Կարբիի Վ. Թեքեյանի անվան միջնակարգ դպրոց - V. Tekeyan School in Karby

Այսօր Կարբիի Վահան Թեքեյանի անվան միջնակարգ դպրոցի 9-րդ դասարանի աշակերտները հանձնեցին իրենց հերթական ավարտական քննությունը:
​Այս տարի քննությունն անցկացվեց նոր ֆորմատով՝ «Գրականություն» և «Հայաստանի պատմություն» առարկաների ինտեգրված քննական աշխատանքի միջոցով (սահմանված՝ ՀՀ ԿԳՄՍՆ և ԿԶՆԱԿ-ի կողմից):
​Մեր աշակերտները վստահորեն հաղթահարեցին այս փուլը ևս՝ ցուցադրելով տարիների ընթացքում ստացած գիտելիքները: Շնորհավորում ենք մեր սաներին և մաղթում հաջողություններ։

12-րդ դասարանցիների համար Կարբիի Վահան Թեքեյանի անվան միջնակարգ դպրոցում Հայոց պատմության քննությունը հանձնելը միայն ավարտական փուլ չէ, այլև սեփական արմատների ու պատմության հանդեպ հարգանքի տուրք: Սա ևս մեկ կարևոր քայլ է դեպի մեծ կյանք:
​Շնորհավորում եմ բոլոր շրջանավարտներին, նրանց ծնողներին և, անշուշտ, ուսուցիչներին, ովքեր տարիներ շարունակ իրենց գիտելիքն ու հոգին են ներդրել այս երեխաների կրթության գործում:
​Թող այս քննության հաջողությունը սկիզբ դառնա նորանոր հաղթանակների ու կյանքի մեծ նվաճումների համար: Բարի՜ երթ բոլոր շրջանավարտներին:

Ավարտական քննություններ Կարբիի Վահան Թեքեյանի անվան միջնակարգ դպրոցում
​Այսօր՝ հունիսի 15-ին, դպրոցում տիրում էր քննական եռուզեռ։ 9-րդ դասարանի մեր սաները հանձնեցին իրենց ավարտական քննությունները «Ֆիզիկա», «Աշխարհագրություն» և «Կենսաբանություն» առարկաներից:
​Աշակերտները դրսևորեցին տարիների ընթացքում ստացած իրենց գիտելիքները, իսկ քննական հանձնաժողովն ապահովեց արդար, թափանցիկ և հանգիստ մթնոլորտ:
​Շնորհավորում ենք մեր իններորդցիներին քննական հերթական փուլը հաջողությամբ հաղթահարելու կապակցությամբ և մաղթում բարձր արդյունքներ: Առա՛ջ դեպի նորանոր հաջողություններ:

Գրքի հանդեպ սերն ու նվիրումը միշտ տալիս են իրենց գեղեցիկ պտուղները։

​Ջերմորեն շնորհավորում ենք մեր դպրոցի հրաշալի ութերորդցիներին՝ Ջեմմա Ասատրյանին, Ալվարդ Ամիրյանին, Հռիփսիմե Ավետիսյանին, Սյուզի Հակոբյանին և Անուշ Պետրոսյանին, «Koreez» հիմնադրամի ընթերցանության մրցույթում լավագույնը ճանաչվելու կապակցությամբ։

​Այս հաջողությունը ևս մեկ ապացույց է, որ ընթերցասեր ու մտածող սերունդը մեր վաղվա ամուր հենարանն է։ Ապրե՛ք, աղջիկներ, մենք հպարտանում ենք ձեզնով և վստահ ենք, որ սա ձեր մեծ հաջողությունների միայն սկիզբն է։ Շնորհակալություն ձեր ուսուցիչներին՝ ձեր մեջ ընթերցանության հանդեպ սերն արթուն պահելու համար։

Ավարտական քննություններ Կարբիի Վահան Թեքեյանի անվան միջնակարգ դպրոցում։
​Այսօր մեր դպրոցի 9-րդ դասարանի աշակերտները հանձնեցին «Մաթեմատիկա» առարկայի ավարտական քննությունը։ Օրը լի էր հուզմունքով, պատասխանատվությամբ և, ամենակարևորը, ստացած գիտելիքները լավագույնս դրսևորելու ձգտումով։
​Ի սրտե շնորհավորում ենք բոլոր աշակերտներին , նրանց ծնողներին և մեր մանկավարժական կազմին։ Այս քննությունը ևս մեկ ապացույց էր մեր աշակերտների աշխատասիրության և դպրոցի բարձր առաջադիմության։
​Սիրելի՛ 9-րդցիներ, թող այս հաջողությունը սկիզբ դառնա նորանոր ձեռքբերումների։ Մաղթում ենք, որ ձեր կյանքի բոլոր «խնդիրները» գտնեն իրենց ճիշտ ու հստակ լուծումները։ Հաջողություն և հաղթանակներ ենք մաղթում հաջորդող քննական փուլերում: 🎓 հաջողությո՛ւն ձեզ:

Այսօր՝Կարբիի Վահան Թեքեյանի անվան միջնակարգ դպրոցում հունիսի 2-ին դպրոցի 9-րդ դասարանցիների համար իրոք շատ կարևոր և հիշարժան օր է , քանի որ նրանք հանձնել են իրենց առաջին պետական ավարտական քննությունը՝ «Հայոց լեզու» առարկայից։
​Այս քննաշրջանը մեծ պատասխանատվություն է թե՛ աշակերտների, թե՛ ուսուցչական կազմի և թե՛ դպրոցի տնօրինության համար, քանի որ սա երեխաների առաջին լրջագույն քննական փորձությունն է:

Կարբիի Վահան Թեքեյանի անվան միջնակարգ դպրոցի ուսուցչական կոլեկտիվի անունից սրտանց շնորհավորում ենք բոլոր փոքրիկներին ու պատանիներին՝ Երեխաների պաշտպանության միջազգային օրվա առթիվ:
​Մեր բարեմաղթանքները ձեզ.
​Անհոգ ու խաղաղ մանկություն: Թող ձեր երկինքը միշտ լինի պարզ, իսկ առօրյան՝ լի խաղերով, ժպիտներով ու բացահայտումներով:
​Անսպառ ժպիտներ: Թող ձեր դեմքից երբեք չպակասի այն անկեղծ ու վարակիչ ժպիտը, որը ջերմացնում է բոլորիս սրտերը:
​Գիտելիքների հարուստ պաշար: Մաղթում ենք, որ ձեր ձգտումը դեպի լույսն ու գիտությունը երբեք չմարի, իսկ մեր դպրոցը լինի այն վայրը, որտեղ կիրականանան ձեր ամենահամարձակ երազանքները:
​«Երեխաները մեր ներկայի ամենամեծ հարստությունն են և մեր ապագայի միակ հույսը»:
​Մենք՝ մանկավարժներս, անում և անելու ենք ամեն ինչ, որպեսզի ձեզանից յուրաքանչյուրը մեծանա սիրո, հարգանքի և ապահովության մթնոլորտում:
​Շնորհավո՜ր հունիսի 1: Միշտ եղեք առողջ, երջանիկ և անսահման սիրված: 🌟