Երևանի հենակետային բժշկական քոլեջ

📌 2025թ. դեկտեմբերի 9-ին Երևանի հենակետային պետական բժշկական քոլեջի «Հանրակրթական ծրագրով» բաժնի 106 խմբում անցկացվեց իրազեկման դաս, որը կազմակերպել էր քոլեջի «Ինֆորմատիկա և ՏՀՏ» առարկայի դասախոս Մ. Ղարիբյանը։

💻 Դասը նվիրված էր ԿԳՄՍ նախարարության և «Մեդիա նախաձեռնությունների կենտրոն»-ի կողմից Հայաստանում հայտարարված Մեդիագրագիտության շաբաթին։

🔛 Դասի ընթացքում ուսանողները ծանոթացան մեդիագրագիտության հիմնական սկզբունքներին, տեղեկության հավաստիության ստուգման կարևորությանը, ինչպես նաև կեղծ լուրերի բացահայտման և ճանաչման ուղիներին։ Քննարկվեցին գործնական օրինակներ, իրականացվեցին վերլուծական դիտարկումներ, ինչի արդյունքում ձևավորվեց քննադատական և գիտակցված մոտեցում մեդիա միջավայրի նկատմամբ։

👩‍🦰 Դասին մասնակցում էին նաև «Հանրակրթական առարկաների, լեզուների և հասարակագիտական առարկաների» ամբիոնի վարիչ Ս. Տորտիկյանը և «Հանրակրթական ծրագրով» բաժնի վարիչ Ա. Կիրակոսյանը, որոնք բարձր գնահատեցին ուսանողների ակտիվ ներգրավվածությունը, դասի կառուցվածքն ու նպատակադրումը։

✅ Իրազեկման դասը նպաստեց ուսանողների մեդիա ոլորտում գիտակցված, պատասխանատու և քննադատական վերաբերմունքի ձևավորմանը։

🇦🇲 Տոնդ շնորհավո՜ր, ՀԱՅՈՑ ԲԱՆԱԿ 🇦🇲

📣📣 Ուշադրություն Երևանի հենակետային պետական բժշկական քոլեջի բոլոր ուսանողներին 📣📣

📌 2025թ. դեկտեմբերի 10-ին Երևանի հենակետային պետական բժշկական քոլեջի մեթոդիստ Կարինե Մնացականյանի ղեկավարությամբ քոլեջի «Քույրական գործ» բաժնի 308 խմբի ուսանողները մասնակցեցին «Ուրարտու» համալսարանում անցկացված «Հոգեբանություն և իրավունք» թեմայով սեմինարին։

👩‍🏫 Սեմինարը կազմակերպել էր «Ուրարտու» համալսարանի «Իրավունք» առարկայի դասախոս Սոնա Համբարձումյանը։

✔️ Սեմինարի նպատակն էր տարբեր իրավական իրավիճակների վերլուծության միջոցով ձևավորել և ամրապնդել միջմոդուլային կապերը, զարգացնել իրավական մտածողությունը և ապահովել տեսական գիտելիքների կիրառումը գործնական իրավիճակներում։

🎞 Սահիկաշարի միջոցով նախ ներկայացվեց մարդու իրավունքների և ազատությունների հռչակագիրը, այնուհետև` Լյուցիֆերի էֆեկտը։

🔶️ Կիրառվեց փոքր խմբերով աշխատանքի մեթոդը, որի շրջանակում ուսանողներն իրականացրին տարբեր իրավիճակների վերլուծություն։

✅️ Աշխատանքները գնահատվեցին փորձագետ Արմինե Մուրադյանի կողմից։
Սեմինար-պարապմունքն անցկացվեց ջերմ մթնոլորտում և ուղեկցվեց ակտիվ ու հետաքրքիր քննարկումներով:

📌 2025 թ. դեկտեմբերի 12-ին Երևանի հենակետային պետական բժշկական քոլեջում «Կենսաբանություն» առարկայական խմբակի 25 ուսանողներ ծանոթացան վիրտուալ հանրագիտարանի հնարավորություններին և մասնակցեցին համապատասխան աշխատանքային ծրագրին:

➡️ Դիտվող նյութը վերաբերվում էր կենսաբանության ոլորտի թեմաներին՝
▪️«Բջիջ: Միկրոաշխարհ»
▪️«Աշխարհի շուրջ»:

✔️ Միջոցառումը իրականացվեց՝ ապահովելով անվտանգության անհրաժեշտ մակարդակը, որը լիովին համատեղելի է կրթական միջավայրի պահանջների հետ:

🔶️ Վիրտուալ հանրագիտարանում ուսանողների համար ապահովված է անվտանգ, վերահսկվող և չափավոր դիտման միջավայր:

