Նոր Հաճնի առաջին դպրոց

Սիրով շնորհավորում ենք 2025թ. կամավոր ատեստավորում հաղթահարած մեր նպատակասլաց ուսուցիչներին.
1. Ռոստոմյան Նաիրա /ԹԳՀԳ/
2. Գալստյան Ալինա /Պատմություն/
3. Աբովյան Վիոլետտա /անգլերեն/
4. Լալայան Անահիտ / անգլերեն/
5. Նահապետյան Մերի / դասվար/
6. Մեջլումյան Քրիստինե / դասվար/
7. Գևորգյան Արևիկ / հայոց լ./
8. Դավթյան Աստղիկ / հայոց լ./:
Դպրոցի կամավոր ատեստավորված ուսուցիչներն արդեն կազմում են ողջ ուսուցչական անձնակազմի 45%-ը :
Սա էլ այսպես...

🏅🏅Նոյեմբերի 20-ին Նոր Հաճնի N1 հիմնական դպրոցը մասնակցեց «ՀՀ դպրոցականների Ֆիզկուլտուրա առարկայից ստուգատես» մրցույթի եզրափակիչ փուլին և ցուցաբերելով բարձր պատրաստվածություն ու թիմային ոգի՝ զբաղեցրեց պատվավոր 3-րդ տեղը։

👏 Շնորհավորում ենք մեր աշակերտներին և ուսուցիչներին:

Սրտանց շնորվավորում ենք, ընկեր Իվանյան ջան:

Նոր Հաճնի N1 հիմնական դպրոցի ուսուցչուհի Գոհար Իվանյանը, արդյունավետ կիրառելով Koreez հարթակի ուսուցչի գործիքը, արժանացել է «Արծաթե գրիչ» կոչմանը։

Գոհար Իվանյանը ստեղծել է ավելի քան 200 թվային առաջադրանք, սակայն նրա ամենամեծ հաջողությունը միայն թվերում չէ․ նա կարողացել է փոխել սովորելու մթնոլորտը։ Նրա դասերն այլևս սովորական չեն․ աշակերտները սովորում են խաղալով, մրցելով, ստեղծելով, փորձելով և ամենակարևորը՝ սիրելով գիտելիքը։

«Նոր Հաճնի N1 հիմնական դպրոց» ՊՈԱԿ-ի աշակերտ Սաշա Բաբախանյանը մասնակցեց «Հայրենիքը, արվեստն ու ես» հանրապետական մրցույթ-ստուգատեսին։

Մրցույթի առաջին երկու փուլերի ընթացքում հանձնաժողովը շրջեց Հայաստանի բոլոր քաղաքներով և գյուղերով՝ լսելով ավելի քան 200 երաժշտական, գեղարվեստի և պարարվեստի դպրոցների շուրջ 5300 աշակերտների։ Այդ տպավորիչ մասնակցությունից ընդամենը մի քանի տասնյակ շնորհալի երեխաներ և խմբեր անցան եզրափակիչ փուլ։

Եզրափակիչը կայացավ Երևանում՝ «Առնո Բաբաջանյան» համերգասրահում, որտեղ Սաշա Բաբախանյանը փայլեց իր տաղանդով՝ արժանանալով 1-ին մրցանակին և «Լավագույն տիտղոս» կոչմանը։ 🌟

Շնորհավորանքներ Սաշային այս փայլուն հաջողության համար։ Շուտով նա հանդես կգա համերգային շրջագայությամբ՝ ԱՄՆ-ում, ներկայացնելով մեր երկրի երիտասարդ ու տաղանդավոր սերունդը միջազգային բեմերում։ 🇦🇲🎶

2025 թ. հոկտեմբերի 16-ին ՊՈԱԿ-ում կազմակերպվել էր սեմինար՝ «Ընտանիք-դպրոց համագործակցություն» թեմայով։ Սեմինարը վարում էր Հանրապետական մանկավարժահոգեբանական կենտրոնի մանկավարժահոգեբանական աջակցության բաժնի սոցիալական մանկավարժ Էլիզա Քեոշկարյանը։
Հանդիպմանը մասնակցում էին դպրոցի ուսուցիչներ և ծնողներ։ Սեմինարը նպատակ ուներ խթանել ընտանիքի և դպրոցի համագործակցությունը՝ ի նպաստ աշակերտների բարեկեցության և զարգացման։
Միջոցառումը անցավ ակտիվ ու կառուցողական մթնոլորտում՝ ուղեկցվելով հարցուպատասխանով և հետաքրքիր քննարկումներով։

Դպրոցին անհրաժեշտ է անգլերենի փոխարինող ուսուցիչ (24 դասաժամ)։

Նոր Հաճնի N1 հիմնական դպրոցի մի խումբ աշակերտներ կրթական հասարակական կազմակերպության նախաձեռնությամբ այցելեցին Կապի թանգարան: Աշակերտները ծանոթացան Հայաստանում կապի զարգացման պատմությանը, հեռահաղորդակցության էվոլուցիային, տեսան կապի սարքեր՝ 19-րդ դարից սկսած մինչև ֆիքսված, բջջային և ինտերնետ կապի թվային ժամանակակից միջոցներ:

Այո, աշունը շքեղ եղանակ է: Այն նման է հեքիաթի: Եվ ինչպես ցանկացած հրաշք, հարազատ է ու դյութող, թանկ է և անփոխարինելի: Աշնան ոսկեզոծ գույներով ներշնչված 5-8-րդ դասարանի աշակերտները ներկայացրին իրենց ձեռքի աշխատանքները՝ ստեղծելով գողտրիկ անկյուն՝ «Ոսկե աշուն»
խորագրով:Դպրոցի միջանցք մուտք գործելիս բացվում է մի գեղեցիկ աշնան տեսարան, կարծես թե անտառներից մի կտոր աշուն տեղափոխվել էր դպրոց ու աշակերտներին հավաքել էր իր շուրջը՝ փոխանցելով երջանկություն ու եղանակին բնորոշ թախիծ։

Ուսուցիչ, որքա՜ն ջերմություն ու ապագա կա այս խոսքի մեջ, որքա՜ն հուշ ու մանկություն, որքա՜ն սեր ու նվիրում: Յուրաքանչյուրն իր կյանքի ամենահարազատ դեմքերի կողքին հաստատ հիշում է իր ուսուցիչներին, նրանց, ովքեր բացեցին գիտելիքի ոսկե դուռը ու ցույց տվեցին ճանաչողության երկար ու ձիգ ճանապարհը:
ՇՆՈՐՀԱԿԱԼՈՒԹՅՈՒՆ և թող փառավորվի էությունն ու անունը քո, ՈՒՍՈՒՑԻ՛Չ: