22/08/2026
Կան օրեր, որոնք պարզապես անցնում են, իսկ կան օրեր, որոնք մնում են մեզ հետ՝ որպես ջերմ հիշողություն։ Այս օրը հենց այդպիսին էր😇🤍
Վերջերս մեր Մեծ Ընտանիքը կրկին միասին էր։ Իսկ ամենակարևորը՝ երկար սպասված հանդիպում էր։ Երեխաներից շատերը երկար ժամանակ չէին տեսել միմյանց, և առաջին իսկ րոպեներից այնքան պարզ էր, թե որքան էին կարոտել իրար։ Գրկախառնություններ, անվերջ պատմություններ, ծիծաղ, աղմուկ… ու այն զգացողությունը, որ կարծես երեկ էինք վերջին անգամ միասին🥹
Մեզ համար օրը կրկնակի առանձնահատուկ էր, որովհետև Հայաստանում էր նաև մեր սիրելի Հայր Վաչէն։ Ճամբարի օրերին երեխաները հասցրել էին ճանաչել ու շատ սիրել նրան, և մեզ համար իսկապես կարևոր էր, որ այդ կապը չավարտվեր ճամբարի հետ։ Այս հանդիպումը ևս մեկ հրաշալի հնարավորություն էր երեխաների համար՝ կրկին Հայր Սուրբի կողքին լինելու, նրա հետ անկաշկանդ զրուցելու, իրենց հետաքրքրող հարցերը տալու ու լսելու նրա մտքերն ու փորձը։ Իսկ ամենագեղեցիկն այն էր, որ այս ամենը տեղի էր ունենում ոչ թե պաշտոնական միջավայրում, այլ մի ամբողջ օր միասին ապրելու, շփվելու, ծիծաղելու ու պարզապես իրար կողքին լինելու ընթացքում։ Մեզ համար շատ կարևոր է, որ ճամբարում ծնված այս ջերմ ու վստահելի կապը շարունակվի նաև ճամբարից դուրս🤍
Օրը սկսեցինք Ջրվեժի Սուրբ Կաթողիկե եկեղեցուց։ Հանդիպեցինք Տեր Հարությունին, աղոթեցինք, զրուցեցինք, լսեցինք ու քննարկեցինք թեմաներ, որոնք հատկապես կարևոր են մեր երեխաների համար։
Իսկ հետո… եկավ օրվա ամենաաղմկոտ մասը😄
Միասին անցկացրած ժամեր, պատմություններ, խաղեր, լողավազան, ջուր, արև, լի՜քը ծիծաղ ու էներգիա։ Երեխաներն այնքան էին կարոտել միմյանց, որ թվում էր՝ մեկ օրվա մեջ փորձում էին լրացնել իրարից հեռու անցկացրած ամբողջ ժամանակը💦☀️
Եվ հենց նման օրերին նորից հասկանում ենք՝ Մեծ Ընտանիքը պարզապես ճամբար չէ։
Այն ընտանիք է🥹🤍🫂
Ընտանիք, որտեղ ստեղծված ընկերությունները չեն ավարտվում ճամբարի վերջին օրը։ Ընտանիք, որտեղ ամիսներ անց հանդիպելիս երեխաները նույն ոգևորությամբ վազում են իրար ընդառաջ։ Ընտանիք, որի կապը ուզում ենք պահպանել ու ավելի ամուր դարձնել տարեցտարի❤️
Երեկոյան տուն վերադարձանք հոգնած, բայց այնքա՜ն լիքը՝ նոր հիշողություններով, նոր խոսակցություններով, նոր ծիծաղով ու հաջորդ հանդիպմանը սպասելու ևս մեկ պատճառ ունենալով։
Իսկ այս ամենը չէր լինի առանց այն մարդկանց, ովքեր իրենց աջակցությամբ հնարավորություն տվեցին, որ մեր երեխաներն ունենան այս օրը։
Մեր ամենաջերմ ու սրտանց շնորհակակությունը այս անգամ մեր բարերարներին՝
Բարշ. Գէորգ Սրկ. Արթինեանին
Վաչէ Աղճայեանին
Սարգիս Ապրիմեանին
Մարտիկ Ապրիմեանին
Գէորգ Պէքէրէտճեանին
Ժագ Հալլաքին
Շանթ Մուրատեանին
Վահէ Ասայեանին
Յարութ Ասայեանին
Շնորհակալ ենք ոչ միայն ձեր աջակցության համար, այլ այն ժպիտների, գրկախառնությունների, ուրախության ու հիշողությունների համար, որոնք այդ աջակցության շնորհիվ ծնվեցին այս օրը🤍
Մինչև հաջորդ հանդիպում, մեր մե՜ծ ընտանիք🫂🥰
