Արվեստի դպրոցն ունի հետևյալ բաժինները՝ երաժշտական, կերպարվեստ, պարարվեստ, թատերարվեստ, գեղագիտական (սկսած 3 տարեկանից)։
05.08.2011 թվականից ՀՀ Երևան քաղաքի ավագանու 24.07.2011 թվականի N 246-Ա որոշմամբ ստեղծվել է «Ավետ Տերտերյանի անվան արվեստի դպրոց» ՀՈԱԿ-ը («Ավետ Տերտերյանի անվան երաժշտական դպրոց» ՀՈԱԿ-ի և թիվ 2 մանկապատանեկան ստեղծագործական կենտրոն ՀՈԱԿ-ի (երկու դպրոցներն էլ հիմնադրվել են 1993 թվականին) վերակազմակերպմամբ):
Դպրոցն ունի հետևյալ բաժինները՝ երաժշտական, կերպարվեստի, թատերարվեստի, պարարվեստի և մշակույթ
18/06/2026
🎉Ավետ Տերտերյանի անվան արվեստի դպրոցը հայտարարում է ամառային դասընթացներ. 🎨 Կերպարվեստի բաժին(նկարչություն) 4 տարեկանից սկսած`շաբաթական 2֊օրյա գրաֆիկով` հուլիս և օգոստոս ամիսներին 🩰Պարարվեստի բաժին (լատինոամերիկյան պարեր) 4 տարեկանից սկսած` շաբաթական 2֊օրյա գրաֆիկով` օգոստոս ամսին 🎼 Դաշնամուրային բաժին (6 տարեկանից սկսած) շաբաթական 2֊օրյա գրաֆիկով` օգոստոս ամսին։ Մանրամասների համար զանգահարել հետևյալ հեռախոսահամարներով 📞 010 -36-96-80/ 033-36-96-80
16/06/2026
Այսօր Ավետ Տերտերյանի անվան արվեստի դպրոցում տեղի ունեցավ հայ կոմպոզիտորների ստեղծագործություններին նվիրված գեղեցիկ և հուզիչ համերգ։
🎶Միջոցառման ընթացքում դպրոցի սաները ներկայացրեցին հայ դասական և ժամանակակից կոմպոզիտորների ստեղծագործությունները՝ հանդիսատեսին պարգևելով անմոռանալի երաժշտական պահեր։
🎵Համերգը ևս մեկ անգամ ընդգծեց հայկական երաժշտարվեստի հարուստ ժառանգության պահպանման և երիտասարդ սերնդին ազգային մշակութային արժեքներին հաղորդակից դարձնելու կարևորությունը։
🎼Շնորհավորում ենք բոլոր մասնակիցներին, մանկավարժներին և կազմակերպիչներին այս գեղեցիկ նախաձեռնության համար և մաղթում նոր ստեղծագործական հաջողություններ։
12/06/2026
Այսօր Ավետ Տերտերյանի անվան արվեստի դպրոցի կերպարվեստի բաժնի ավարտական դասարանի աշակերտներն ավարտեցին իրենց ուսումնառությունը՝ հաջողությամբ անցնելով կրթական ուղին և ցուցադրելով ձեռք բերած գիտելիքներն ու ստեղծագործական կարողությունները։
🎨Հանդիսավոր միջոցառման ընթացքում շրջանավարտներին շնորհվեցին ավարտական դիպլոմներ՝ ի նշան նրանց աշխատասիրության, նվիրումի և արվեստի նկատմամբ սիրո։
🎨Սրտանց շնորհավորում ենք մեր շրջանավարտներին, մաղթում ստեղծագործական նորանոր հաջողություններ, մասնագիտական ձեռքբերումներ և լուսավոր ապագա։ Թող արվեստը միշտ ուղեկցի նրանց կյանքի ճանապարհին՝ ոգեշնչելով նոր հաղթանակների և ձեռքբերումների։
12/06/2026
🎨Հունիսի 11-ին Ավետ Տերտերյանի անվան արվեստի դպրոցում տեղի ունեցավ կար ու ձևի և մոդելավորման խմբի աշակերտների արդեն ավանդույթ դարձած ամենամյա ցուցադրությունը։
🧵🪡Միջոցառումը կազմակերպել էր կար ու ձևի և մոդելավորման խմբի ուսուցչուհի Վարդուհի Միքայելյանը։ Ցուցադրության ընթացքում ներկայացվեցին սաների ստեղծագործական աշխատանքները, որոնք արժանացան ներկաների բարձր գնահատականին։
💃Միջոցառմանը ակտիվ մասնակցություն ունեցավ նաև Հայկական ժողովրդական պարերի խումբը՝ պարուսույց Վարդուհի Սուսունյանի ղեկավարությամբ, որի գեղեցիկ և ոգեշնչող ելույթներն առանձնահատուկ շունչ հաղորդեցին տոնական միջոցառմանը։
Ցուցադրությունը ևս մեկ անգամ վկայեց աշակերտների ստեղծագործական ներուժի, աշխատասիրության և գեղագիտական ճաշակի զարգացման մասին՝ հանդիսանալով դպրոցի մշակութային կյանքի կարևոր ու սպասված իրադարձություններից մեկը։
12/06/2026
🎵27/05/2026 Երևանի քաղաքապետարանի երաժշտական և արվեստի դպրոցների քաղաքային 17-րդ մրցույթ-փառատոն 🎵«Երգչախումբ» անվանակարգ Ավետ Տերտերյանի անվան արվեստի դպրոց
🎶 Ավագ երգչախումբ
🎼 Խմբավար` Անահիտ Սարգսյան
🎼 Նվագակցող` Լուսինե Հակոբյան
27/05/2026
🎸 Այսօր Ավետ Տերտերյանի անվան արվեստի դպրոցում տեղի ունեցավ կիթառի բաժնի սաների տարեվերջյան համերգը։
🎶 Շնորհավորում ենք մեր աշակերտներին` գեղեցիկ ելույթի համար։
Շնորհակալություն ենք հայտնում ուսուցիչներին գեղեցիկ երաժշտական ծրագրի և իրենց կատարած աշխատանքի համար։
25/05/2026
🎵21/05/2026 Երևանի Քաղաքապետարանի 17-րդ մրցույթ-փառատոն «Երգչախումբ» անվանակարգ Ավետ Տերտերյանի անվան արվեստի դպրոց
🎵Փոքրերի երգչախումբ
🎼 Խմբավար` Մանուէլ Օհանեան
🎼 ՆՎագակցող` Մարիամ Զոհրաբյան
| Monday | 10:00 - 18:00 |
| Tuesday | 10:00 - 18:00 |
| Wednesday | 10:00 - 18:00 |
| Thursday | 10:00 - 18:00 |
| Friday | 10:00 - 18:00 |
| Saturday | 10:00 - 18:00 |