Շիրակի պետական համալսարան/Shirak State University

#ՇՊՀ-ում մեկնարկել են պետական ամփոփիչ ստուգումները

🔹 Մայիսի 25-ից մինչև հունիսի 9-ը Շիրակի պետական համալսարանում կանցկացվեն մագիստրոսական թեզերի և բակալավրի ավարտական աշխատանքների պաշտպանությունները։

🔻 Այս տարի ավարտական կուրսերի ուսանողների ընդհանուր թիվը բակալավրի առկա, հեռակա ուսուցման համակարգերում և մագիստրատուրայում կազմում է շուրջ 550։

🖇️ Պետական ամփոփիչ ստուգման առաջին օրն սկսվեց Կենսաբանություն, Դեղագործական քիմիա, Սոցիալական աշխատանք, Պատմություն, Նախնական զինվորական պատրաստություն մասնագիտությունների ավարտական աշխատանքների և մագիստրոսական թեզերի պաշտպանությամբ։

🌟 Սիրելի՛ ուսանողներ, մաղթում ենք ձեզ հաջողություն և բարձր գնահատականներ։

📖 «ԿՐԹՈՒԹՅԱՆ ԵՎ ԳԻՏՈՒԹՅԱՆ ԱՐԴԻ ՀԻՄՆԱԽՆԴԻՐՆԵՐԸ»
🌍 ՄԻՋԱԶԳԱՅԻՆ ԳԻՏԱԺՈՂՈՎ
🗓️ ՀՈԿՏԵՄԲԵՐԻ 30, 2026Թ.
📍 ՀՀ, ԳՅՈՒՄՐԻ, ՇԻՐԱԿԻ ՊԵՏԱԿԱՆ ՀԱՄԱԼՍԱՐԱՆ

Հարգելի՛ գործընկերներ,

Սիրով հրավիրում ենք Ձեզ՝ մասնակցելու «Շիրակի Մ. Նալբանդյանի անվան պետական համալսարան» հիմնադրամի (ՇՊՀ) կողմից կազմակերպվող «Կրթության և գիտության արդի հիմնախնդիրները» խորագրով ամենամյա միջազգային գիտաժողովին, որը տեղի կունենա 2026թ. հոկտեմբերի 30-ին:

Գիտաժողովի հիմնական ուղղություններն են՝ ⤵️

🧮 Ֆիզիկամաթեմատիկական գիտություններ և նրանց դասավանդման մեթոդիկաներ
🌱 Կենսաբանական գիտություններ (գյուղատնտեսություն) և նրանց դասավանդման մեթոդիկաներ
🌍 Գիտություններ Երկրի մասին և նրանց դասավանդման մեթոդիկաներ
🛠️ Տեխնիկական գիտություններ
💹 Տնտեսագիտություն
🏺 Պատմական գիտություններ և նրանց դասավանդման մեթոդիկաներ
✍️ Բանասիրական գիտություններ և նրանց դասավանդման մեթոդիկաներ
👩‍🏫 Մանկավարժական գիտություններ և նրանց դասավանդման մեթոդիկաներ
🧠 Հոգեբանական գիտություններ
🎨 Արվեստագիտություն և նրա դասավանդման մեթոդիկա

✅ Գիտաժողովի աշխատանքային լեզուներն են՝ հայերեն, ռուսերեն և անգլերեն:
✅ Գիտաժողովի անցկացման ձևերն են՝ առկա և հեռավար:

Գիտաժողովին մասնակցելու համար անհրաժեշտ է՝

📝 մինչև 2026թ. սեպտեմբերի 20-ը առցանց համակարգով ( https://shsu.am/granc-inter/ ) լրացնել մասնակցության հայտը՝ պարտադիր կցելով զեկուցմանը համապատասխան հոդվածը՝ ըստ ներկայացվող չափորոշիչների ( https://shorturl.at/fhZhS ): Ներկայացված հոդվածներից տեխնիկական ստուգման փուլն անցածները կընդգրկվեն գիտաժողովի ծրագրում, ինչի մասին հեղինակները կիրազեկվեն հոդվածները ներկայացնելուց հետո 10 աշխատանքային օրվա ընթացքում:

Գիտաժողովի ընթացքում զեկուցված հոդվածները դիտարկվելու են որպես ՀՀ ԲԿԳԿ-ի կողմից ընդունելի հրատարակությունների ցուցակում ընդգրկված ՇՊՀ-ի Գիտական տեղեկագրի 2026թ. N2-ում տպագրության ներկայացված հոդվածներ: Սահմանված վերջնաժամկետից հետո ներկայացված հոդվածները չեն դիտարկվի

📌 մինչև 2026թ. հոկտեմբերի 20-ը [email protected] էլեկտրոնային հասցեին ցանկալի է ուղարկել զեկուցումներին համապատասխան ցուցադրույթները (Pdf կամ Power Point ձևաչափով), որոնց ներկայացման և հարցուպատասխանի համար կտրվի մինչև 15 րոպե ժամանակ:

✨ Սիրով սպասում ենք Ձեր ակտիվ մասնակցությանը:

🔔🎉 #ՇՊՀ-ի ավագ դպրոցում հնչեց «Վերջին զանգը»

🎊 ՇՊՀ-ի նիստերի դահլիճում այսօր տոնական ու հուզիչ մթնոլորտ էր: Ավագ դպրոցի շրջանավարտների համար հնչեց դպրոցական կյանքի խորհրդանշական «Վերջին զանգը»։ Նախորդ օրն էլ ՇՊՀ-ի հիմնական դպրոցում անցկացվել էր «Վերջին դասի» միջոցառումը՝ ամփոփելով ևս մեկ ուսումնական տարի։

🎊 Այս օրը շրջանավարտների համար դարձավ մի ամբողջ պատմության ավարտ և միաժամանակ նոր ճանապարհի սկիզբ՝ լի երազանքներով, ջերմ հիշողություններով և ապագայի հանդեպ մեծ հավատով։ Դպրոցական տարիների ամեն մի ակնթարթ վերածվել էր ջերմ հիշողության, որը դեռ երկար կմնա նրանց սրտերում։

🎊 Միջոցառման ընթացքում գիտական գործուղման շրջանակներում Ստոկհոլմում գտնվող ՇՊՀ-ի ռեկտոր Ե. Սերոբյանը տեսակապի միջոցով շնորհավորեց բոլոր շրջանավարտներին՝ մաղթելով նորանոր հաջողություններ, մեծ ձեռքբերումներ և վստահ քայլեր կյանքի նոր փուլում։

🎊 Շնորհավորանքի և բարեմաղթանքի խոսքով հանդես եկան նաև ՇՊՀ-ի ռեկտորի պարտականությունները կատարող Ա. Վալեսյանը, Մինչբուհական կրթության կազմակերպման բաժնի պետ-տնօրեն Ա. Դավինյանը և այլք։

🎊 Միջոցառումն անցավ ջերմ և հանդիսավոր մթնոլորտում։

🎊 Շնորհավորում ենք մեր շրջանավարտներին և մաղթում գիտելիքառատ ու նորանոր նվաճումներով լի ճանապարհ:

ՇՊՀ-Ի ՌԵԿՏՈՐ ԵՐՎԱՆԴ ՍԵՐՈԲՅԱՆԻ ՈՒՂԵՐՁԸ ՎԵՐՋԻՆ ԶԱՆԳԻ ԱՌԹԻՎ

Սիրելի՛ շրջանավարտներ,

Ջերմորեն շնորհավորում եմ բոլորիդ դպրոցական Վերջին զանգի տոնական առիթով։

Այսօր առանձնահատուկ և հիշարժան օր է։ Վերջին զանգը խորհրդանշում է ոչ միայն դպրոցական կյանքի ավարտը, այլև կյանքի նոր ուղու սկիզբը։

Վստահ եմ, որ ձեզանից յուրաքանչյուրն արժանապատվությամբ կանցնի իր երազանքներն ու նպատակները կյանքի կոչելու լուսավոր ճանապարհը՝ լի վճռականությամբ ու անսպառ եռանդով։

Իմ երախտագիտության խոսքն եմ հղում ձեր հարգարժան ուսուցիչներին ու սիրելի ծնողներին՝ սերունդներին կրթելու և դաստիարակելու իրենց ազգանվեր աշխատանքի, հոգատար ու ջերմ վերաբերմունքի համար։

Սիրելի՛ շրջանավարտներ, մաղթում եմ, որ խաղաղ երկնքի ներքո ձեզ ուղեկից լինի նորանոր հաղթանակների զանգը:

Բարի երթ և հաջողություններ ձեզ:

#ՇՊՀ-ի Կենսաբանության և քիմիայի ամբիոնի դոցենտ Կարինե Պետրոսյանը գիտական սեմինարի ընթացքում ներկայացրեց «Շիրակի և Լոռու մարզերում տարածված դաղձ պղպեղային (Mentha piperita) տեսակի հումքից եթերայուղերի ստացման ու դրանց որակաքանակական կազմի գնահատում» թեմայով հետազոտությունը։

💡 Հետազոտության հիմնական նպատակն էր գնահատել ՀՀ հյուսիսային մարզերի բուսական ռեսուրսների ներուժը՝ արժեքավոր եթերայուղերի արտադրության տեսանկյունից, ինչպես նաև անդրադառնալ տարբեր բնակլիմայական պայմաններում աճող եթերայուղատու դեղաբույսերի նկատմամբ օրեցօր աճող հետաքրքրությանը։

💬 Բանախոսը ներկայացրեց նաև եթերայուղային արտադրության համար արժեքավոր հումք հանդիսացող պղպեղային դաղձի եթերայուղի պարունակության քանակական գնահատման արդյունքները, դրանց կիրառական նշանակությունն ու հետագա պահպանման և արդյունավետ օգտագործման վերաբերյալ առաջարկությունները։

📌 Հանդիպումն անցավ ակտիվ քննարկման մթնոլորտում։

🔶 Հրավիրում է «Երիտասարդական նախաձեռնությունների կենտրոն» ՀԿ-ն

🔸 Սիրով տեղեկացնում ենք, որ «Երիտասարդական նախաձեռնությունների կենտրոն» ՀԿ-ն «Եվրաակումբ Գյումրիի» շրջանակներում, Հայաստանում Էրազմուս+ Երիտասարդություն և Եվրոպական համերաշխության Կորպուս ծրագրերի տեղեկատվական կենտրոնի, «Երիտասարդ եվրոպական դեսպաններ» նախաձեռնության և Գյումրու քաղաքապետարանի հետ համատեղ, միանալով «Եվրոպայի օրեր 2026» միջոցառումների շարքին, կազմակերպում է «Քարտեզագրելով Եվրոպական միությունը» խորագրով միջոցառումը Գյումրիում։

🗓️ Ամսաթիվ՝ մայիսի 23, ժամը՝ 13։30-16։00
📍 Վայր՝ ք․ Գյումրի, Աբովյան փողոց
🔗 Գրանցման հղում՝ https://forms.gle/YQMANY8ZdWGHKmGG6
⏳ Գրանցման վերջնաժամկետ՝ ս․թ․ մայիսի 21-ը ներառյալ

Քարտեզագրելով Եվրոպական միությունը/"Mapping EU" event 🤩«Երիտասարդական նախաձեռնությունների կենտրոն» ՀԿ-ն «Եվրաակումբ Գյումրիի» շրջանակներում Հայաստանում Erasmus+ Երիտասարդություն և Եվրոպական Համերաշխության Կորպուս ծ....

