ՀՀ ԿԳՄՍՆ «Ֆոտոն» վարժարան» ՊՈԱԿ

Մեր վարժարանի «Ֆոտոն» թիմը հաջողությամբ մասնակցել է «Էներգետիկ խաղեր 2026» նախաձեռնությանը և Շիրակի մարզի 9 թիմերի միջև զբաղեցրել պատվավոր 2-րդ հորիզոնականը։ 🥈👏
Նախաձեռնության շրջանակում 5 աշակերտներից կազմված թիմը՝ ղեկավարի հետ միասին, իրականացրել է պարզ էներգետիկ աուդիտ և մշակել էներգաարդյունավետության բարելավման առաջարկություններ։
👥 Թիմի անդամներ�🔹 Կարլեն Մնացականյան�🔹 Մարգարիտա Մելքոնյան�🔹 Մարիա Գևորգյան�🔹 Տաթևիկ Գոմցյան�🔹 Լիլյա Մկոյան
👩‍🏫 Թիմի ղեկավար՝ Գոհար Մինասյան

Որպես աուդիտի իրականացման օբյեկտ ընտրվել էր «Ֆոտոն» վարժարանը, որտեղ աշակերտներն ուսումնասիրել և վերլուծել են հաստատության մեկ տարվա էներգետիկ ծախսերի ամբողջական պատկերը, բացահայտել առկա խնդիրները և առաջարկել դրանց արդյունավետ ու իրատեսական լուծումներ։ 📊⚡🏫
Մրցույթի ընթացքում մասնակիցները ցուցաբերել են գիտելիքների բարձր մակարդակ և ակտիվ մասնակցություն՝ մրցելով տարբեր փուլերում՝�✅ Quizz�✅ «Այլ կերպ» ինտելեկտուալ խաղ�✅ Էներգետիկ աուդիտի արդյունքների ներկայացում և պաշտպանություն

🌱💡Շնորհակալություն ենք հայտնում նախաձեռնության կազմակերպիչ WICE կազմակերպությանը, ինչպես նաև Շիրակի մարզպետարանին՝ հետաքրքիր և կրթական մեծ արժեք ունեցող ծրագրի իրականացման համար։ 🤝

#ԷներգետիկԽաղեր2026 #ՖոտոնՎարժարան #ՇիրակիՄարզպետարան #Էներգաարդյունավետություն

📚✨2026 թվականի մայիսի 9-ին Երևանում կայացավ «Արթուր կամ Արևը Վանա ծովից» գրքի ընթերցանության օլիմպիադայի հանրապետական եզրափակիչ փուլը։
Օլիմպիադայի մարզային փուլն անցկացվել էր ապրիլի 20-ին՝ հեռավար ձևաչափով։ Մասնակցության հայտ էր ներկայացրել 841 աշակերտ, որոնցից շուրջ 130-ը հաղթահարել էին ընտրական փուլը և մասնակցության իրավունք ստացել հանրապետական եզրափակչին։
Այս կարևոր նախաձեռնությունը պարզապես գիտելիքների ստուգում չէր։ Այն յուրահատուկ կրթական միջավայր էր, որտեղ աշակերտները հնարավորություն ունեցան բացահայտելու ազգային արժեքները, խորացնելու ինքնաճանաչության, հայրենաճանաչության և հայրենատիրության մասին իրենց պատկերացումները, զարգացնելու վերլուծական և քննադատական մտածողությունը, ինչպես նաև ձեռք բերելու նոր ընկերներ ու համախոհներ։
Հպարտությամբ տեղեկացնում ենք, որ մեր վարժարանի Xդ դասարանի աշակերտուհի Նարինե Մուրադյանը հաջողությամբ մասնակցել է օլիմպիադայի եզրափակիչ փուլին և արժանացել հավաստագրի։ 👏📖
Առանձնակի հպարտությամբ նշում ենք նաև, որ վարժարանի հայոց լեզվի և գրականության ուսուցչուհի Հայկուհի Գյոդակյանը ընդգրկված էր օլիմպիադայի հանրապետական փուլի ստուգող հանձնաժողովի կազմում՝ իր մասնագիտական փորձն ու գիտելիքները ներդնելով օլիմպիադայի՝ բարձր մակարդակով կազմակերպման և գնահատման գործընթացում։ 🌟
Շնորհավորում ենք Նարինե Մուրադյանին և մաղթում նորանոր հաջողություններ, ստեղծագործ մտքի թռիչք և կրթական նոր նվաճումներ։ 💐
🎓📚 Գիտելիքը, ընթերցասիրությունն ու ազգային արժեքներին հավատարմությունը հաջողության լավագույն ուղիներն են։

#ԳոռԳալստյան
#ՀԱՀԵՆ

🥈🏆 Հայ մտքի նոր հաղթանակը միջազգային ասպարեզում...
Միջազգային Օլիմպոսի բարձունքում գիտելիքի, տաղանդի և նվիրումի փառահեղ հաղթանակը 🏆🥈

Այս նվաճումը պարզապես մրցանակ կամ հաղթանակ չէ. այն գիտելիքի ուժի, աննկուն կամքի, հետևողական աշխատանքի և ուսուցչի ու աշակերտի համատեղ նվիրումի փայլուն վկայությունն է։🏆

Մեծ հպարտությամբ և անսահման ուրախությամբ տեղեկացնում ենք, որ ՀՀ ԿԳՄՍՆ «Ֆոտոն» վարժարան»-ի 12-րդ բնագիտական դասարանի աշակերտուհի Անահիտ Հունոյանը հերթական անգամ փայլուն կերպով ներկայացրել է Հայաստանը և մեր վարժարանը միջազգային հեղինակավոր հարթակում՝ արժանանալով արծաթե մեդալի Ինդոնեզիայի Բալի կղզում անցկացված Բաց միջազգային կենսաբանական օլիմպիադայում։ 🇦🇲🌍
Այս հաջողությունը պատահական ձեռքբերում չէ. այն երկարատև աշխատանքի, գիտելիքի, նպատակասլացության, կամքի և նվիրումի արդյունք է։ Օլիմպիադայի առաջին և երկրորդ փուլերն անցկացվել են առցանց ձևաչափով, որտեղ Անահիտը հաղթահարել է լուրջ մրցակցություն և դժվարին փորձություններ՝ նվաճելով եզրափակիչ փուլ անցնելու իրավունքը։ Իսկ եզրափակչում նա կրկին ապացուցեց, որ կարող է մրցել աշխարհի լավագույնների հետ՝ նվաճելով արժանի արծաթե մեդալը։ ✨🔬🧬
Հատկանշական է, որ սա Անահիտի երկրորդ խոշոր միջազգային նվաճումն է երկու տարվա ընթացքում։ Անցյալ տարի նա Ռուսաստանի Սոչի քաղաքում, «Սիրիուս» դաշնային տարածքում անցկացված նույն օլիմպիադայում արժանացել էր բրոնզե մեդալի 🥉, իսկ այս տարի բարելավել է իր արդյունքը՝ բարձրանալով ևս մեկ աստիճան վերև և նվաճելով արծաթը։ 🥈
Մեր խորին շնորհավորանքներն ու երախտագիտությունն ենք հայտնում Սիլվա Մակարյանին, ով իր գիտելիքով, համբերատարությամբ, հետևողական աշխատանքով և սաների նկատմամբ անկեղծ նվիրումով կարողանում է ձևավորել միջազգային մակարդակի արդյունքներ։ Այս մեդալը նաև ուսուցչի տքնաջան աշխատանքի, հավատքի և մասնագիտական բարձր պատասխանատվության գեղեցիկ գնահատականն է։ 👏❤️

Այս հաղթանակը դարձավ վարժարանի 2025-2026 ուսումնական տարվա օլիմպիական հաղթարշավի վերջին և ամենահնչեղ ակորդներից մեկը, ինչպես նաև տարվա ընթացքում գրանցված 8-րդ միջազգային հաղթանակը։ 🎓⭐

Սիրելի՛ Անահիտ, քո աշխատասիրությունը, համառությունը և գիտության հանդեպ սերը ոգեշնչում են բոլորիս։ Դու ոչ միայն մեդալ ես նվաճել, այլև արժանապատվորեն բարձր ես պահել Հայաստանի և մեր վարժարանի անունը միջազգային հարթակում։ 🇦🇲❤️
Սրտանց շնորհավորում ենք քեզ այս բացառիկ հաջողության առթիվ և մաղթում նորանոր բարձունքներ, գիտական ձեռքբերումներ ու հաղթանակներ։ Վստահ ենք, որ սա դեռ մեծ ճանապարհի միայն սկիզբն է։ 🌟

Հատուկ շնորհակալություն ենք հայտնում ՀՀ ԿԳՄՍ նախարար Ժաննա Անդրեասյանին՝ մեր սովորողի համար անհրաժեշտ պայմաններ ստեղծելու և այս կարևոր միջազգային օլիմպիադային մասնակցության հնարավորությունն ապահովելու համար։ 🤝
#ՀՀԿԳՄՍՆ
#ԺաննաԱնդրեասյան
#ՀՀԿԳՄՍՆ«ՖՈՏՈՆ»ՎԱՐԺԱՐԱՆ»ՊՈԱԿ

📚 185 տարի անց «Վերք Հայաստանի»-ն շարունակում է ապրել, ոգեշնչել և միավորել սերունդներին

✍🏻Խաչատուր Աբովյանի անմահ «Վերք Հայաստանի» վեպի ստեղծման 185-ամյակին նվիրված աբովյանագիտական հանրապետական օլիմպիադան դարձավ գրքի, գիտելիքի և ազգային արժեքների իրական տոն։
📌Երևանի և Հայաստանի Հանրապետության տարբեր մարզերի շուրջ 70 դպրոցներից ավելի քան 250 աշակերտներ համախմբվել էին մեկ գաղափարի շուրջ՝ խորությամբ ճանաչելու Խաչատուր Աբովյանի գրական ու գաղափարական ժառանգությունը, բացահայտելու «Վերք Հայաստանի» վեպի խորհուրդներն ու արժևորելու մեծ լուսավորչի պատգամը։
🏆 Հունիսի 4-ին Խաչատուր Աբովյանի տուն-թանգարանում կայացավ օլիմպիադայի արդյունքների ամփոփման հանդիսավոր արարողությունը։
🥉Վարժարանի սաներ Գոհար Սերոբյանը, Լիլիթ Հակոբյանը և Մարիա Թադևոսյանն արժանացան III կարգի դիպլոմների։
Այս հաջողությունը վկայում է նրանց աշխատասիրության, ընթերցասիրության, հայ գրականության հանդեպ սիրո և ազգային արժեքների նկատմամբ պատասխանատու վերաբերմունքի մասին։
📌Ոսուցչուհի՝ Հայկուհի Գյոդակյան

#ԱբովյանագիտականՕլիմպիադա
#ՎերքՀայաստանի185
#ԽաչատուրԱբովյան

🤖📚 Գյումրու Զարգացման Լաբորատորիայի (GDL) հետ համագործակցության շրջանակներում լաբորատորիայի գործադիր տնօրեն Անժելա Բալթայանը վարժարանի ուսուցիչների համար իրականացրեց «Արհեստական բանականության կիրառումը ուսումնական գործընթացի կազմակերպման գործում» թեմայով սեմինար-դասընթաց։
Դասընթացի ընթացքում մասնակիցները ծանոթացան կրթական գործընթացում արհեստական բանականության կիրառման հնարավորություններին, մասնավորապես Google NotebookLM ԱԲ գործիքի գործնական կիրառություններին՝ ուսումնական նյութերի մշակման, տեղեկատվության համակարգման և դասավանդման արդյունավետության բարձրացման նպատակով։ 💡📖
Շնորհակալություն ենք հայտնում Անժելա Բալթայանին հետաքրքիր, բովանդակալից և օգտակար դասընթացի համար՝ կարևորելով նման համագործակցությունների դերը կրթության շարունակական զարգացման գործում։

