Wonder Kid Academy

🤖🏆 Հաղթանակներ Ռոբոտաշինության Հանրապետական 2-րդ օլիմպիադայում

🫶🏻 Այս տարի Wonder Kid STEAM Ակադեմիան մասնակցեց Ռոբոտաշինության Հանրապետական 2-րդ օլիմպիադային՝ ներկայացնելով 7 թիմ։ Մրցույթը տեղի ունեցավ Արտաշես Շահինյանի անվան ֆիզմաթ դպրոցում, որտեղ մեր երեխաները մրցեցին Հայաստանի լավագույն և ամենափորձառու թիմերի հետ։

Եվ մենք վերադարձանք մեծ հպարտությամբ 💛

🏆 Մրցույթի արդյունքում մեր թիմերը Lego Sumo Անվանակարգում գրավեցին՝

🥈 Պատվավոր 2-րդ հորիզոնական
🥉 Պատվավոր 3-րդ հորիզոնական

Սա մեզ համար պարզապես արդյունք չէ․ սա երկար ճանապարհ է՝ լի փորձերով, սխալներով, նորից փորձելով և ամեն քայլով ավելի ուժեղ դառնալով։

Շնորհակալ ենք մեր երեխաներին՝ իրենց աշխատասիրության, համառության և պայքարելու ոգու համար, մեր մենթորներին՝ նվիրված և անդադար աշխատանքի համար, և ծնողներին՝ մշտական վստահության ու աջակցության համար 💛

Մենք առաջ ենք գնում՝ ավելի մեծ նպատակներով, ավելի մեծ երազանքներով և նոր հաղթանակներով 🚀

🧠 Պատկերացրեք, որ ձեր երեխան ոչ թե պարզապես օգտագործում է տեխնոլոգիաները, այլ սկսում է հասկանալ՝ ինչպես են դրանք աշխատում։

Հենց սա է մեր LEGO Education Mindstorms EV3 ռոբոտաշինության դասընթացի նպատակը։

📌 Տարիքային խումբ՝ 13–18 տարեկաններ

Այս մակարդակում երեխաները աշխատում են արդեն ավելի հզոր ռոբոտների և ծրագրավորման հնարավորությունների հետ։

🔧 Դասերի ընթացքում նրանք՝
• կառուցում են բարդ մեխանիզմներ
• աշխատում են տարբեր սենսորների հետ
• ծրագրավորում են ռոբոտների շարժումն ու արձագանքը
• ստեղծում են ռոբոտներ, որոնք կարող են լուծել տարբեր խնդիրներ

Օրինակ՝
🤖 շարժվել և շրջանցել խոչընդոտները
📦 տեղափոխել կամ դասավորել առարկաներ
📏 չափել հեռավորություն կամ գծի հետևել
🚦 արձագանքել լույսին, գույնին կամ շարժմանը

🧠 Այս գործընթացը զարգացնում է՝
✔️ ինժեներական մտածողություն
✔️ տրամաբանական և վերլուծական մտածողություն
✔️ խնդիրների լուծման հմտություն
✔️ ստեղծարար մոտեցում տեխնոլոգիաներին

🚀 Այս մակարդակում երեխաները կարող են նաև պատրաստվել և մասնակցել տեղական և միջազգային ռոբոտաշինության մրցույթների, որտեղ նրանք ներկայացնում են իրենց ստեղծած ռոբոտներն ու նախագծերը։

👫 Դասերի ընթացքում երեխաները աշխատում են զույգերով, ինչը զարգացնում է համագործակցությունը, թիմային աշխատանքը և միմյանցից սովորելու կարողությունը։

🕰 Դասերը՝ շաբաթական 2 օր, յուրաքանչյուր դասը՝ 1.5 ժամ

✨ Եթե ցանկանում եք, որ ձեր երեխան ոչ միայն օգտագործի տեխնոլոգիաները,
այլ սովորի ստեղծել, ծրագրավորել և լուծել խնդիրներ, մենք սիրով սպասում ենք նրան մեր ակադեմիայում։

🎨🫟 Եթե ձեր երեխան սիրում է նկարել, բայց չգիտի՝ ինչպես զարգացնել իր տաղանդը, ապա այս դասերը հենց նրա համար են։ 🖼️👩🏼‍🎨