ՇՊՀ ՌԵԿՏՈՐ ԵՐՎԱՆԴ ՍԵՐՈԲՅԱՆԻ ՈՒՂԵՐՁԸ ՈՒՍԱՆՈՂՆԵՐԻ ԵՎ ԵՐԻՏԱՍԱՐԴՆԵՐԻ ՕՐՎԱ ԱՌԹԻՎ

Սիրելի՛ ուսանողներ, սրտանց շնորհավորում եմ ձեզ Ուսանողների և երիտասարդների օրվա առթիվ։

Լուսավոր այս տոնն ուրախալի առիթ է ևս մեկ անգամ արժևորելու ձեր դերը Հայաստանի ներկայի և ապագայի կերտման հայրենանվեր գործում։

Մաղթում եմ, որ նոր հորիզոններ նվաճելու ձգտումը, ստեղծարար ոգին ու սեփական ուժերի հանդեպ անսասան հավատն ուղեկից լինեն ձեր բոլոր նախաձեռնություններին։

📚 Այսօր #ՇՊՀ-ում Պատմության և իրավագիտության ամբիոնի դոցենտ Լիլիթ Ասոյանն անցկացրեց գիտական սեմինար «Օլգինյան գիմնազիան՝ Ալեքսանդրապոլի առաջին իգական կրթօջախ» թեմայով:

🔻 Բանախոսը ներկայացրեց իր կատարած հետազոտական աշխատանքի արդյունքները՝ Գյումրու ամենահին իգական կրթօջախ Օլգինյան գիմնազիայի պատմությունը:

💡 Հետազոտության ընթացքում հնարավոր է եղել վերականգնել գիմնազիայի ստեղծման պատմությունը և պարզել, որ կրթօջախը հիմնվել է 1879թ., իսկ ներկայումս պահպանված շենքի ճակատային մասում զետեղված է շինության հիմնարկեքի թվականը՝ 1912:

🔹 Բացի այդ, սա Գյումրիի այն եզակի կառույցներից է, որն իր գոյության ողջ ընթացքում պահպանել է միևնույն գործառույթը՝ այն մշտապես ծառայել է որպես կրթական հաստատություն:

💢 «Դարձվածային միավորներն Ալեքսանդրապոլի հեքիաթներում» թեմայով գիտական սեմինար #ՇՊՀ-ում

🔹 Շիրակի պետական համալսարանում տեղի ունեցավ գիտական սեմինար, որի բանախոսն էր Հայոց լեզվի և գրականության ամբիոնի դոցենտ Աստղիկ Հայրապետյանը:

💬 Նա ներկայացրեց Ալեքսանդրապոլի հեքիաթներում գործածված դարձվածաբանական միավորների առանձնահատկությունները, դրանց լեզվամտածողական, մշակութային և դաստիարակչական արժեքը։

📌 Բանախոսի կողմից հատուկ ընդգծվեց, որ հեքիաթներում կիրառված դարձվածքները ոչ միայն արտահայտում են ժողովրդական խոսքի հուզաարտահայտչական ուժն ու ազգային ինքնատիպությունը, այլև բացահայտում են տվյալ տարածաշրջանի կենցաղը, մտածողությունն ու հոգևոր մշակույթը։

🖇️ Սեմինարը մեծ հետաքրքրություն առաջացրեց մասնակիցների շրջանում՝ դառնալով գիտական քննարկման հարթակ։

📚 Շիրակի պետական համալսարանում շարունակվում են կրթության և գիտության հանրահռչակմանն ուղղված նախաձեռնությունները

📌 2026 թ.-ի ապրիլի 30-ին համալսարանում կայացավ ՇՊՀ-ի աշխատակիցների և ուսանողների գիտահետազոտական գործունեության առաջնահերթությունների ուղղությամբ տրամադրվող ներբուհական դրամաշնորհի շրջանակում «Նորարար մոտեցումները որպես մաթեմատիկայի և ֆիզիկայի ուսուցման արդյունավետության բարձրացման միջոց» (ծածկագիր՝ SUSh-PRIOR N01-SCI-2024) թեմայի իրականացման ընթացքում մշակված երկու ուսումնամեթոդական ձեռնարկների շնորհանդեսը։ Շնորհանդեսի ընթացքում ներկայացվեցին վերոնշյալ երկու ուսումնամեթոդական ձեռնարկները՝

