«Փոքրիկ Իշխան» Աշակերտական Խորհուրդ

«Փոքրիկ Իշխան» կրթահամալիրի ավագ դպրոցը մասնակցեց հիշարժան և ոգեշնչող արշավի, որն իրականացվեց Ուսանողի տան հետ համատեղ։ Արշավը կազմակերպվել էր «Հզոր միտք» հասարակական կազմակերպության նախաձեռնությամբ և ուղղորդված էր դեպի հիասքանչ ու գեղատեսիլ Վարդաբլուր սարը։

Աշակերտները վայելեցին լիարժեք և բազմաբովանդակ օր․ նրանք պարեցին ազգային պարեր, մասնակցեցին հետաքրքիր ծանոթական խաղերի, ինչի շնորհիվ ձեռք բերեցին նոր ընկերներ և ստեղծեցին ջերմ կապեր մարզաբնակ երիտասարդների հետ։

Օրը դարձավ անմոռանալի փորձառություն՝ համախմբելով երիտասարդներին, ամրապնդելով ընկերության ու փոխադարձ վստահության կամուրջները և լցնելով նրանց հիշողությունները պայծառ ու ուրախ պահերով։

Սիրելի՛ աշակերտներ, մեր դպրոցի Գրքի անկյունում այժմ գործում է տեղեկատվական անկյուն, որտեղ բոլոր դասարանները կարող են տեղադրել իրենց դասարանական նկարները:

Բացի այդ, եթե ունեք որևէ կարևոր հայտարարություն, կարող եք փակցնել այն տեղեկատու անկյունում, որպեսզի բոլորը տեսնեն և տեղեկանան:🥰

Հուսով ենք, որ այս անկյունը կդառնա մեր դպրոցի տեղեկատվության և հիշողությունների տարածք։🤍🫶🏼

🗓Աշնանային արձակուրդների ընթացքում «Փոքրիկ Իշխան» կրթահամալիրի 11րդ Ա դասարանի աշակերտներ Տատյանա Ավետիսյանը և Վիոլետա Գալստյանը մասնակցեցին Գործնական հոգեբանության և սոցիոլոգիայի «Ուրարտու» համալսարանի հոգեբանական հմտությունների զարգացման եռօրյա թրեյնինգի:
📚Դասընթացները վարեցին իրավաբան Սոնյա Համբարձումյանը և հոգեբանական գիտությունների թեկնածու,դոցենտ Հռիփսիմե Պետրոսյանը:
📢Քննարկվեցին հետևյալ հասկացությունները`
✅Թիմբիլդինգ
✅Ինքնաճանաչում
✅Հարցերի ձևակերպումներ
✅Անմիջական շփում
✅Տրամաբանական մտածողություն
✅Վերաբերմունք և խմբային թերապիա
✅Անձի ճանաչում և վերլուծություն
✅Տարիքային առանձնահատկություններ
🔴Դասընթացները անցան շատ հետաքրքիր,ինտերակտիվ քննարկումներով և մրցույթային ընդմիջումներով:
🚩Դասընթացների ավարտին ամփոփիչ խոսքով հանդես եկավ «Ուրարտու» համալսարանի ռեկտորի խորհրդական,ծրագրի ղեկավար Ս. Համբարձումյանը,ով նաև մասնակիցներին հանձնեց համալսարանի հավաստագրեր:
☺️Հատուկ շնորհակալություն համալսարանի ղեկավար կազմին և "Poqrik Ishkhan" Educational Complex “Փոքրիկ Իշխան” կրթահամալիր կրթահամալիրի տնօրենությանը նմանատիպ ծրագրեր իրականացնելու,հաջող համագործակցության շնորհիվ աշակերտներին հետաքրքիր ծրագրերի մասնակից դարձնելու,նորանոր գիտելիքների և հմտությունների փոխանցման համար: