ԵՊՀ Իջևանի մասնաճյուղ - YSUIB

✅ԵՊՀ ԻՄ-ում ավարտվեց 2026 թ. հեռակա ուսուցման շրջանավարտների ամփոփիչ ատեստավորումը

🔸2026 թ. հունիսի 6-13-ն ընկած ժամանակահատվածում ԵՊՀ Իջևանի մասնաճյուղում իրականացվեց 2025-2026 ուսումնական տարվա հեռակա ուսուցման շրջանավարտների ամփոփիչ ատեստավորումը՝ բակալավրի 5 և մագիստրատուրայի 1՝ «Գործարար վարչարարություն (կառավարում)» կրթական ծրագրերով:

Հունիսի 6-ին կայացավ «Տարրական մանկավարժություն և մեթոդիկա», «Պատմություն», հունիսի 12-13-ին՝ «Գործարար վարչարարություն (կառավարում), «Ֆինանսներ (ըստ ոլորտի)», «Զբոսաշրջություն» և «Հոգեբանություն» կրթական ծրագրերի շրջանավարտների ամփոփիչ ատեստավորումը:

🔗Ավելին՝ https://ijevan.ysu.am/news/7515

✅Մարզային գաղափարատոնի մասնակցության հրավեր

🔸Սիրելի՛ ուսանողներ և շրջանավարտներ, ուրախ ենք տեղեկացնել, որ շարունակվում է Եվրոպական միության կողմից ֆինանսավորվող՝ «Կայուն կենսամիջոցների, ձեռնարկատիրության զարգացման և զբաղվածության հնարավորությունների խթանում տեղահանված և հյուրընկալող համայնքների համար» Three4ResilientArmenia ծրագիրը, որն իրականացվում է «Հայկական Կարիտաս» բարեսիրական հասարակական կազմակերպության, «ԻՐԻՍ բիզնես ինկուբատոր» հիմնադրամի և «Իմփաքթ Հաբ Արմենիա» սոցիալական նորարարության զարգացման հիմնադրամի կողմից։

🔗Ավելին՝ https://ijevan.ysu.am/announcement/7514

✅Կայացավ «Կավի սահման» խորագրով ցուցահանդեսի հանդիսավոր բացումը

🔸2026 թ. հունիսի 11-ին Իջևանի «Վերնատուն» պատկերասրահում հանդիսավոր կերպով բացվեց ԵՊՀ ԻՄ կիրառական արվեստի ֆակուլտետի՝ 2025 թ. շրջանավարտների աշխատանքների ցուցահանդեսը:

🔸«Կավի սահման» խորագրով ցուցահանդեսի կազմակերպման գործում մեծ դեր են ունեցել ԵՊՀ ԻՄ դեկորատիվ-կիրառական արվեստի և դիզայնի ամբիոնի դասախոսներ Վահրամ Գալստյանը և Աղասի Ղազարյանը:

🔸Ցուցահանդեսում ներկայացված էին Կիրառական արվեստի ֆակուլտետի շրջանավարտներ Լ. Սարգսյանի, Վ. Գևորգյանի, Դ. Ղալթախչյանի, Ա. Թամրազյանի, Ն. Թամրազյանի, Է. Ամյանի, Տ. Այդինյանի և Ա. Փիրումյանի՝ կոնցեպտուալ և քանդակային խեցեգործական աշխատանքների 16 հավաքածուներ:

🔸Ավելին՝ https://ijevan.ysu.am/news/7513

🔸Կրթության ոլորտում Եվրոպական միություն-Հայաստան գործընկերության ընձեռած հնարավորությունների մասին

🔸Կրթության ոլորտում միջազգային համագործակցությունը նոր հնարավորություններ է ստեղծում ուսանողների, դասախոսների և հետազոտողների համար։

🔸Այսօր Հայաստանի ավելի քան 50 բարձրագույն ուսումնական հաստատություններ և կրթական կազմակերպություններ համագործակցում են արտասահմանյան գործընկերների հետ՝ Եվրոպայի տարբեր երկրներում իրականացվող ծրագրերի շրջանակում։

🔸Այս համագործակցությունները նպաստում են գիտելիքի փոխանակմանը, ակադեմիական շարժունությանը, համատեղ հետազոտություններին և կրթության որակի բարձրացմանը։

🔸Հայաստանի համար բոլոր հնարավորությունների ամբողջական ցանկին կարող եք ծանոթանալ հետևյալ հղումով` https://euneighbourseast.eu/hy/opportunities/?country%5B0%5D=armenia&topic%5B0%5D=youth

✅ԵՊՀ ԻՄ-ում մեկնարկել է 2026 թ. հեռակա ուսուցման բակալավրիատի և մագիստրատուրայի շրջանավարտների ամփոփիչ ատեստավորումը

🔸Այսօր՝ 2026 թ. հունիսի 6-ին, «Տարրական մանկավարժություն և մեթոդիկա» ու «Պատմություն» կրթական ծրագրերով ԵՊՀ Իջևանի մասնաճյուղում մեկնարկեց 2025-26 ուստարվա հեռակա ուսուցման շրջանավարտների ամփոփիչ ատեստավորումը:

Հունիսի 12-13-ին տեղի կունենան «Գործարար վարչարարություն (կառավարում)» (մագիստրատուրա), «Ֆինանսներ (ըստ ոլորտի)», «Զբոսաշրջություն» և «Հոգեբանություն» կրթական ծրագրերի շրջանավարտների ավարտական աշխատանքների պաշտպանությունները:

ԵՊՀ ԻՄ 2026 թ. հեռակա ուսուցման շրջանավարտներին մաղթում ենք հաջող և արդյունավետ պաշտպանություններ:

✅ԵՊՀ Իջևանի մասնաճյուղում ընթանում են ուսուցիչների վերապատրաստումներ

🔸ԵՊՀ ԻՄ-ում վերսկսվել և մինչև հուլիսի 1-ը կընթանան հերթական ատեստավորման ենթակա ուսուցիչների վերապատրաստումները՝ Տավուշի և Գեղարքունիքի մարզերի շուրջ 190 ուսուցիչների մասնակցությամբ:
Հերթական ատեստավորման ենթակա ուսուցիչների վերապատրաստումները մասնաճյուղում իրականացվում են երկրորդ (ձեռնահասություն) մակարդակի բոլոր՝ 12 բաժիններով:

Այժմ վերապատրաստումներն անցկացվում են 4՝ «Ուսումնական գործընթացի համընդհանուր ներառականությունն ու մասնակցությունը ապահովող կարողություններ», «Տեղեկատվական և հաղորդակցական տեխնոլոգիաների կիրառումը ուսումնական գործընթացում», «Ռեսուրսների կառավարում» և «Կրթության ոլորտի օրենսդրություն և պրակտիկայի իմացություն» մոդուլներով: