Երևանի թիվ 3 տարածքային մանկավարժահոգեբանական աջակցության կենտրոն

🌀Երևանի թիվ 3 տարածքային մանկավարժահոգեբանական աջակցության կենտրոնի հոգեբանները մասնակցել են «Վարքային թերապիստը միջամտության մեջ․ գնահատումից մինչև արդյունք» խորագիրը կրող մասնագիտական դասընթացին, որը վարում էր վարքային վերլուծաբան, Connect վաղ միջամտությունների կենտրոնի հիմնադիր Լիլիթ Մազմանյանը։
Դասընթացին ներկա էին նաև թիվ 3 ՏՄԱԿ-ի տնօրեն Գոռ Մսրիկյանը և տնօրենի տեղակալ Մարի Օհանյանը։
〰️Դասընթացի շրջանակներում անդրադարձ կատարվեց կիրառական վարքային վերլուծության(ABA) հիմնարար սկզբունքներին, վարքային գնահատման և տվյալահեն միջամտությունների պլանավորման գործընթացներին, ինչպես նաև դրանց արդյունավետության գնահատման մեխանիզմներին։
✔️Մասնակիցները հնարավորություն ունեցան ծանոթանալու վարքային դժվարությունների հաղթահարման ժամանակակից մոտեցումներին և դիտարկել մանկավարժահոգեբանական աջակցության շրջանակներում դրանց կիրառման գործնական առանձնահատկությունները։
〰️Դասընթացի ավարտին Գոռ Մսրիկյանը բարձր գնահատեց նախաձեռնության մասնագիտական բովանդակությունն ու գործնական նշանակությունը՝ ընդգծելով, որ նման միջոցառումները կարևոր դեր ունեն մասնագետների կարողությունների զարգացման, փորձի փոխանակման և երեխաներին տրամադրվող ծառայությունների որակի շարունակական բարելավման գործում։
🤍Հատկանշական է, որ այս դասընթացը հերթական հաջողված համագործակցությունն էր 2025 թվականին Երևանի թիվ 3 տարածքային մանկավարժահոգեբանական աջակցության կենտրոնի և «Connect» վաղ միջամտության կենտրոնի միջև ստորագրված փոխգործակցության հուշագրի շրջանակներում։
🔗 https://tmak.am/newsPage/151

#ԵրևանիԹիվ3ՏՄԱԿ

ԵՊԲՀ «Հերացի» ավագ դպրոցում իրականացվեց «Գիտակից ծնողավարումը՝ որպես երեխայի զարգացման կարևոր գործոն» խորագիրը կրող վերապատրաստման դասընթացը։
Ծնողների ակտիվ մասնակցությամբ քննարկվեցին հետևյալ թեմաները․
👉դեռահասության տարիքային և հոգեբանական առանձնահատկությունները,
👈ծնող-երեխա հարաբերությունների առանձնահատկությունները դեռահասության շրջանում,
👉վստահության և հուզական անվտանգության վրա հիմնված կապի ձևավորումը,
👈սահմանների պահպանման կարևորությունը,
👉 արդյունավետ հաղորդակցման և ակտիվ լսելու հմտությունները,
👉ծնողական վարքագծի ազդեցությունը դեռահասի ինքնագնահատականի և զարգացման վրա։
☝️Վերապատրաստող-մասնագետ Աստղիկ Գրիգորյանը ներկայացրեց, թե ինչպես կարող են ծնողները ստեղծել աջակցող և անվտանգ միջավայր, որը կնպաստի դեռահասների շրջանում ինքնուրույնության և պատասխանատվության զարգացմանը, հուզական բարեկեցության ապահովմանը։
🫶Շնորհակալություն բոլոր մասնակիցներին ակտիվ ներգրավվածության, հետաքրքիր հարցերի և բաց քննարկումների համար։
#ԹԻՎ3ՏՄԱԿ
🔗 https://tmak.am/newsPage/150

💛🩷🩵Հունիսի 1-ը՝ Երեխաների պաշտպանության միջազգային օրը, հիշեցում է, որ յուրաքանչյուր երեխա արժանի է սիրո, հոգատարության, պաշտպանության և իր ներուժը լիարժեք բացահայտելու հնարավորության։ Երևանի թիվ 3 տարածքային մանկավարժահոգեբանական աջակցության կենտրոնը ամեն օր իր գործունեությամբ նպաստում է երեխաների իրավունքների պաշտպանությանը, կրթության մատչելիության ապահովմանը և նրանց անհատական կարիքներին համապատասխան աջակցություն տրամադրելուն։
💖Այս օրը ևս մեկ առիթ է ընդգծելու, որ երեխաների բարեկեցությունը, անվտանգությունը և որակյալ կրթության իրավունքը բոլորիս համատեղ պատասխանատվությունն են։
❤️Թո՜ղ յուրաքանչյուր երեխայի մանկությունը լցված լինի ջերմությամբ, ժպիտներով, հաջողություններով և նոր բացահայտումներով։
🎈 Շնորհավորում ենք Երեխաների պաշտպանության միջազգային օրը։

#ՏՄԱԿ
#Թիվ3ՏՄԱԿ
#ՆերառականԿրթություն #ԲացահայտենքՅուրաքանչյուրԵրեխայիՆերուժը

🇦🇲 Երևանի թիվ 3 տարածքային մանկավարժահոգեբանական աջակցության կենտրոնը շնորհավորում է Հանրապետության օրվա առթիվ՝ բոլորիս մաղթելով խաղաղություն, կայունություն և հզոր հայրենիք, որտեղ յուրաքանչյուր երեխա կունենա զարգանալու, սովորելու և իր ներուժը բացահայտելու հնարավորություն։

#ՀանրապետությանՕր
#Թիվ3ՏՄԱԿ

⚖️Հարգելի՛ ծնողներ, մանկավարժներ, կրթության կազմակերպման գործընթացի մասնակիցներ, տեղեկացնում ենք, որ «Դպրոցական տարիքի երեխաներին հանրակրթության մեջ ընդգրկելու, սահմանված ժամկետից ուշ հանրակրթության մեջ ընդգրկվող երեխաների կրթության կազմակերպման և հանրակրթական ուսումնական հաստատությունից սովորողին այլ ուսումնական հաստատություն տեղափոխելու և ազատելու կարգ»-ում կատարվել են փոփոխություններ։
📘Փոփոխությունները վերաբերում են սովորողների ընդունման, տեղափոխման, կրթության կազմակերպման և հանրակրթության մեջ ընդգրկման գործընթացների մի շարք կարգավորումներին։

🔗 Փաստաթղթին կարող եք ծանոթանալ
tmak.am կայքի «Օրենսդրություն» բաժնում,
Հղումը➡️ https://tmak.am/legislation?lang=arm

🎈🔔Դպրոցական կյանքի ավարտը խորհրդանշող միջոցառում լինելուց զատ Վերջին դասը նաև կարևոր սահմանագիծ է՝ լի հուշերով, երախտագիտությամբ, սպասումներով և նոր ճանապարհների մեկնարկով։ Այս օրը յուրահատուկ է թե՛ շրջանավարտների, թե՛ ուսուցիչների և ծնողների համար, քանի որ այն ամփոփում է տարիների համատեղ աշխատանքը, ձեռքբերումներն ու հաղթահարված դժվարությունները։
Երևանի թիվ 3 տարածքային մանկավարժահոգեբանական աջակցության կենտրոնի տնօրեն Գոռ Մսրիկյանը, տնօրենի տեղակալ Մարի Օհանյանը և կենտրոնի մասնագետները ներկա գտնվեցին Երևանի Սիլվա Կապուտիկյանի անվան հ․145 հիմնական դպրոցի Վերջին դաս միջոցառմանը։
⭐️Միջոցառման ընթացքում Երևանի թիվ 3 ՏՄԱԿ-ի տնօրեն Գոռ Մսրիկյանը շնորհակալագիր հանձնեց դպրոցի տնօրեն Գայանե Աղասարյանին՝ ՏՄԱԿ–դպրոց արդյունավետ համագործակցությանը նպաստելու, ներառական կրթության ամրապնդմանը և կրթական գործընթացում սովորողակենտրոն մոտեցումների զարգացմանն աջակցելու համար։
Կարևորելով դպրոց–ՏՄԱԿ շարունակական համագործակցությունը՝ վստահ ենք, որ համատեղ և համակարգված աշխատանքը շարունակում է նպաստել յուրաքանչյուր երեխայի ներուժի բացահայտմանն ու աջակցող կրթական միջավայրի ձևավորմանը։
🫶Սիրով շնորհավորում ենք շրջանավարտներին՝ մաղթելով վստահ քայլեր և հաջողություններ կյանքի նոր փուլում։ 🎈
🌐 https://tmak.am/newsPage/149

