Բեգլարյան Հոգեբանական Ծառայությունների Կենտրոն

Կրկին սիրով և մեծ պատասխանատվությամբ իրականացնում եմ մասնագետի վերապատրաստում՝ հավատալով, որ շարունակական մասնագիտական զարգացումը որակյալ աշխատանքի հիմքն է։ Յուրաքանչյուր վերապատրաստում ոչ միայն նոր գիտելիքների և գործնական հմտությունների փոխանցում է, այլև մասնագիտական մտածողության, էթիկայի և արդյունավետ աշխատանքի մշակույթի ձևավորում՝ հանուն երեխաների առավել արդյունավետ աջակցության։

Ինչու եմ առանձնահատուկ ընդգծում ադապտիվ ֆիզիկական կուլտուրայի մասնագետի դերը։ Պատճառը շատ պարզ է. եթե հատուկ մանկավարժը զարգացնում է երեխայի ճանաչողական և ուսումնական կարողությունները, հոգեբանը՝ հուզական և վարքային ոլորտը, իսկ լոգոպեդը՝ խոսքն ու հաղորդակցական հմտությունները, ապա այս ամբողջ աշխատանքի ամրապնդումն ու գործնական կիրառումը տեղի է ունենում ադապտիվ ֆիզիկական մշակույթի միջոցով։

Զարգացման առանձնահատկություններ ունեցող երեխաների հետ տարվող աշխատանքում խմբավար մասնագետի դերը հիմնարար նշանակություն ունի։ Խմբավարը ոչ միայն կազմակերպում և համակարգում է խմբային գործընթացը, այլև ստեղծում է անվտանգ, կանխատեսելի և վստահելի միջավայր, որտեղ յուրաքանչյուր երեխա հնարավորություն է ստանում բացահայտելու իր ներուժը։

Համագործակցության կարևորությունը

Երբ մասնագետները մշտապես փոխանակվում են գնահատման արդյունքներով, կազմում են միասնական նպատակներ և կիրառում փոխլրացնող մեթոդներ, երեխան չի ստանում հակասական պահանջներ։ Նա աշխատում է մեկ համակարգով, ինչի շնորհիվ ձեռք բերված հմտությունները հեշտությամբ փոխանցվում են տարբեր միջավայրեր՝ թերապիայի սենյակից տուն, մանկապարտեզ կամ դպրոց։. Հոգեբանը զարգացնում է երեխայի հուզական կայունությունը, վարքային ինքնակարգավորումը, ուշադրությունը, հիշողությունը, մտածողությունը, սոցիալական հմտություններն ու մոտիվացիան։
* Լոգոպեդը աշխատում է խոսքի ընկալման և արտահայտման, հնչարտասանության, բառապաշարի, հաղորդակցական կարողությունների և լեզվական համակարգի զարգացման ուղղությամբ։
* Հատուկ մանկավարժը ձևավորում է երեխայի ճանաչողական, ակադեմիական և կենցաղային հմտությունները՝ կիրառելով անհատականացված կրթական մեթոդներ։