Nor Hachn High School

📣📣📣Ուշադրություն

Սույն թվականի օգոստոսի 10-ին, ժամը 10:00-ից, այն աշակերտները, ովքեր դիմել են Նոր Հաճնի ավագ դպրոցի 10-րդ դասարան ընդունելության համար, կարող են ներկայանալ դպրոցի տնօրինությանը իրենց նպատակային խմբերը ընտրելու համար:
Ձեզ հետ անհրաժեշտ է ներկայացնել հետևյալ փաստաթղթերը.
1. Մեկ լուսանկար 3x4
2. Վկայականի պատճեն
3. Սովորողի ծննդյան վկայականի և ՀԾՀ պատճեն
4. Ծնողի անձնագրի պատճեն
5. Բժշկական տեղեկանք առողջության մասին

⭕️ՈւՇԱԴՐՈւԹՅՈւՆ

ՀՀ Կոտայքի մարզի «Նոր Հաճնի ավագ դպրոց» ՊՈԱԿ- ում առկա է
👩‍🏫👩‍🏫👩‍💼👩‍💼📖📖📚📚
✅Լաբորանտի 0,5 դրույքաչափ
✅Դասղեկի հաստիքի թափուր աշխատատեղեր: Մանրամասներին ծանոթանալու համար կարող եք մոտենալ դպրոց` տնօրեն Կ. Գևորգյանին:

📍ՈՒՇԱԴՐՈՒԹՅՈՒՆ
Հարգելի՛ ծնողներ,
Տեղեկացնում ենք, որ Նոր Հաճնի ավագ դպրոցում 10-րդ դասարանի սովորողների հայտագրման գործընթացի վերաբերյալ սույն թվականի հուլիսի 13-ին, ժամը 12:00-ին, մեր դպրոցում տեղի կունենա ծնողների հետ հանդիպում։ Հանդիպման նպատակն է ձեզ մանրամասն ներկայացնել էլեկտրոնային ընդունելության կարգը և պատասխանել ձեզ հուզող հարցերին։
Ձեր մասնակցությունը խիստ կարևոր է հայտագրման գործընթացը սահուն և անխոչընդոտ կազմակերպելու համար։
Հարգանքներով` դպրոցի տնօրինություն

Այսօր մեր դպրոցում տիրում էր տոնական ու ջերմ մթնոլորտ։ Կայացավ 2025-2026 ուսումնական տարվա ամենասպասված իրադարձություններից մեկը՝ Յուրի Հունանովի անունը կրող «Տարվա լավագույն աշակերտ» մրցանակաբաշխության հանդիսավոր ամփոփումը։ Միջոցառման ընթացքում հանդիսավորությամբ հայտարարվեցին և մրցանակների արժանացան հետևյալ անվանակարգերի հաղթողները.

✨ ՍԻՈՆԱ ԼԵՎՈՆՅԱՆ — արժանացավ «Տարվա լավագույն աշակերտ» մրցանակին։
✨ ԱՆԱՀԻՏ ՀԱԿՈԲՅԱՆ — «Տարվա ուսուցիչ»։
✨ ՖԼՈՐԱ ԳԱՌՆԻԿՅԱՆ — «Տարվա լավագույն միջոցառման կազմակերպիչ»։
✨ ԳՐԵՏԱ ԱՐՍԵՆՅԱՆ և ԷԼԵՆ ԵՆՈՔՅԱՆ — «Տարվա լավագույն շրջանավարտների խորհրդի ներկայացուցիչներ»։
Պարգևատրվեցին դպրոցական տարբեր միջոցառումներում ակտիվ ներդրում ունեցած աշակերտական խորհրդի անդամները, ինչպես նաև դպրոցի սպորտային կյանքում աչքի ընկած, մարզական բարձր ակտիվություն ցուցաբերած սաները և առարկայական օլիմպիադաների տարածքային ու հանրապետական փուլերում փայլած մեր տաղանդաշատ աշակերտները՝ ովքեր իրենց գիտելիքներով ու հաղթանակներով բարձր պահեցին կրթօջախի պատիվը:

🧑🏻‍🎓👩🏻‍🎓🧑🏻‍🎓👩🏻‍🎓📚📚📚
Սիրելի՛ շրջանավարտներ, «Վերջին զանգը» միայն մեկ ուսումնական տարվա ավարտ չէ. այն խորհրդանշում է մի մեծ, լուսավոր ու անմոռանալի հանգրվանի ավարտ և նոր` ավելի պատասխանատու կյանքի սկիզբ։
Սիրելի՛ շրջանավարտներ, դպրոցական պատերից դուրս ձեզ սպասում է մի մեծ աշխարհ՝ լի հնարավորություններով և մարտահրավերներով։ Իմ պատգամն է ձեզ` երբեք չվախենա՛ք երազել և ձեր առջև բարձր նպատակներ դնել։ Եղե՛ք ազնիվ, կամեցող և հայրենասեր։ Հիշե՛ք, որ հաջողության ամենամեծ գաղտնիքը աշխատասիրության և ինքնակատարելագործման մեջ է։
Բարի՛ երթ և կանա՛չ ճանապարհ ձեզ, սիրելի՛ շրջանավարտներ։ Թող ձեր կյանքի հաջորդ էջերը գրվեն միայն հաղթանակներով ու ձեռքբերումներով։
Սիրելի՛ ուսուցիչներ, շնորհակալություն ձեր անսպառ համբերության, նվիրումի և յուրաքանչյուր աշակերտի մեջ ոչ միայն գիտելիք, այլև մարդկային բարձր արժեքներ սերմանելու համար։
Շնորհակալություն նաև ձեզ, հարգելի՛ ծնողներ, վստահության և այս տարիների ընթացքում դպրոցի կողքին լինելու համար։

🗳️🗳️🗳️🚹🚹
Այսօր մեր դպրոցում անսովոր, եռուն ու պատասխանատու օր էր։ Մեկնարկել էր «Տարվա լավագույն աշակերտ» խորագրով համադպրոցական քվեարկությունը, որին մեծ պատասխանատվությամբ մասնակցեցին թե՛ ուսուցիչները և թե՛ աշակերտները։
Գործընթացն անցավ բացառիկ կազմակերպվածությամբ․ Այս պատվավոր մրցույթին մասնակցելու հնարավորությունը տրվեց այն աշակերտներին, ովքեր աչքի են ընկել աշակերտական խորհրդում իրենց ակտիվ աշխատանքով, անփոխարինելի դեր են ունեցել մշակութային կյանքում և իրենց եռանդուն մասնակցությունն են բերել բոլոր դպրոցական ու համադպրոցական միջոցառումներին, ինչպես նաև ուսուցչական կազմի կողմից նախապես առաջադրվել էին լավագույն առաջադիմություն ու վարքագիծ ունեցող սովորողները՝ դառնալով տվյալ դասարանի հավակնորդը։
Առավոտյան ժամը 9:00-ից, սահմանված կարգի համաձայն, մեկնարկեց քվեարկությունը: ✅Նախապես կազմվել էին ընտրողների ցուցակները
✅ Հանձնաժողովները կազմակերպում էին քվեարկության ընթացքը։
✅ Ընտրողները ստանում էի քվեաթերթիկներ և կատարում իրենց ընտրությունը գաղտնի քվեախցում և գցում քվեատուփի մեջ:
Յուրաքանչյուր ձայն կարևոր էր, յուրաքանչյուր ընտրություն՝ կշռադատված։
Քվեարկության ավարտից հետո իրականացվեց ձայների թափանցիկ հաշվարկ, որի արդյունքում էլ հայտնի դարձավ հաղթողի անունը։

🚴‍♂️🚴‍♂️🚴🏻‍♂️🚵🚵🏻‍♀️
Շնորհավորում ենք մեր դպրոցի սովորողներին` ովքեր փայլուն հանդես գալով համայնքային հեծանվավազքում, զբաղեցրին 🥇-ին պատվավոր տեղը և արժանացան մարզային փուլին մասնակցելու պատվին։ Մենք հպարտ ենք ձեր ձեռքբերումներով և մաղթում ենք նորանոր նվաճումներ:
Ուսուցիչ` Շ. Արզումանյան