Gyumri Branch of Yerevan Komitas State Conservatory

Շնորհավորում ենք, սիրելի շրջանավարտներ:

2026թ. մայիսի 20-ին Գավառի արվեստի պետական քոլեջի դահլիճում համերգով հանդես եկան ԵՊԿ Գյումրու մասնաճյուղի փողային և դաշնամուրային բաժնի ուսանողները: Փողային բաժնի ուսանողների մեջ էին նաև Գյումրու Ք.Կարա-Մուրզայի անվան պետական երաժշտական քոլեջի սաները.
Համերգային արտագնա այս ծրագրերը անչափ կարևոր են ոչ միայն ուսանողների կատարողական վարպետությունը խորացնելու, այլև բուհի և հանրապետության մասնագիտական երաժշտական տարբեր հաստատությունների միջև ստեղծագործական ամուր կապեր հաստատելու առումով: Բարեմաղթում ենք կրթօջախներին ապագա նոր, համատեղ ծրագրեր իրականացնելու կարողություն և ամենայն բարիք:

Շնորհավորում ենք ԵՊԿ Գյումրու մասնաճյուղի ուսանողներ Խորեն Հովհաննիսյանին, Մանե Պապիկյանին, նվագակցող Մարգարիտա Բեռնեցյանին և ղեկավար՝ դոցենտ Մարինե Ասատրյանին՝ Բուլղարիայում կայացած միջազգային մրցույթում Մեծ Մրցանակի արժանանալու առթիվ: Բարեմաղթում ենք նորանոր հաջողություններ:

2026թ. մայիսի 19-ին, ՛՛Կոնսերվատորիան՝ դպրոցին՛՛ ծրագրի շրջանակներում, Շիրակի մարզի Ախուրյան համայնքի մարզամշակութային կենտրոնում վարպետության դասեր անցկացրեցին ԵՊԿ Գյումրու մասնաճյուղի պրոֆեսորներ Մարիամ Մարգարյանը և Անահիտ Վալեսյանը:
Պարբերաբար անցկացվող այս կարևոր հանդիպումները երկուստեք հետաքրքրություն են առաջացնում: Դրանք արժեքավոր փորձառնության դրսևորում են և ստեղծում են կենսական կապեր երկու կրթօջախների միջև:

2026թ. մայիսի 17-ին Գյումրու տեխնոլոգիական կենտրոնի դահլիճում տեղի ունեցավ ԵՊԿ Գյումրու մասնաճյուղի վոկալ՝ ակադեմիական երգեցողություն բաժնի համերգը: Հանդես եկան
ուսանողներ՝
Ք.Խլղաթյանը, Ա.Հարոյանը, Մ.Ամիրյանը, Ռ.Ճաղարյանը, Ս.Փահլևանյանը, Թ.Ոսկանյանը, Ս.Շահինյանը, Կ.Գևորգյանը, Ն.Խաչատրյանը, Մ.Մարգարյանը, Ս.Պողոսյանը, Հ.Կարապետյանը
Նվագակցողներ՝
Մ.Գրիգորյան, Մ.Բեռնեցյան, դոցենտներ՝ Լ.Ալեքսանյան, Դ.Խաչատրյան, Հ.Զաքարյան
Ուսասիստենտներ՝ Ա.Հարությունյան, Հ.Պետրոսյան
Դասախոսներ՝
Վ.Խաչատրյան, Մ.Խաչատրյան, դոցենտներ՝ Մ.Մկրտչյան, Ն.Ղազարյան, Ս.Զաքարյան
Ծրագրում հնչեցին հայ, ռուս և արևմտաեվրոպական կոմպոզիտորների ստեղծագործություններ: