Գյումրու N30 հիմնական դպրոց

#ամառային

#ամառային

2026թ․ հունիսի 22-ին ,մեր դպրոցի աշակերտները՝ ՀՀ ԿԳՄՍՆ «Մանկապատանեկան հանրապետական կենտրոն» ՊՈԱԿ-ի սաների կազմում,քայլեցին Լոռու մարզի ամենագեղեցիկ և ճանաչողական արահետներից մեկով՝ Ծաղկաշատ–Հաղպատ երթուղով։

Արշավը սկսվեց գեղատեսիլ Ծաղկաշատ գյուղից, որտեղից երեխաները քայլ առ քայլ անցան անտառապատ արահետը։ Ճանապարհն անցնում էր սաղարթախիտ անտառի միջով՝ հնարավորություն տալով ծանոթանալու տարածաշրջանի բուսական աշխարհին, անտառային էկոհամակարգի առանձնահատկություններին և բնության պահպանության կարևորությանը։ Յուրաքանչյուր կանգառ վերածվում էր փոքրիկ բաց դասի, որտեղ երեխաները սովորում էին կարդալ բնության «լեզուն», նկատել կենդանիների և բույսերի հետքերը, հասկանալ լեռնային անտառների դերը մարդու և շրջակա միջավայրի կյանքում։

Քայլարշավի ընթացքում մասնակիցները ոչ միայն հաղթահարում էին ճանապարհի դժվարությունները, այլև զարգացնում էին կողմնորոշման, թիմային աշխատանքի և փոխօգնության հմտությունները։ Արշավը հերթական անգամ դարձավ լավագույն ուսուցիչը՝ սովորեցնելով համբերություն, պատասխանատվություն և բնության նկատմամբ հարգանք։

Օրվա ավարտին երեխաները հասան Հաղպատ՝ իրենց հետ տանելով ոչ միայն գեղեցիկ տպավորություններ, այլև նոր գիտելիքներ հայրենի բնության, մշակութային ժառանգության և ակտիվ կենսակերպի արժեքների մասին։

1918 թվականի մայիսի 28-ը մեր պատմության փառավոր էջերից է՝ հաղթանակի, միասնության և պետականության կերտման օր։ Այդ օրից սկսած հայ ժողովուրդը վերահաստատեց իր ինքնիշխանության իրավունքը՝ վերագտնելով ազատ ապրելու և սեփական ճակատագիրը տնօրինելու իր ուժը։
Այս օրը ծնվեց Հայաստանի Առաջին Հանրապետությունը՝ հավատքի, կամքի ու միասնականության շնորհիվ։
🇦🇲 Այսօր մենք նշում ենք ոչ միայն պատմական հաղթանակ,
այլ նաև հայ ժողովրդի անսասան կամքն ու հավատը սեփական հայրենիքի հանդեպ։
Մայիսի 28-ը մեզ հիշեցնում է,
որ անկախությունը ձեռք է բերվում պայքարով,
իսկ պահպանվում՝ սիրով ու միասնականությամբ։
Թող մեր անցյալի ուժը դառնա ապագայի վստահություն,
իսկ հայրենիքի հանդեպ սերը՝ ամեն օրվա ուղեցույց։ ✨
Շնորհավոր Հանրապետության տոնը։