✅️ Վիրտուալ հանրագիտարանի նպատակն է ուսանողներին տրամադրել հստակ և հասկանալի տեղեկություն, նպաստել հիմնական գիտելիքների ձեռքբերմանը, ինչպես նաև զարգացնել ինքնուրույն ուսումնասիրման կարողություններ:

⭕️ Ուսանողների տեղեկատվության ընկալման մակարդակը ստուգվեց էլեկտրոնային հարթակի միջոցով:

🔹️ Ծրագրի ֆինանսավորումն իրականացվել է ԵՀՊԲՔ տնօրինության կողմից։

📍 2025թ. նոյեմբերի 21-ին Երևանի հենակետային պետական բժշկական քոլեջի «Հանրակրթական ծրագրով» բաժնի 101 և 106 խմբերի ուսանողները «Պատմություն» առարկայի դասախոս, ավագ գրադարանավար Լ. Փափազյանի և «Հայոց լեզու և հայ գրականություն» առարկայի դասախոս Ս. Սարգսյանի ղեկավարությամբ Խնկո-Ապոր ազգային մանկական գրադարանում մասնակցեցին այնտեղ կազմակերպված մշակութային միջոցառմանը։

👫 Միջոցառման շրջանակում կազմակերպվել էր շնորհալի երեխաների մասնակցությամբ երաժշտական համերգ և կերպարվեստի աշխատանքների ցուցադրություն։
📯 Հնչեցին դասական և ազգային երաժշտական կատարումներ, ներկայացվեցին պատանիների ստեղծագործական նկարներն ու գեղարվեստական աշխատանքները։

✅ Միջոցառումն աչքի ընկավ իր հետաքրքիր և ուսուցողական բովանդակությամբ, որի նպատակն էր նպաստել ուսանողների մշակութային ճաշակի ձևավորմանը և ազգային մշակութային արժեքների ճանաչման խորացմանը։

📌 2025թ. դեկտեմբերի 11-ին Երևանի հենակետային պետական բժշկական քոլեջի «Հանրակրթական ծրագրով» բաժնի 102 խմբի ուսանողները «ՆԶՊ և անվտանգ կենսագործունեություն» առարկայի «Անվտանգ կենսագործունեություն» բաժնի ուսումնառության շրջանակներում, դասախոս Ա. Կարապետյանի և «Հանրակրթական առարկաների, լեզուների և հասարակագիտական առարկաների» ամբիոնի վարիչ Ս. Տորտիկյանի ուղեկցությամբ, այցելեցին ՀՀ ՆԳՆ Փրկարար ծառայության Երևան քաղաքի փրկարարական վարչության թիվ 8 հրշեջ-փրկարարական ջոկատ։

✅️ Այցելության նպատակն էր ուսանողներին ծանոթացնել փրկարարական և հրշեջ-փրկարարական աշխատանքների առանձնահատկություններին, անհետաձգելի վթարավերականգնողական գործողություններին, մասնագիտական փրկարարական գործիքներին և անհատական պաշտպանության միջոցներին, ինչպես նաև արտակարգ իրավիճակներում և պատերազմի ժամանակ բնակչության ազդարարման միասնական համակարգին ու ծառայության առօրյային։

🔛 Համապատասխան դասընթացի անցկացումից և ուսանողների հետաքրքրող հարցերին պատասխանելուց հետո օրվա հերթափոխի պատասխանատուն ներկայացրեց և ցուցադրեց առկա փրկարարական գործիքներն ու կիրառվող մեթոդները։

✔️ Այցի ընթացքում ուսանողները հնարավորություն ունեցան մոտիկից ծանոթանալու փրկարարական տեխնիկային, փրկարարական աշխատանքների համար նախատեսված գործիքների հնարավորություններին, ինչպես նաև ծառայության անցնելու և համազգեստ կրելու կարգին։

🔶️ Արտագնա դասը հագեցած էր և նպաստեց ուսանողների գործնական գիտելիքների խորացմանն ու մասնագիտական կողմնորոշման ձևավորմանը։

📍 2025թ. դեկտեմբերի 12-ին Երևանի հենակետային պետական բժշկական քոլեջի «Քույրական գործ» բաժնի 405 խմբի ուսանողները քոլեջի կարիերայի ուղղորդման պատասխանատու Լ․ Մանուչարյանի և կրթության որակի պատասխանատու Գ․ Սարգսյանի ղեկավարությամբ կազմակերպեցին «Գենդերային հավասարություն» թեմայով «առողջ բանավեճ» ձևաչափով քննարկում։

🎞 Սահիկաշարի միջոցով ներկայացվեցին սեռերի անատոմիաֆիզիոլոգիական առանձնահատկությունները, մտածողության, մասնագիտության ընտրության և աշխատանքի նկատմամբ վերաբերմունքի տարբերությունները, ինչպես նաև անդրադարձ կատարվեց բռնության դեպքերին։

