ԵՊՀ աշխարհագրության և երկրաբանության ֆակուլտետ

Էրազմուս+ ծրագրի շրջանակներում Երևանի պետական համալսարանի աշխարհագրության և երկրաբանության ֆակուլտետի դասախոս Արմինե Զուրաբյանը հանդիպում ունեցավ Իսպանիայի Ժիրոնայի համալսարանի Տուրիզմի բաժնի դեկան, Dr. Lluís Coromina Soler-ի հետ։

Հանդիպման նպատակը ԵՊՀ-ի և Ժիրոնայի համալսարանի միջև տուրիզմի ոլորտում ուսումնական ծրագրերի քննարկումն էր։ Քննարկվեցին առարկայական ծրագրերի բովանդակությունը, ուսումնական վերջնարդյունքների նկարագրերը և որակի ապահովման մեխանիզմները։

ԵՊՀ դասախոսը զեկուցմամբ հանդես է եկել Հուանգշանի 5-րդ միջազգային երկխոսության շրջանակներում

ԵՊՀ աշխարհագրության և երկրաբանության ֆակուլտետի Քարտեզագրության և գեոմորֆոլոգիայի ամբիոնի վարիչի պաշտոնակատար, Թվային Երկրի միջազգային ընկերության (ISDE) խորհրդի անդամ Արտակ Փիլոյանը մասնակցել է «ՅՈՒՆԵՍԿՕ-ի կողմից ճանաչված վայրերի և կայուն զարգացման վերաբերյալ Հուանգշանի 5-րդ երկխոսությանը» (5th Huangshan Dialogue on UNESCO-designated Sites and Sustainable Development), որը տեղի է ունեցել Չինաստանի Հուանգշան քաղաքում։

Միջազգային հեղինակավոր այս հարթակում նա ներկայացրել է Երևանի պետական համալսարանը, ինչպես նաև Հայաստանի գիտակրթական համայնքը։

Միջոցառումը կազմակերպվել էր ՅՈՒՆԵՍԿՕ-ի և դրա հովանու ներքո գործող Բնական և մշակութային ժառանգության տիեզերական տեխնոլոգիաների միջազգային կենտրոնի (HIST), Թվային Երկրի միջազգային ընկերության (ISDE), Հուշարձանների և տեսարժան վայրերի պահպանության միջազգային խորհրդի (ICOMOS), Մշակութային արժեքների պահպանման և վերականգնման ուսումնասիրության միջազգային կենտրոնի (ICCROM), Կայուն զարգացման նպատակների համար մեծ տվյալների միջազգային հետազոտական կենտրոնի (CBAS) կողմից։

ISDE քարտուղարության հրավերով Արտակ Փիլոյանը «Թվային տեխնոլոգիաները՝ որպես համաշխարհային կայուն զարգացման շարժիչ ուժ» խորագրով նիստում հանդես է եկել «Թվային Երկիր և տարածական արդարություն․ գեոինֆորմացիոն տեխնոլոգիաների դերը կայուն և մարդակենտրոն քաղաքային հետազոտություններում» թեմայով զեկուցմամբ։

Զեկուցման ընթացքում ներկայացվել է, թե ինչպես են գեոինֆորմացիոն տեխնոլոգիաները, արբանյակային դիտարկումները, տարածական տվյալների բազաները և քաղաքների թվային մոդելները նպաստում կայուն զարգացման նպատակների իրականացմանը և քաղաքային միջավայրի ավելի արդար ու ներառական պլանավորմանը։ Առանձնակի ուշադրություն է դարձվել տարածական արդարության գաղափարին՝ ընդգծելով, որ տվյալների հավաքագրման, վերլուծության և ներկայացման գործընթացները կարող են էական ազդեցություն ունենալ տարբեր սոցիալական խմբերի և տարածքների տեսանելիության ու ներկայացվածության վրա։

