06/06/2016
Հարգելի երիտասարդներ, կարող եք ակտիվորեն մասնակցել ծրագրի դիտարկումներին ձեր մարզերում։
Հ Ա Յ Տ Ա Ր Ա Ր ՈՒ Թ Յ ՈՒ Ն
«ԼոգոՍ» իրավապաշտպան հասարակական կազմակերպությունը հայտնում է, որ 2016 թ. հունիսի 1-ից մեկնարկեց «ՀՀ Աշխատանքի և սոցիալական հարցերի նախարարության բժշկասոցիալական փորձաքննության գործակալության (ԲՍՓ) կողմից մատուցվող ծառայությունների թափանցիկ և հաշվետվողական գործունեության իրականացման խթանում» ծրագիրը, որը ֆինանսավորվում է ԱՄՆ ՄԶԳ-ի կողմից՝ «Թրանսփարենսի Ինթերնեշնլ հակակոռուպցիոն կենտրոն» ՀԿ կողմից իրականացվող «Պահանջատեր հասարակություն՝ հանուն պատասխանատու կառավարման» ծրագրի շրջանակներում: Ծրագրի նպատակն է նպաստել Շիրակի, Լոռու, Տավուշի և Արարատի մարզերի ԲՍՓ գործակալության հանձնաժողովների կողմից մատուցվող ծառայությունների թափանցիկ և հաշվետվողական գործունեության իրականացմանը և ծառայությունների որակի բարձրացմանը։
Ծրագրի շրջանակներում նախատեսվում է, մասնավորապես, ձևավորել Շիրակի, Լոռու, Տավուշի և Արարատի մարզերում գործող մոնիթորինգային կարողություններով և շահերի ու իրավունքների պաշտպանությանբ, հաշմանդամություն ունեցող անձանց հիմնախնդիրներով զբաղվող կազմակերպություններից և ԶԼՄ-ներից կազմված հասարակական մշտադիտարկման խումբ։ Հաշվի առնելով խնդրի կարևորությունը, խմբում ներգրավված կլինեն ներկայացուցիչներ Շիրակի, Լոռու, Տավուշի և Արարատի մարզպետարանների համապատասխան բաժիններից, ինչպես նաև շահառուներ՝ ԲՍՓ հանձնաժողովներից։
Ծրագրի արդյունքում նախատեսվում է մշակել համակարգային և ընթացակարգային բարեփոխումների փաթեթ, որը կներկայացվի ՀՀ կառավարություն, ՀՀ ԱԺ սոցիալական հարցերի մշտական հանձնաժողով:
Առաջարկությունների փաթեթի քննարկման նպատակով նախատեսվում է կազմակերպել ֆոկուս խմբային քննարկումներ, որոնց կմասնակցեն ոլորտի պատասխանատուներ գործադիր և օրենսդիր իշխանություններից, շահառուներ: Առանձին Ֆոկուս խմբային քննարկումներ կկազմակերպվեն Շիրակի, Լոռու, Տավուշի և Արարատի մարզերում ակտիվ գործունեություն ծավալող իրավապաշտպան և հակակոռուպցիոն գործունեությամբ, ինչպես նաև հաշմանդամութություն ունեցող անձանց հիմնախնդիրնորվ զբաղվող ՀԿ-ների և ԶԼՄ ներկայացուցիչների համար։
Ծրագիրը նպատակ ունի նաև ստեղծել «Շիրակի մարզի ԲՍՓՀ-ների կողմից մատուցվող ծառայությունների որակի և թափանցիկության մշտադիտարկման կենտրոն», որն իր պաշտոնական կայքէջըում լուսաբանելու է կենտրոնի կողմից իրականացվող մշտդիտարկման այցերի ընթացքը, արդյունքները, ինչպես նաև կենտրոնի կողմից ցուցաբերվող աջակցությունը։ Կենտրոնում գործելու է նաև արագ արձագանքման հեռախոսահամար, որի միջոցով հնարավոր կլինի ստանալ բողոքներ և առաջարկություններ՝ կապված ԲՍՓ հանձնաժողովների աշխատանքների, ինչպես նաև հնարավոր կոռուպցիոն դրսևորումների հետ։
Ծրագրի իրականացման ժամկետները՝ 2016թ հունիս 1-ից 2017թ հունվարի 30-ը։ Ծրագրի բյուջեն կազմում է 4․899․840 ՀՀ դրամ։
25/05/2016
02/05/2016
27/04/2016
25/04/2016
24/04/2016
24/04/2016
23/04/2016
22/04/2016
22/04/2016