📖 «Զանգվածի կենտրոնի որոշ կիրառությունների մասին» (հեղինակներ՝ Գ. Նիկողոսյան, Վ. Մանուկյան, Լ. Մարգարյան),
📖 «Կինեմատիկական մոտեցումները մաթեմատիկական խնդիրներում» (հեղինակներ՝ Վ. Մանուկյան, Գ. Նիկողոսյան)։

Հեղինակները նշեցին, որ ժամանակակից կրթության կարևորագույն մարտահրավերներից մեկը տարբեր գիտակարգերի միջև կապերի ամրապնդումն է։ Ձեռնարկներում ներկայացված են մաթեմատիկայի և ֆիզիկայի փոխկապակցված կիրառություններ, որոնք նպաստում են ուսուցման արդյունավետության բարձրացմանը և տեսական գիտելիքների գործնական կիրառմանը։

🔹 Շնորհանդեսի ավարտին հեղինակներն իրենց աշխատանքները նվիրեցին միջոցառմանը մասնակցած դասախոսներին, ոլորտի մասնագետներին և ուսանողներին։

#ՇՊՀ-ի աշխատակիցների և ուսանողների գիտահետազոտական գործունեության առաջնահերթությունների ուղղությամբ տրամադրվող ներբուհական դրամաշնորհի տրամադրման կարգի դրույթներին համապատասխան՝ 2026 թ.-ի մայիսի 12-ին և 13-ին իրականացվեցին նաև ոչ ֆորմալ դասընթացներ, որոնց ընթացքում ուսումնամեթոդական ձեռնարկները ներկայացվեցին համապատասխան մասնագիտություններում սովորող ուսանողներին՝ խթանելով հետազոտական մտածողության և միջառարկայական ուսումնառության զարգացումը։

🔷 Մայիսի 12-ին և 13-ին #ՇՊՀ-ում անցկացվեցին ոչ ֆորմալ դասընթացներ

🔸 Դասընթացներն իրականացվեցին ՇՊՀ-ի կողմից տրամադրվող «SUSH N01-SCI-2024» ծածկագրով ներբուհական դրամաշնորհի շրջանակում՝ իրականացված հետազոտության արդյունքները ներկայացնելու նպատակով։

🔸 Դասընթացավարը՝ Աշխարհագրության և սերվիսի ամբիոնի դասախոս, ասպիրանտ Ք․ Հարությունյանը, ներկայացրեց հետազոտության ընթացքում իրականացված աշխատանքները և անդրադարձավ զբոսաշրջային ռեսուրսների գնահատման մոտեցումներին։
Դասընթացն իրականացվեց երկու փուլով։

🔸 Առաջին հանդիպման ընթացքում դասընթացի մասնակիցներին տրվեցին անհատական հանձնարարություններ, որոնք վերաբերում էին Գեղարքունիքի մարզում առկա զբոսաշրջային գրավչության օբյեկտներին և դրանց գնահատումներին։ Յուրաքանչյուր մասնակից առանձնացրեց 5 հիմնական զբոսաշրջային ռեսուրս, որոնք իրենք ճանաչում են Գեղարքունիքում և գնահատեց դրանք 1-10 միավորով, ըստ հետևյալ երեք չափորոշիչների՝

🔹 Գրավչություն,
🔹 Մատչելիություն,
🔹 Զբոսաշրջային ներուժ:

🔸 Գնահատումներն ավարտելուց հետո դասընթացավարի կողմից իրականացվեց ստացված արդյունքների վերլուծություն, և առանձնացվեցին ամենաբարձր միավորներ հավաքած օբյեկտների ցանկերը՝ ըստ վերոնշյալ չափանիշների։

🔸 Երկրորդ հանդիպման ընթացքում մասնակիցները բաժանվեցին երեք խմբերի, որից հետո, հաշվի առնելով նախորդ օրն ստացած տվյալները, կազմեցին զբոսաշրջային երթուղիներ։

🔸 Դասընթացներին և քննարկումներին ակտիվորեն մասնակցում էին «Կայուն զբոսաշրջություն» և «Սերվիս» մասնագիտությունների ուսանողները։