԿ Ակուստիկ լաբորատորիա, 3-րդ հարկ
Մուտքն ազատ է

#ԵՊԿ

🟥 Ի գիտություն ասպիրանտուրայի դիմորդների

ԵՊԿ 2026 – 2027 ուսումնական տարվա ԱՌԿԱ ուսուցմամբ ասպիրանտուրայի ընդունելությանը հատկացված է 1 (մեկ) տեղ։

📅 Փաստաթղթերն ընդունվում են հունիսի 15-ից հուլիսի 10-ը։

❗ Մրցութային կարգով ասպիրանտուրա են ընդունվում բոլոր մասնագիտացումներով մագիստրոսի կամ դիպլոմավորված մասնագետի կրթական աստիճան կամ որակավորում ունեցողները:

💬 Հանձնում են մասնագիտական առարկայի մեկ բանավոր քննություն, որը ներառում է Երաժշտության պատմության, Մոնոդիկ երաժշտության պատմատեսական և Երաժշտատեսական թեմաներով 100 հարց:

👉 Ասպիրանտուրա ընդունվողը մինչև մասնագիտական քննություն պետք է ներկայացնի․

1️⃣ բակալավրի և մագիստրոսի կամ դիպլոմավորված մասնագետի դիպլոմի ու դրանց հավելվածների պատճենները (օտարերկրյա պետություններում բարձրագույն կրթություն ստացածների համար` փաստաթուղթ նրանց կրթության համարժեքության մասին).

2️⃣ օտար լեզվի ատեստավորման վկայականը կամ դրան համապատասխան տեղեկանքը (սահմանված ներքին շեմով՝ բալային գնահատմամբ).
🖇️ անգլերենից՝ «TOEFL» (iBT) (այԲիԹի)՝ 46 եւ «IELTS» (ԱՅԼԹՍ)՝ 5.5 միավորը.
🖇️ ֆրանսերենից՝ «TCF» (ԹիՍիԷՖ)՝ 200 միավորը.
🖇️ գերմաներենից՝ «on DaF» (օն ԴաՖ)՝ 60 միավորը:

3️⃣ ընտրված մասնագիտությամբ հրատարակված առնվազն մեկ գիտական աշխատանքի պատճենը կամ գիտական ռեֆերատ՝ առնվազն 20 տպագրական էջի սահմաններում

4️⃣ ինքնակենսագրություն

5️⃣ երեք լուսանկար (3x4 չափսի)

6️⃣ քաղվածք աշխատանքային գրքույկից (առկայության դեպքում)

Լրացուցիչ տեղեկությունների համար՝ [email protected] / + 374 93260075

#ԵՊԿ