Շիրակացու ճեմարանի զարգացման հիմնադրամ/ Dev. Fund of Shirakatsy Lyceum

📣Սիրելի’ շրջանավարտներ,

Դիմում ենք ձեզ՝ ճեմարանական ընտանիքի կարևորագույն անդամներիդ՝ շրջանավարտներիդ։ Եկեք միավորենք մեր ջանքերը, լինենք նեցուկ միմյանց և աջակցենք մեկմեկու։

Չափազանց կարևոր է ունենալ այնպիսի հզոր հենարան, ինչպիսին մեր շրջանավարտների համայնքն է։ Ձեր նոր գաղափարները, ներգրավվածությունը, աջակցությունն ու կյանքի ընթացքում ձեռք բերած փորձը կարող են նոր շունչ հաղորդել ճեմարանի զարգացման գործընթացին։

Այս միությունը կլինի այն յուրահատուկ հարթակը, որտեղ մենք կարող ենք սատարել միմյանց, համագործակցել տարբեր ոլորտներում և տեղեկացնել մեր փորձառության մասին՝ նպաստելով եկող սերնդի կրթության գործին։

Լիահույս ենք, որ չեք զլանա միանալու այս կարևոր նախաձեռնությանը, խնդրում ենք, լրացնել կարճ հարցաթերթիկը ստորև👇:

Միասին ստեղծենք շրջանավարտների կենսունակ ու բարգավաճ համայնք՝ պահպանելով, փոխանցելով և տարածելով ճեմարանական արժեքները։

https://docs.google.com/forms/d/1ZRfmfEau-ZQUN8RD4n_ammm9p0rNmKyklH-NYe5_8Xg/edit

Սիրելի՛ Ճեմարանական համայնք

🌟Ուրախ ենք կիսվել Շիրակացու զարգացման հիմնադրամի ծրագրերից մեկով։

😊Մենք ակտիվորեն սկսել ենք աշխատել ճեմարանական շրջանավարտների համայնքն ընդլայնելու և նրանց հետ կապ պահպանելու ուղղությամբ։ Դուք նունպես կարող եք դառնալ այս նախաձեռնության մի մասը:

🚀Հիմնադրամը մեկնարկում է շրջանավարտների տվյալների հավաքագրում, որը հնարավորություն կտա նրանց մշտապես լինել իրազեկված Ճեմարանի նորությունների և կատարվելիք իրադարձությունների մասին։

😊Կից հղումով յուրաքանչյուր ճեմարանական կարող է մուտք գործել և թարմացնել իր տվյալները` https://forms.gle/V8Jkp6t7iR33bSNj6

❤️Մեծ ոգևորությամբ ակնկալում ենք Ձեր ակտիվ մասնակցությունը:

👇 English text below 👇

***

Dear Community,

🌟At Shirakatsy, we believe in the power of strong connections and collaboration within our alumni community. Your experiences and insights are invaluable to us. That's why we've launched a brand-new alumni database form.
🚀By filling in your contact details, you not only stay connected and get informed by our latest news and events but also become an integral part of our journey towards excellence.
You can find the form here: https://forms.gle/V8Jkp6t7iR33bSNj6

✨Our alumni community is for more than just graduates. It includes everyone who's been a part of our lyceum family.

😊Let's stay connected and achieve incredible things together!
❤️Update your information now and be part of something special.

Ճեմարանական սիրելի՛ շրջանավարտ
Սիրով հրավիրում ենք Ձեզ ներկա գտնվելու «Ճեմարանը մեր մոլորակն է» խորագրով բարեգործական համերգին, որը տեղի կունենա ապրիլի 20-ին՝ ժամը 19:00, Ճեմարանի հանդիսությունների դահլիճում:
Այս համերգը հետաքրքիր ու յուրօրինակ նախագիծ է, դարձ ի շրջանս յուր, հանդիպում շրջանավարտների և ուսուցիչների համար: Համերգի շրջանակում Ճեմարանը իր հյուրընկալ տանիքի տակ է համախմբելու տարբեր սերունդների ներկայացուցիչների՝ մեկ բեմում միասին հանդես գալու ելույթներով, կիսվելու հիշողություններով ու պատմություններով, պարզապես շփվելու հին ընկերների ու ուսուցիչների հետ:
Մասնակցության համար պետք է գրանցվել մինչև մարտի 21-ը հետևյալ հղումով՝ https://forms.gle/q9gWGgLTQ784DyPNA

Բարեգործական համերգից ստացված ողջ հասույթը միասին կօգտագործենք վերանորոգելու մեր մանկության ամենագողտրիկ ու սիրելի անկյուններից մեկը՝ «Հեքիաթ» ճամբարը:
Շտապե՛ք գրանցվել... անմոռանալի պահեր ու հիշողություններ ապրելու պահն է...

Ճեմարանական սիրելի շրջանավարտներ

Սիրով ուզում ենք տեղեկացնել հետաքրքիր և յուրահատուկ մի նախագծի մասին, որը «ստեղծագործական» հանդիպում կլինի ձեր, ձեր սիրելի ուսուցիչների հետ հարազատ Ալմա Մատեր ճեմարանում:

Ապրիլի 20-ին՝ ժամը 19:00, Ճեմարանի հանդիսությունների սրահում կկայանա բարեգործական համերգ «Ճեմարանը մեր մոլորակն է» խորագրի ներքո՝ հենց ձեր մասնակցությամբ ու դերակատարմամբ:

Այսպիսով, հրավիրում ենք բոլոր տաղանդավոր և շնորհալի շրջանավարտ-սաներին մասնակցելու բարեգործական համերգին, ելույթներով հանդես գալու մենակ կամ սիրելի ուսուցչի հետ զուգերգով, պարով կամ դրսևորելու թաքնված և ուշադրության արժանի այլ բեմել:

Մասնակցության համար պետք է գրանցվել մինչև մարտի 1-ը հետևյալ հղումով՝

Տարիքային սահմանափակում չկա, բայց կարևոր է սիրով և պատասխանատվությամբ մասնակցել բոլոր փորձերին, ոգևորել ու ոգեշնչվել ընկերներով, լավագույնս ներկայանալու ձգտումով:

Բարեգործական համերգից ստացված ողջ հասույթը միասին կօգտագործենք վերանորոգելու մեր մանկության ամենագողտրիկ ու սիրելի անկյուններից մեկը՝ «Հեքիաթ» ճամբարը:

Շտապե՛ք գրանցվել (https://forms.gle/cSpjSY7LQ8PuS19a8 )... անմոռանալի պահեր ու հիշողություններ ապրելու պահն է...

Սիրելի՛ ճեմարանական համայնք

Սիրով տեղեկացնում ենք, որ Շիրակացու ճեմարանի Շախմատի ակումբի երկրորդ մրցաշարը նախատեսվում է անցկացնել փետրվարի 25-ին՝ ժամը 14:00-ին:
Մասնակցության համար անհրաժեշտ է գրանցվել հետևյալ հղմամբ՝ https://docs.google.com/forms/d/e/1FAIpQLSffwKa6ZbPGxZvyP9rUqULcNXp1GcgFLmJFMY68XrVkZw4ABA/viewform

Կանոնադրությունը կարող եք գտնել` https://drive.google.com/file/d/1A65g62qDWfc7qQ4aSH1zf2YCWz8N4Ngq/view

Մուտքավճար՝ յուրաքանչյուր մրցաշարի յուրաքանչյուր անդամի համար սահմանված է 2500 ՀՀ դրամ (կամ ավելին՝ ըստ մասնակիցների ցանկության):
Ակումբի նպատակն է զարգացնել «Շախմատ» մարզաձևը, դառնալ հենք Ճեմարանում յուատեսակ շախմատային միջավայր և նոր ավանդույթներ ստեղծելու և պահպանելու համար:
Ակումբը նախատեսված է ճեմարանականների՝ միջին, ավագ և կրտսեր դպրոցների սաների, ինչպես նաև ճեմարանական աշխատակազմի և ծնողական համայնքի համար: Ակումբի անդամ կարող է դառնալ ճեմարանական ընտանիքի յուրաքանչյուր ներկայացուցիչ (տատիկ,պապիկ, հորաքույր, մորաքույր, քեռի և այլն):
Ակումբի աշխատանքային գործունեությունը ներառում է.

- Շախմատային արդի թեմաների քննարկում
- Ընկերական հանդիպումներ
- Մրցաշարերի կազմակերպում՝ բազմատեսակ մրցակարգերով
- Սեմինարներ
- Միաժամանակյա խաղերի սեանս
- Հյուրերի, բարձրակարգ մարզիկների, մարզիչների հետ հանդիպում-քննարկում
- Բարեգործական մրցաշարեր
- Բանավեճեր
- Կատարած աշխատանքների հաշվետվություն, վերլուծություն:
Սիրով սպասում ենք բոլորիդ:

