Շառլ Ազնավուրի անվան մշակույթի և արվեստի պետական քոլեջ

🎨🧑‍🎨👩‍🎨 Տեսական գիտելիքները գործնական փորձով ամրապնդելու նպատակով՝ դասախոս Անի Ավագյանի ուղեկցությամբ քոլեջի «Արվեստի ստեղծագործությունների վերականգնում, կոնսերվացում և պահպանում» մասնագիտության 1-ին կուրսի ուսանողներն ուսումնական պրակտիկայի շրջանակում այցելել են նկարիչ Դավիթ Շահվերդյանի արվեստանոց։
Այցը նրանց հնարավորություն է տվել ոչ միայն մոտիկից ծանոթանալ արվեստագետի ստեղծագործական աշխարհին, այլև պատկերացում կազմել արվեստի գործերի ստեղծման, պահպանման և վերականգնման նրբությունների մասին։
Քննարկման ընթացքում անդրադարձ է կատարվել նաև ոլորտի ժամանակակից միտումներին և համակարգչային տեխնոլոգիաների հնարավորություններին, որոնք լայն կիրառություն են գտնում արվեստի գործերի ուսումնասիրման, վերականգնման և պահպանման գործընթացներում:
Շառլ Ազնավուրի անվան մշակույթի և արվեստի պետական քոլեջ

🎙️🎶Տեղի ունեցավ քոլեջի «Գործիքային կատարողական արվեստ» մասնագիտության 4-րդ կուրսի պետական ամփոփիչ ատեստավորման «Համույթ» քննությունը:

Հանձնաժողովի նախագահ՝ դիրիժոր, դաշնակահար, կոմպոզիտոր,«Տաղարան» համույթի գեղարվեստական ղեկավար, ՀՀ մշակույթի վաստակավոր գործիչ Սեդրակ Երկանյան:

📸Լուսանկարները՝ «Լուսանկարչական գործ» մասնագիտության 3-րդ կուրսի ուսանող Նարեկ Մարգարյանի։

💃🩰 Պարարվեստի ոլորտում մասնագիտական աճի կարևոր բաղադրիչներից են փորձի փոխանակումն ու շփումը ոլորտի ճանաչված մասնագետների հետ։ Այդ նպատակով քոլեջի «Պարարվեստ» մասնագիտության 3-րդ կուրսի ուսանողները, դասախոս Սաթենիկ Ավետիսյանի ուղեկցությամբ, պրակտիկայի շրջանակում մասնակցել են քոլեջի գործընկեր Ժողովրդական երաժշտության և պարի ազգային կենտրոնի Պարի պետական անսամբլի կազմակերպած վարպետության դասին։

Վարպետության դասը վարել են Պարախմբի ղեկավար, դասական պարի պարուսույց, ՀՀ արվեստի վաստակավոր գործիչ Արմեն Գրիգորյանը, ինչպես նաև անսամբլի մենապարողներ-փորձավարներ Լիլիթ Ղազարյանը և Արթուր Աքելյանը։

Հանդիպման ընթացքում ուսանողները ծանոթացել են դասական պարի կատարողական առանձնահատկություններին, մասնագիտական աշխատանքի նրբություններին, ինչպես նաև ստացել արժեքավոր խորհուրդներ և գործնական գիտելիքներ ոլորտի փորձառու մասնագետներից։

Նման նախաձեռնությունները կարևոր դեր են խաղում ապագա պարարվեստի մասնագետների մասնագիտական կայացման գործում՝ հնարավորություն ընձեռելով անմիջականորեն հաղորդակցվել ոլորտի առաջատար ներկայացուցիչների հետ, հարստացնել իրենց փորձը և զարգացնել մասնագիտական հմտությունները։
Շառլ Ազնավուրի անվան մշակույթի և արվեստի պետական քոլեջ
National Center of Folk Music and Dance

🎙️🎶Տեղի ունեցավ քոլեջի «Երգեցողություն» մասնագիտության 4-րդ կուրսի պետական ամփոփիչ ատեստավորման «Հատուկ մասնագիտական առարկաներից համալիր քննությունը»:
Հանձնաժողովի նախագահ՝ կոմպոզիտոր, դաշնակահարուհի, երգչուհի, երաժշտական պրոդյուսեր Արաքսյա Մուշեղյան։
🎞️ Լուսանկարները՝ «Լուսանկարչական գործ» մասնագիտության 3-րդ կուրսի ուսանող Նարեկ Մարգարյանի։
Araksya Musheghyan

🏆🎶 Քոլեջի երգեցողության գծով տնօրենի տեղակալ Տիգրան Կարապետյանը և «Երգեցողություն» մասնագիտության 3-րդ կուրսի ուսանող Վահե Նազարեթյանը հյուրընկալվել էին Armenia TV Bari Luys, Բարի Լույս, Good Morning-ի եթերում:
Vahe Nazaretyan

Հունիսի 3-ից 5-ը Ղազախստանի Ալմա Աթա քաղաքում կայացած «Բոստորգայի» 28-րդ պատանի և երիտասարդ կատարողների միջազգային երաժշտական մրցույթում Երևանի Շառլ Ազնավուրի անվան մշակույթի և արվեստի պետական քոլեջի 3-րդ կուրսի ուսանող Վահե Նազարեթյանն արժանացել է գլխավոր՝ Գրան պրի մրցանակին՝ բարձր գնահատականի արժանանալով միջազգային ժյուրիի կողմից։
Տաղավարում են մրցույթի հաղթող Վահե Նազարեթյանը և հայաստանյան պատվիրակության ղեկավար, երգիչ, Երևանի Շառլ Ազնավուրի անվան մշակույթի և արվեստի պետական քոլեջի երաժշտական գծով տնօրենի տեղակալ Տիգրան Կարապետյան։