✅️ Քննարկման նպատակն էր ուսանողների մոտ ձևավորել հիմնարար գիտելիքներ գենդերային հավասարության վերաբերյալ, ամրապնդել իրավահավասարության սկզբունքների ընկալումը և խթանել խտրականության ցանկացած դրսևորման անընդունելիության գիտակցումը։

✔️ Քննարկումն անցավ առողջ և կառուցողական մթնոլորտում։

📌 2025թ․ նոյեմբերի 25-ին Երևանի հենակետային պետական բժշկական քոլեջի «Ատամնատեխնիկական գործ» բաժնի 204 և 205 խմբերի ուսանողները «Տնտեսագիտություն» առարկայի դասախոս Ա․ Գադուկյանի ուղեկցությամբ, ուսումնական ծրագրի շրջանակներում այցելեցին ՀՀ Կենտրոնական բանկի թանգարան։

✅️ Այցի նպատակն էր ուսանողներին ներկայացնել Հայաստանի Հանրապետության Կենտրոնական բանկի բազմապիսի գործունեությունը, ուսումնասիրել դրամավարկային համակարգի ձևավորումը, ազգային արժույթի պատմությունը և ֆինանսական կառույցների նշանակությունը երկրի տնտեսական զարգացման գործում։

🪙 Ուսանողները ծանոթացան առաջին հայկական դրամի ստեղծման պատմությանը, դրա հետագա զարգացումներին, ուսումնասիրեցին պատմական փաստաթղթեր ու տեսան արժեքավոր նմուշներ, որոնք վկայում են Հայաստանի տնտեսության հարուստ պատմության մասին։

🎁 Այցելությունը դարձավ ուսուցողական ու անմոռանալի փորձառություն․ ուսանողները ձեռք բերեցին նոր գիտելիքներ, հմտություններ և պատկերացումներ, իսկ ավարտին ստացան փոքրիկ հուշանվերներ՝ որպես վառ հիշողություն ուսումնական էքսկուրսիայից։

📖 Յուրաքանչյուր դասը ինքնուրույն ստեղծագործություն է, և յուրաքանչյուր ուսուցիչ այն մատուցում է իր յուրահատուկ ոճով

🎓✅ Հավատարմագրվում է Երևանի հենակետային պետական բժշկական քոլեջի «Քույրական գործ» ՄԿԾ-ն։

📌 2025թ․ նոյեմբերի 15-ին Երևանի հենակետային պետական բժշկական քոլեջի «Հանրակրթական ծրագրով» բաժնի 101 և 105 խմբերի ուսանողների մասնակցությամբ տեղի ունեցավ «Գենդերային հավասարություն․ հավասար իրավունքներ և հնարավորություններ» թեմայով դաս-քննարկում, որը կազմակերպել էր քոլեջի «Հասարակագիտություն» առարկայի դասախոս Ս․ Հարությունյանը։

👩 Դասին մասնակցում էր նաև «Հանրակրթական առարկաների, լեզուների և հասարակագիտական առարկաների» ամբիոնի վարիչ Ս. Տորտիկյանը։

💡📖 Դասի ընթացքում դասախոսի կողմից ներկայացվեց գենդերային հավասարության հիմնարար գաղափարները, առանցքային հասկացությունները և այնուհետև ներկայացվեցին գենդերային հավասարությանն առնչվող մարտահրավերները։

🔍📊 Այնուհետև ուսանողները հանդես եկան իրենց ինքնուրույն կատարած հետազոտական աշխատանքներով․ ներկայացրեցին տարբեր տարածաշրջաններում մշակութային առանձնահատկություններով պայմանավորված գենդերային խտրականության օրինակներ, ինչպես նաև դրանց հաղթահարմանը միտված միջազգային հանրության նախաձեռնությունները։

📈 Վերլուծեցին վերջին տարիներին Համաշխարհային տնտեսական ֆորումի հրապարակած պաշտոնական վիճակագրական տվյալները՝ գենդերային ինդեքսի և ճեղքվածքի վերաբերյալ, անդրադարձան ՀՀ օրենսդրության արմատական բարեփոխումներին, որոնք միտված են հասարակական կյանքի բոլոր ոլորտներում ապահովելու կանանց և տղամարդկանց հավասար մասնակցային հնարավորություններ։

💬 Վերջում ուսանողները ծավալեցին ակտիվ քննարկումներ, հանդես եկան առաջարկներով , որոնք կարող են նպաստել հասարակական կյանքի բոլոր ոլորտների կայուն և հավասարազոր զարգացմանը, ապահովելով հավասար իրավունքներ և խտրականության բացառում։