🎓 Սիրելի՛ շրջանավարտներ,
Ի սրտե շնորհավորում եմ ձեզ Վերջին դասի կապակցությամբ։
Այս օրը յուրաքանչյուր մարդու կյանքում առանձնահատուկ նշանակություն ունի։ Այն ամփոփում է դպրոցական տարիների հիշողությունները, ձեռքբերումները, դժվարություններն ու հաղթանակները՝ միաժամանակ բացելով նոր փուլ, որտեղ ձեզ սպասում են կարևոր որոշումներ, նոր փորձառություն և մեծ պատասխանատվություն։
✨Դպրոցն այն միջավայր է, որտեղ ձևավորվում են արժեքներ, մարդկային հարաբերություններ, երազանքներ և նպատակներ։ Այստեղ դուք սովորել եք հավատալ սեփական ուժերին, հարգել միմյանց, հաղթահարել դժվարությունները և գնահատել կրթության ուժը։
🌟Այսօր, հրաժեշտ տալով դպրոցին, ձեզնից յուրաքանչյուրն իր հետ տանում է ուսուցիչների նվիրումը, ծնողների հոգատարությունը և ընկերության ամենաջերմ հիշողությունները։ Տարիներ անց հենց այս օրերն են դառնալու ձեր կյանքի ամենաթանկ ու լուսավոր հիշողությունները։
Համոզված եմ՝ դուք ձեր գիտելիքներով, աշխատասիրությամբ և մարդկային որակներով նպաստելու եք ավելի զարգացած և ավելի ներառական և հասարակության ձևավորմանը։
Առանձնահատուկ շնորհակալություն եմ հայտնում մանկավարժներին, ովքեր տարիներ շարունակ իրենց գիտելիքով, համբերությամբ և նվիրվածությամբ ուղեկցել են սովորողներին այս կարևոր ճանապարհին։ Շնորհակալություն նաև ծնողներին՝ մշտական աջակցության, վստահության և հոգատարության համար։
🔔Սիրելի՛ շրջանավարտներ, մաղթում եմ, որպեսզի ձեր հետագա ճանապարհը լի լինի հաջողություններով, մասնագիտական ու անձնական ձեռքբերումներով, նոր գիտելիքներով և կարևոր հաղթանակներով։ Երբեք չշեղվեք սովորելու, զարգանալու և ձեր մարդկային լավագույն հատկանիշները դրսևորելու ճանապարհից։
💛Բարի երթ եմ մաղթում ձեզ և խաղաղ ապագա։
Գոռ Մսրիկյան,
Երևանի թիվ 3 տարածքային մանկավարժահոգեբանական աջակցության կենտրոնի տնօրեն
🌐 https://tmak.am/newsPage/148

☝️Ավարտվեց Հայկական պետական մանկավարժական համալսարանի Հատուկ և ներառական կրթության ֆակուլտետի ուսանողների մանկավարժական պրակտիկան Երևանի թիվ 3 տարածքային մանկավարժահոգեբանական աջակցության կենտրոնում։
👉Պրակտիկայի ընթացքում ուսանողները հնարավորություն ունեցան ծանոթանալու կրթության առանձնահատուկ պայմանների կարիքի գնահատման, մանկավարժահոգեբանական աջակցության տրամադրման գործընթացներին` գործնական միջավայրում ամրապնդելով իրենց գիտելիքներն ու հմտությունները։
🤝 Համագործակցության նման ձևաչափը կարևոր է ապագա մասնագետների պրակտիկ փորձառության, փորձի փոխանցման և ներառական կրթության ոլորտում որակյալ կադրերի պատրաստման առումներով։
👏Շնորհակալություն ենք հայտնում բուհի դասախոսական կազմին և ուսանողներին`արդյունավետ փոխգործակցության, պատասխանատվության և մասնագիտական հետաքրքրվածության համար։🌿
🔗 https://www.tmak.am/newsPage/147

✔️Երևանի թիվ 3 տարածքային մանկավարժահոգեբանական աջակցության կենտրոնում շարունակվում է «Խնդրահարույց վարքի գնահատումը, կանխարգելումն ու միջամտությունը դպրոցական միջավայրում» խորագիրը կրող վերապատրաստման դասընթացը։

❇️Դասընթացը վարեց Հանրապետական մանկավարժահոգեբանական կենտրոնի վերապատրաստող-մասնագետ, վարքային թերապիստ Մարինա Բաբայանը։
🔗 https://tmak.am/newsPage/146