⚒️🏺Քոլեջի գործընկեր «Պատմամշակութային Ժառանգության Գիտահետազոտական Կենտրոն» ՊՈԱԿ-ի հնագիտական արշավախումբը՝ արշավախմբի ղեկավար Ա. Նալբանդյանի գլխավորությամբ, վերսկսել է պեղումները Տաթևի Մեծ անապատի տարածքում՝ շարունակելով Հայաստանի կարևորագույն պատմամշակութային հուշարձաններից մեկի ուսումնասիրությունը։
Պեղումների աշխատանքներին, որպես ուսումնական պրակտիկա, ներգրավված են նաև Երևանի Շառլ Ազնավուրի անվան մշակույթի և արվեստի պետական քոլեջի «Արվեստի ստեղծագործությունների վերականգնում, կոնսերվացում և պահպանում» մասնագիտության 3-րդ կուրսի ուսանողներ Սամվել Սարգսյանը և Հայկ Ավագյանը։
Նրանց մասնակցությունը բացառիկ հնարավորություն է տալիս գործնական միջավայրում ծանոթանալու հնագիտական հետազոտությունների ընթացքին, հուշարձանների ուսումնասիրման մեթոդներին և մշակութային արժեքների պահպանության առանձնահատկություններին։
Թեև պեղումները նոր են մեկնարկել, արշավախումբն արդեն արձանագրել է մի շարք հետաքրքիր գտածոներ։ Հայտնաբերվել են միջնադարյան խեցեղենի բեկորներ, ինչպես նաև տարբեր ճարտարապետական դետալներ, որոնք կարող են կարևոր տեղեկություններ հաղորդել հուշարձանի պատմության, կառուցապատման փուլերի և միջնադարյան կյանքի մասին։
Ուսանողների մասնակցությունը նման ծրագրերին կարևոր քայլ է մասնագիտական փորձի ձեռքբերման ճանապարհին՝ հնարավորություն ընձեռելով անմիջականորեն շփվել պատմամշակութային ժառանգության հետ և ներգրավվել դրա ուսումնասիրման ու պահպանության պատասխանատու գործում։

💃🩰 Քոլեջի «Պարարվեստ» մասնագիտության 3-րդ կուրսի ուսանողները, դասախոս Սաթենիկ Ավետիսյանի ուղեկցությամբ, ուսումնական պրակտիկայի շրջանակում այցելել են քոլեջի գործընկեր Ժողովրդական երաժշտության և պարի ազգային կոնտրոնի Պարի պետական անսամբլ, որտեղ հնարավորություն են ունեցել ներկա գտնվելու անսամբլի հերթական փորձին և հետևելու մասնագիտական ստեղծագործական գործընթացին։

Այցի ընթացքում ուսանողները դիտել են ինչպես ժողովրդական, այնպես էլ դասական պարային տարրերի մշակման և բեմականացման աշխատանքները, ծանոթացել փորձերի կազմակերպման առանձնահատկություններին, պարողների աշխատանքի կարգապահությանը և բեմական շարժումների կատարելագործման մեթոդներին։

Պարարվեստի ապագա մասնագետների համար նման հանդիպումները կարևոր հնարավորություն են՝ տեսական գիտելիքները համադրելու գործնական փորձի հետ, անմիջականորեն շփվելու ոլորտի պրոֆեսիոնալների հետ և ավելի խորը պատկերացում կազմելու մասնագիտական գործունեության մասին։

Ուսանողները մեծ հետաքրքրությամբ հետևել են փորձին, ստացել արժեքավոր մասնագիտական խորհուրդներ և տպավորություններ, որոնք անշուշտ կնպաստեն նրանց հետագա մասնագիտական զարգացմանն ու ստեղծագործական աճին։
Շառլ Ազնավուրի անվան մշակույթի և արվեստի պետական քոլեջ
National Center of Folk Music and Dance

📚🎶 Քոլեջի «Կրթության որակի ապահովման կենտրոնի» նախաձեռնությամբ տեղի ունեցավ «Երգչախմբային գրագետ երգեցողություն» թեմայով ներքին վերապատրաստում «Երաժշտության ամբիոնի» դասախոսների համար։ Ներքին վերապատրաստումը վարում էր քոլեջի դասախոս, Երևանի Արաբկիրի Սուրբ խաչ եկեղեցու արական երգչախմբի գեղարվեստական ղեկավար և խմբավար, Հովհաննես Չեքիջյանի անվան պետական ակադեմիական երգչախմբի երգիչ Շահե Քեշիշէանը։

Ներկայացվեց երգչախմբային գրագետ երգեցողության առանձնահատկությունները, կարևորվեց համագործակցային մոտեցումը՝ վոկալի, սոլֆեջիոյի և խմբավարության դասավանդման մեջ փոխհամագործակցությունը, ինչի առկայությունը միայն կարող է տալ ցանկալի արդյունք ՝ գրագետ երգիչ ձևավորելու գործում։
Թիմային մտածողության ուսուցումը դիտարկվեց որպես մեներգչի՝ երգչախմբում բազմաձայնության մեջ ընդգրկվելու կարևոր նախապայման։
Հանդիպումը կառուցողական էր և արդյունավետ։

📸 Լուսանկարները՝ «Լուսանկարչական գործ» մասնագիտության 3-րդ կուրսի ուսանողուհի Մարիամ Բարսեղյանի։