🇩🇪📚 «Ֆոտոն» վարժարանում 2018 թվականից ի վեր հաջողությամբ իրականացվում է գերմաներենի իմացության դիպլոմի (DSD) միջազգային ծրագիրը, որը մեր կրթական համայնքի կարևոր և նշանակալի նախաձեռնություններից մեկն է։ Ծրագրի շնորհիվ վարժարանի բազմաթիվ սաներ հնարավորություն են ստացել խորացնելու գերմաներենի իրենց գիտելիքները, մասնակցելու միջազգային քննություններին և արձանագրելու բարձր արդյունքներ ու նոր հաջողություններ։ 🌟
Տարիների ընթացքում DSD ծրագիրը ոչ միայն նպաստել է լեզվական կարողությունների զարգացմանը, այլև մեր աշակերտների համար բացել է կրթական ու մշակութային նոր հորիզոններ՝ ձևավորելով մրցունակ, լայն աշխարհայացքով և բազմակողմանի զարգացած սերունդ։ 🌍✨
Ծրագրի շարունակական զարգացման շրջանակներում վարժարանն այս օրերին հյուրընկալեց Արտերկրում դպրոցական կրթության կենտրոնական վարչության (ZfA) DSD դպրոցների նորանշանակ համակարգող-խորհրդատու Շթեֆանի Լանգին, ով իր գործունեությամբ շարունակելու է աջակցել ծրագրի արդյունավետ իրականացմանը՝ փոխարինելով նախկին կոորդինատոր Բենյամին Շփեթին։ 🤝
Հանդիպումը անցավ ջերմ և կառուցողական մթնոլորտում՝ կարևորելով համագործակցության, փորձի փոխանակման և կրթական նոր հնարավորությունների ստեղծման նշանակությունը։ 💫
Լիահույս ենք, որ տիկին Շթեֆանի Լանգի հետ համագործակցությունը կլինի արդյունավետ և հաջողություններով լի՝ նպաստելով վարժարանում գերմաներենի ուսուցման հետագա զարգացմանը, միջազգային ծրագրերի ընդլայնմանը և մեր սաների համար նոր ձեռքբերումների ու հնարավորությունների ստեղծմանը։ 📖🎓

🧪🔬 Վարժարանում կայացավ ինտեգրված ավարտական նախագծային աշխատանքի ներկայացում՝ քիմիա, կենսաբանություն և ֆիզիկա առարկաներից։
Նախագծերը ղեկավարել էին ուսուցիչներ Ռոզա Գրիգորյանը, Արմինե Թովմասյանը և Գայանե Մարտիրոսյանը, իսկ աշխատանքները ներկայացրեցին 9ա և 9բ դասարանների աշակերտները։
📚 Աշակերտները հանդես եկան երկու արդիական և հետաքրքիր թեմաներով՝
🦠 «Անտեսանելի թշնամիներ»
🌿 «Դեղաբույսերի ազդեցությունը բժշկության մեջ»
Նախագծերի ընթացքում սովորողները համադրեցին տարբեր գիտությունների ձեռքբերումները՝ ուսումնասիրելով վիրուսների կառուցվածքը, տարածման առանձնահատկությունները, մարդու առողջության վրա դրանց ազդեցությունն ու կանխարգելման միջոցները։ Միաժամանակ անդրադարձ կատարվեց դեղաբույսերի բուժիչ հատկություններին, դրանց կիրառությանը բժշկության մեջ և բնական միջոցների կարևորությանը մարդու առողջության պահպանման գործում։
🔍 Ներկայացումները առանձնանում էին հետազոտական մոտեցմամբ, գիտական հիմնավորումներով, հետաքրքիր փորձարարական աշխատանքներով և ստեղծագործական ձևավորմամբ։ Աշակերտները պատրաստել էին տեղեկատվական վահանակներ, մանրակերտներ և թեմատիկ ցուցադրություններ, որոնք միջոցառումը դարձրեցին առավել բովանդակալից և տպավորիչ։
👏 Ինտեգրված այս աշխատանքը ևս մեկ անգամ ապացուցեց, որ գիտությունը ոչ միայն տեսություն է, այլև կյանքի տարբեր ոլորտներում կիրառվող կարևոր և անհրաժեշտ գիտելիքների ամբողջություն։

🇪🇺📚 ՀՀ ԿԳՄՍՆ «Ֆոտոն» վարժարան» ՊՈԱԿ-ի XI դասարանի աշակերտ Սրապ Գևորգյանը դարձել է ԵՄ երիտասարդական խորհրդի անդամ։ ✨
🖋️ ԵՄ–Հայաստան հարաբերություններին և դրանց ձևավորման գործընթացում երիտասարդների դերին նվիրված Սրապի էսսեն երիտասարդական ակտիվ ցանցի կողմից ընտրվել է լավագույն աշխատանքների շարքում՝ ապահովելով նրան անդամակցություն ԵՄ երիտասարդական խորհրդին։
👏 Շնորհավորում ենք Սրապ Գևորգյանին՝ մաղթելով նոր հաջողություններ, ձեռքբերումներ և արդյունավետ գործունեություն միջազգային հարթակներում։ 🤍

Ինչպիսի՞ն է իրականում դիվանագիտությունը, և ինչպե՞ս կարող են երիտասարդները դառնալ դրա մի մասը։

«Մեկ օր դեսպանի հետ» նախաձեռնության շրջանակում, Սրապ Գևորգյանը ողջ աշխատանքային օրն անցկացրել է ՀՀ–ում ԵՄ դեսպան Վասիլիս Մարագոսի հետ՝ մասնակցելով հանդիպումների, միջոցառումների՝ և՛ պատվիրակությունում, և՛ պատվիրակությունից դուրս։

17-ամյա Սրապը Գյումրիից է, նա ԵՄ երիտասարդական խորհրդի անդամ է։ ԵՄ–Հայաստան հարաբերությունների և դրա ձևավորման գործում երիտասարդների դերին առնչվող նրա էսսեն ընտրվել է՝ որպես լավագույն աշխատանք մեր երիտասարդական ակտիվ ցանցի կողմից ստացված էսսեների շարքից՝ տալով նրան այս հնարավորությունը։ Այն շուտով հասանելի կլինի մեր կայքում։

Այս նախաձեռնության նպատակն է երիտասարդներին ավելի ընդգրկուն պատկերացում տալ ՀՀ–ում ԵՄ պատվիրակության գործունեության վերաբերյալ՝ պաշտոնական հայտարարություններից դուրս։

Լիահույս ենք, որ այս փորձառությունն օգնելու է Սրապին և նրա նման երիտասարդներին ավելի լավ պատկերացնել, թե ինչպես են աշխատում համակարգերը և իմանալ, թե որտեղ կարող են իրենց հմտություններն ու հետաքրքրությունները կիրառելի լինել ու նպաստել ընդհանուր աշխատանքի բարելավմանը։

🇪🇺🇦🇲

Through our "A Day with the EU Ambassador" initiative, Srap Gevorgyan spent a full day alongside EU Ambassador to Armenia Vassilis Maragos, participating in meetings and events both inside and outside the EU Delegation.

Srap is a 17-year-old active young person from Gyumri and a member of our Youth Advisory Council. His essay on EU-Armenia relations and the role of young people in shaping this partnership was selected as the best among submissions from active members of our youth network, earning him this opportunity. Soon, you will also have the chance to read it on our website.

This initiative aims to give young people a closer understanding of the work of the EU Delegation, beyond formal descriptions. We hope that this experience helps them better understand how institutions function in practice and where their own interests and skills may contribute.

🧬🌍 Մայիսի 15-22-ը Ռուսաստանի Սոչի քաղաքում՝ «Սիրիուս» դաշնային տարածքում, անցկացվեց Բաց միջազգային կենսաբանական օլիմպիադան (Open International Biology Olympiad — OIBO)։
🔬 Ի տարբերություն դասական օլիմպիադաների՝ OIBO-ն առանձնանում է նրանով, որ այստեղ շեշտը դրվում է ոչ միայն տեսական գիտելիքների, այլև ժամանակակից կենսաբանական և կենսատեխնոլոգիական մարտահրավերները հաղթահարելու գործնական հմտությունների վրա։
✨ Վարժարանի XI գ դասարանի աշակերտուհի Մերի Նիկոլյանը արժանապատվորեն հանդես եկավ միջազգային օլիմպիադայում՝ ցուցաբերելով գիտելիքների բարձր մակարդակ, ճկուն մտածողություն և վերլուծական կարողություններ՝ ստանալով բարձր միավորներ։
👏 Սրտանց շնորհավորում ենք Մերիին՝ մաղթելով նորանոր հաջողություններ, գիտական ձեռքբերումներ և միջազգային նոր հաղթանակներ։ 🌟
Ուսուցիչ՝ Արմենուհի Նավոյան