Միջոցառման շրջանակում Արտակ Փիլոյանը նաև մասնակցել է ՄԱԿ-ի Կայուն զարգացման նպատակների (ԿԶՆ) թվային ցուցանիշային շրջանակին նվիրված հատուկ կլոր սեղանի քննարկմանը, որտեղ քննարկվել են թվային տեխնոլոգիաների և մեծ տվյալների կիրառման հնարավորությունները՝ կայուն զարգացման առաջընթացի գնահատման և մոնիթորինգի գործընթացներում։

Հուանգշանի երկխոսությունը համարվում է ՅՈՒՆԵՍԿՕ-ի կողմից ճանաչված տարածքների, մշակութային և բնական ժառանգության պահպանության, թվային տեխնոլոգիաների և կայուն զարգացման ոլորտներում միջազգային համագործակցության կարևոր հարթակներից մեկը՝ միավորելով գիտական, քաղաքական և միջազգային կազմակերպությունների ներկայացուցիչների աշխարհի տարբեր երկրներից։

YSU Representative Delivers Presentation at the 5th Huangshan Dialogue
Artak Piloyan, Acting Head of the Department of Cartography and Geomorphology at the Faculty of Geography and Geology of Yerevan State University (YSU) and Council Member of the International Society for Digital Earth (ISDE), was invited to participate in the 5th Huangshan Dialogue on UNESCO-designated Sites and Sustainable Development, held in Huangshan, China. During this prestigious international event, he represented Yerevan State University as well as the Armenian academic community.

The Dialogue was organized by UNESCO, the International Centre on Space Technologies for Natural and Cultural Heritage (HIST) under the auspices of UNESCO, the International Society for Digital Earth (ISDE), the International Council on Monuments and Sites (ICOMOS), the International Centre for the Study of the Preservation and Restoration of Cultural Property (ICCROM), and the International Research Center of Big Data for Sustainable Development Goals (CBAS).
At the invitation of the ISDE Secretariat, Artak Piloyan delivered a presentation entitled “Digital Earth and Spatial Justice: The Role of Geoinformation Technologies in Sustainable and Human-Centered Urban Studies” during the session “Digital Technologies Driving Global Sustainable Development.”

The presentation highlighted how geoinformation technologies, satellite observations, spatial databases, and urban digital models contribute to the achievement of the Sustainable Development Goals and support more equitable and inclusive urban planning. Particular attention was given to the concept of spatial justice, emphasizing that data collection, analysis, and representation processes can significantly influence the visibility and representation of different social groups and territories.

As part of the Dialogue, Artak Piloyan also participated in a special roundtable discussion on the SDG Digital Indicator Framework, where participants explored the potential of digital technologies and big data to improve the monitoring and assessment of progress toward the United Nations Sustainable Development Goals.

The Huangshan Dialogue is recognized as an important international platform for cooperation in the fields of UNESCO-designated sites, natural and cultural heritage conservation, digital technologies, and sustainable development, bringing together representatives of academia, international organizations, and policy-making institutions from around the world.

ԵՊՀ աշխարհագրության և երկրաբանության ֆակուլտետը, համագործակցելով -ի հետ, հրավիրում է մասնակցելու «Տվյալներից դեպի Փոփոխություն» ծրագրին։

HYPHEN4 Lab-ի կողմից իրականացվող «Տվյալներից դեպի Փոփոխություն» նախագիծը շարունակում է միավորել կրթությունը, տեխնոլոգիան և համայնքը՝ տեղական գիտելիքը վերածելով տարածական տվյալների։

2025 թվականին HYPHEN4-ի կողմից վերապատրաստված 12 համալսարանական ընկերներ աշխատեցին Հայաստանի վեց մարզերում՝ 78 Թումո սաների հետ համատեղ քարտեզագրելով ավելի քան 17,000 տվյալներ։ Այժմ բաց է 2026 թվականի ծրագրի մասնակցության հայտերի ընդունումը։

Ո՞վ կարող է դիմել։

• Ճարտարապետության,
• Քաղաքաշինության,
• Աշխարհագրության,
• ԱՏՀ-ի,
• ինչպես նաև հարակից ոլորտների համալսարանական ուսանողներ (2-րդ կուրս և բարձր),
• 2-րդ կուրս և բարձր, մագիստրատուրայի վերջին շրջանավարտներ։

Ծրագրի փուլերը`

HYPHEN4 Lab-ի վերապատրաստում | հուլիսի 13-20
Քարտեզագրման աշխատանքներ | հուլիսի 20-29
Տվյալների մշակում և վերլուծություն | օգոստոսի 1-31

Ծրագրի բոլոր փուլերը հաջողությամբ ավարտած մասնակիցները կստանան հավաստագիր (սերտիֆիկատ) և ձեռք կբերեն արժեքավոր գործնական փորձ տարածական տվյալների հավաքագրման, մշակման և վերլուծության ոլորտներում։

Տեղեկատվական հանդիպումը տեղի կունենա`

🗓️Հունիսի 6
🕓 18:30
📍ք. Երևան, Թումանյան 2 | Library for architecture | .f.a_am |

Սիրով հրավիրում ենք հետաքրքրված ուսանողներին միանալ ծրագրին և իրենց ներդրումն ունենալ տվյալահեն համայնքային զարգացման գործում:

🎉 Այս տարի լրանում է Երևանի պետական համալսարանի հիմնադրման 107-ամյակը, և այս խորհրդանշական օրը համալսարանական մեծ ընտանիքը կրկին համախմբվեց ԵՊՀ շրջանավարտների ֆորումի շրջանակում՝ ամփոփելու ձեռքբերումները, վերարժևորելու համալսարանական կապերն ու ձևավորելու նոր համագործակցություններ։

🌍 Ուրախությամբ արձանագրում ենք, որ ԵՊՀ աշխարհագրության և երկրաբանության ֆակուլտետը ֆորումին ակտիվ ներգրավվածություն ունեցավ՝ արժանանալով կարևոր գնահատանքի թե՛ շրջանավարտների, թե՛ դասախոսական կազմի մակարդակով։

🏅 Ֆորումի պաշտոնական մրցանակաբաշխության ընթացքում «Լավագույն շրջանավարտ» ճանաչվեց աշխարհագրության և երկրաբանության ֆակուլտետի շրջանավարտ Լևոն Ազիզյանը՝ ԵՊՀ զարգացման, համալսարանական համայնքի ամրապնդման և շրջանավարտ–համալսարան համագործակցության ձևավորման գործում ունեցած նշանակալի ներդրման համար։

🎓 Ամփոփվեցին նաև «ԵՊՀ-ում դասավանդման գերազանցության մրցանակ» մրցույթի արդյունքները, որի շրջանակում գնահատվեցին դասախոսները, ովքեր իրենց մասնագիտական գործունեությամբ նպաստում են դասավանդման մեթոդների կատարելագործմանը, նորարարական մոտեցումների կիրառմանը և կրթական միջավայրի զարգացմանը։

🏆 Հասարակագիտական անվանակարգում մրցանակի արժանացավ ԵՊՀ աշխարհագրության և երկրաբանության ֆակուլտետի սերվիսի ամբիոնի դոցենտ Գոռ Ալեքսանյանը, ում նվիրումն ու մասնագիտական բարձր որակները կարևոր դեր ունեն համալսարանական կրթության զարգացման գործում։

🤝 Այս օրը ևս մեկ անգամ հաստատեց, որ արդեն 107-ամյա ԵՊՀ-ն ոչ միայն կրթության ու գիտության կենտրոն է, այլ նաև սերունդներ միավորող հզոր համայնք, որտեղ ձևավորվում են արժեքներ, գործընկերություններ ու ապագայի նոր հնարավորություններ։

Շնորհավորում ենք մրցանակների արժանացած մեր գործընկերներին՝ մաղթելով նորանոր հաջողություններ, մասնագիտական ձեռքբերումներ և շարունակական վերելքներ՝ ի նպաստ ԵՊՀ-ի և համալսարանական համայնքի զարգացման։

#ԵՊՀ107 #ԵՊՀ