Սիրելի՛ ճեմարանական համայնք,

Սիրով տեղեկացնում ենք, որ Ճեմարանում այսուհետ գործելու է Շիրակացու ճեմարանի Շախմատի ակումբը, որի նպատակն է զարգացնել «Շախմատ» մարզաձևը: Այն հիմք է ճեմարանում շախմատային միջավայր և նոր ավանդույթներ ստեղծելուն և պահպանելուն: Ակումբը նախատեսված է ճեմարականների՝ միջին, ավագ և կրտսեր դպրոցների սաների, ինչպես նաև ճեմարանական աշխատակազմի և ծնողական համայնքի համար: Ակումբի անդամ կարող է դառնալ նաև ճեմարանական ընտանիքի յուրաքանչյուր ներկայացուցիչ (տատիկ,պապիկ, հորաքույր, մորաքույր, քեռի և այլն):

Ակումբի աշխատանքային գործունեություն՝

Շախմատային արդի թեմաների քննարկում

Ընկերական հանդիպումներ

Մրցաշարերի կազմակերպում՝ բազմատեսակ մրցակարգերով

Սեմինարներ

Միաժամանակյա խաղի սեանս

Հյուրերի, բարձրակարգ մարզիկների, մարզիչների հետ հանդիպում-քննարկում

Բարեգործական մրցաշարեր

Բանավեճեր

Կատարած աշխատանքների հաշվետվություն, վերլուծություն,

Մուտքավճար՝ յուրաքանչյուր մրցաշարի համար սահմանված է 2500 ՀՀ դրամ (կամ ավելին ըստ մասնակիցների ցանկության) յուրաքանչյուր անդամի համար:

Մասնակցության համար անհրաժեշտ է գրանցվել հետևյալ հղմամբ https://docs.google.com/forms/d/e/1FAIpQLSffwKa6ZbPGxZvyP9rUqULcNXp1GcgFLmJFMY68XrVkZw4ABA/viewform

Յուրաքանչյուր ամիս համայնքին կուղարկվի նամակ՝ ակումբի գործունեության վերաբերյալ:

Առաջին հանդիպում-մրցաշարը նախատեսված է հունվարի 21-ին ժամը 12:00-ին:

Շնորհավոր Ամանոր և Սուրբ Ծնունդ

Սիրելի՛ ճեմարանական ընտանիք

Մեծ հպարտությամբ և ոգևորությամբ ուզում ենք փաստել, և նոյեմբերի 26-ին մենք բոլորս համոզվեցինք՝ «Ճեմարանը մենք ենք» խորագիրը միայն խոսքեր չեն, և մենք ու մեզնից յուրաքանչյուրը անհատապես ճեմարանական հզոր համայնքի կարևոր մի մասնիկն է:

Շիրակացու ճեմարանի զարգացման հիմնադրամը իր խորին շնորհակալությունն է հայտնում բոլոր ներկաներին, մասնակիցներին, սաներին և ծնողներին նույն ուղղությամբ նայելու, միասին գործելու, կողք կողքի քայլելու համար:

Մեր բոլորի միահամուռ ուժերով կարողացել ենք ապահովել ավելի քան 4.500.000 ՀՀ դրամ շահույթ, որն ամբողջությամբ ուղղվելու է Կրտսեր դպրոցի բակային տարածքների բարեկագմանը:

Հրաշալի և անկեղծ արձագանքները, և գաղափարական գործի շուրջ համախմբումը վստահություն են ներշնչում, որ մենք շուտով նորից պիտի հանդիպենք՝վայելելու ևս մեկ այսպիսի հագեցած ու անմոռանալի օր:

Շնորհակալություն
Սիրով՝
Սանդրա Վարդանյան
Հիմնադրամի գործադիր տնօրեն

Սիրելի ճեմարանական համայնք

Սիրով հրավիրում ենք Ձեզ և Ձեր ընտանիքի անդամներին միասին տոնելու Ճեմարանի օրը՝ «Ճեմարանը մենք ենք» խորագրի ներքո, որը տեղի կունենա նոյեմբերի 26-ին՝ ժամը 12:00-ից 16:00:
Շիրակացու ճեմարանի զարգացման հիմնադրամը այս միջոցառմամբ նպատակ ունի նորովի վերաիմաստավորելու հին ավանդույթները, մեկտեղելու բոլորին և նշելու Ճեմարանի օրը միասին:
Լիահույս ենք՝ նշված օրը առիթը կունենանք վայելելու Ձեր ներկայությունը և հագեցած ու հետաքրքիր օր անցկացնելու Ճեմարանոււմ՝ հետևելով մրցույթներին և գեղարվեստական ծրագրերին, ինչպես նաև օգտվելու ճեմարանականների ներկայացրած տարբեր տաղավարներից:
Միջոցառման ընթաքում գոյացած ողջ հասույթը տրամադրվելու է Կրտսեր դպրոցի բակային տարածքների բարեկարգմանը:

Սիրով՝
«Շիրակացու ճեմարանի զարգացման հիմնադրամ»