Վարդենիսի Բժշկա-հումանիտար քոլեջ/Medical-Humanities College of Vardenis

🚌 Մայիսի 20-ին քոլեջի ուսանողներն ու ուսուցիչները կրթամշակութային այցով եղան Հայաստանի հայրաքաղաք՝ Գյումրի

Այցի ընթացքում մասնակիցներն այցելեցին «Սև բերդ» ամրոց, Հովհաննես Շիրազի և Ավետիք Իսահակյանի տուն-թանգարաններ, ինչպես նաև Մհեր Մկրտչյանի թանգարան՝ առավել մոտիկից ծանոթանալով հայ մեծանուն մտավորականների և մշակութային գործիչների կյանքին, ստեղծագործական ուղուն ու ազգային մշակութային ժառանգությանը։

Ուսանողները շրջեցին նաև Գյումրու պատմական ու գունեղ փողոցներով, այցելեցին եկեղեցիներ և մշակութային տարբեր վայրեր՝ բացահայտելով քաղաքի ինքնատիպ մթնոլորտը, մշակութային արժեքներն ու համայնքային յուրահատուկ միջավայրը։

Քոլեջում նման ճանաչողական և կրթական այցերը դիտարկվում են ոչ միայն որպես արտադասարանային միջոցառումներ, այլ որպես ուսումնական գործընթացի կարևոր և անբաժան բաղադրիչ։ Դրանք հնարավորություն են տալիս ուսանողներին կրթությունը կապել իրական կյանքի, մշակույթի, պատմության և ազգային արժեքների հետ՝ ձևավորելով ավելի լայն աշխարհայացք, մտածողություն և մասնագիտական ու մարդկային զարգացում։

#ՎԲՀՔ

Բաց դասի ընթացքում քոլեջի «Դեղագործություն» մասնագիտության ուսանողները ներկայացրել են վտանգավոր թափոնների ճիշտ կառավարման կարևորությունը, որը ներկայումս համարվում է առողջապահական համակարգի կարևոր ուղղություններից մեկը։ 🚯

Նրանք անդրադարձել են վտանգավոր թափոնների հետ ճիշտ վարվելու մեթոդներին, տեսակավորման, անվտանգ պահպանման, տեղափոխման և ոչնչացման գործընթացներին՝ ընդգծելով, որ դրանց ոչ ճիշտ կառավարումը կարող է վտանգ ներկայացնել հիվանդների, առողջապահական աշխատողների, հանրության և շրջակա միջավայրի համար։

#ՎԲՀՔ

🌟 Այս պահին «Գասպարյան» կրթական հիմնադրամի աջակցությամբ Վարդենիսի բժշկա-հումանիտար քոլեջի թվով 8 ուսանողներ սովորում են լիարժեք անվճար՝ ստանալով «Գասպարյան» կրթաթոշակներ։

Այս պահին «Գասպարյան» կրթական հիմնադրամի աջակցությամբ Վարդենիսի բժշկա-հումանիտար քոլեջի թվով 8 ուսանողներ սովորում են լիարժեք անվճար՝ ստանալով «Գասպարյան» կրթաթոշակներ 🌟

Հիմնադրամի նպատակն է կրթությունը դարձնել ավելի հասանելի, աջակցել երիտասարդներին և հնարավորություն ստեղծել, որպեսզի որևէ երիտասարդ կրթությունից չզրկվի սոցիալական կամ ֆինանսական դժվարությունների պատճառով։

«Գասպարյան» կրթական հիմնադրամը շարունակում է իր առաքելությունը՝ աջակցելով կրթության զարգացմանը, երիտասարդների առաջընթացին և հավատալով, որ հենց կրթության միջոցով կարելի է փոխել մարդկանց կյանքերը, համայնքները և ապագան։

Վարդենիսի Բժշկա-հումանիտար քոլեջ/Medical-Humanities College of Vardenis

Մայիսի 12-ին ՎԲՀՔ-ի «Սպասարկման կազմակերպում» մասնագիտության 2-րդ կուրսի ուսանողները ուսումնական այց ունեցան Երևանում գործող Mövenpick Hotel Yerevan հյուրանոցային համալիր և Նագաշյան մանուկների տուն։

Այցի ընթացքում ուսանողները ծանոթացան հյուրանոցային սպասարկման կազմակերպման առանձնահատկություններին, հյուրերի ընդունման և սպասարկման գործընթացներին, թիմային աշխատանքի մշակույթին, ինչպես նաև ոլորտում կիրառվող ժամանակակից մոտեցումներին։

Նագաշյան մանուկների տանը ուսանողները հնարավորություն ունեցան ավելի մոտիկից հասկանալու նաև սոցիալական պատասխանատվության և կենտրոնի ծառայությունների կարևորությունը։

#ՎԲՀՔ

Մեր «Ատամնատեխնիկական գործ» բաժնի ուսանողները Երևանյան մասնագիտական այցի շրջանակում հյուրընկալվեցին «Հովակիմյան» լաբորատորիաներում 🦷

Լաբորատորիայի հիմնադիր Սարգիս Հովակիմյանը ուսանողներին ներկայացրեց ոլորտի զարգացման հնարավորությունները, առկա մարտահրավերները, ինչպես նաև թվային տեխնոլոգիաների արագ զարգացող դերը ժամանակակից ատամնատեխնիկական ոլորտում։

Այցի ընթացքում ուսանողները հնարավորություն ունեցան անմիջականորեն մասնակցել տարբեր աշխատանքների, ծանոթանալ լաբորատոր միջավայրին և ավելի մոտիկից տեսնել մասնագիտության գործնական կողմը։

Նման հանդիպումները կարևոր հնարավորություն են մեր ուսանողների համար՝ տեսնելու մասնագիտության իրական միջավայրը և ավելի վստահ քայլելու իրենց ընտրած ճանապարհով։

Շնորհակալ ենք Սարգիս Հովակիմյանին՝ մեր ուսանողներին աջակցելու և փորձով կիսվելու համար։ 🤝

#ՎԲՀՔ