Մեր ակադեմիայում սկսվում են արվեստի նոր դասեր՝ մինչև 18 տարեկան երեխաների համար։ 💛🧑🏼‍🎨

🥰 Մեր շատ սիրելի Reyma ընկերությունը առաջին անգամ Գյումրիում կազմակերպել էր LEGO մրցաշար 🧩✨

Իսկ մեր խելացի երեխաները մեծ սիրով օգնում էին մրցաշարի անցկացմանը՝ դառնալով այս կարևոր իրադարձության մի փոքրիկ մասը 💙

🏆 Wonder Kid STEAM Academy-ի մեր սաները մասնակցեցին AESA 24-րդ Գիտական օլիմպիադային

Այս տարի մենք ներկայացանք 6 թիմով, որոնք իրականացրել էին 6 տարբեր գիտական նախագծային աշխատանքներ՝ կիրառելով իրենց գիտելիքները, ստեղծարարությունն ու հետազոտական մտածողությունը։

Մեր երեխաները ոչ միայն ներկայացրին իրենց նախագծերը, այլև վստահորեն պաշտպանեցին իրենց գաղափարները միջազգային հարթակում 🌍

✨ Այս միջազգային օլիմպիադային մասնակցելը մեզ համար մեծ պատիվ է,
և մենք անհամբերությամբ սպասում ենք արդյունքներին։

Մենք հպարտ ենք յուրաքանչյուր մասնակցով 💙

Այս փորձը նրանց համար դարձավ ևս մեկ կարևոր քայլ դեպի գիտության աշխարհ 🚀

Wonder Kid STEAM Ակադեմիայի սաները պատրաստվում են 24րդ ամենամյա AESA Science Olympiad-ին 🧠🔬
Սա պարզապես մրցույթ չէ․
սա մտածելու, փորձելու, բացահայտելու և զարգանալու ճանապարհ է 💡
Ամեն օր մեր երեխաները աշխատում են նոր գիտելիքներ ձեռք բերելու, խնդիրներ լուծելու և իրենց լավագույն տարբերակը դառնալու համար 🚀

🚀 Փնտրում ենք կամավորներ

Wonder Kid STEAM Ակադեմիայում ամեն օր երեխաները ստեղծում են, փորձում, սխալվում ու նորից փորձում…իսկ մենք փնտրում ենք քեզ, որ լինես այդ ճանապարհի մի մասը 💙

🌟 Մենք փնտրում ենք մարդկանց, ովքեր՝
✔ սիրում են երեխաներին
✔ հետաքրքրված են կրթությամբ, գիտությամբ ու տեխնոլոգիաներով
✔ ուզում են զարգանալ ու ձեռք բերել իրական փորձ

📌 Ինչ ես անելու

📎 Օգնելու դասերին (ռոբոտաշինություն, ծրագրավորում, գիտություն)
📎 Աջակցելու միջոցառումներին ու մրցույթներին
📎 Դառնալու երեխաների կարևոր ոգեշնչողը

💡 Ինչ ես ստանալու

🖋️ Իրական փորձ STEAM կրթության ոլորտում
🖋️ Նոր հմտություններ
🖋️ Հավաստագիր
🖋️ Ու ամենակարևորը՝ զգացողություն, որ անում ես կարևոր բան ❤️

✨ Սա պարզապես կամավորություն չէ։Սա հնարավորություն է դառնալու մեկի հաջողության պատմության մի մասը։

📩 Գրիր մեզ ու ուղարկիր CV

🏆 Հաղթանակները շարունակվում են․․․ 🌏Այս անգամ MRC-Minoan Robotsports Competition - Armenia 2026-ի ազգային փուլում ու անցել միջազգային փուլ 🇬🇷 Հունաստանում՝ ապրիլի 3–6։ 🥇

Հպարտությամբ հայտնում ենք, որ Wonder Kid STEAM Ակադեմիայի թիմերը փայլուն մասնակցեցին MRC Global Olympiad 2026-ի ազգային փուլին։

🥇 Rally Basic 10–12
1-ին տեղ — Lego Rangers

🥇 Wrestling Classic 10–12
1-ին տեղ — SumoSum

🥉 Wrestling Classic 10–12
3-րդ տեղ — Sumo Wonders

🥈 Archery 10–12
2-րդ տեղ — Lego Archers

🌏🏆 Այս հաջողությունները երեխաների երկարատև աշխատանքի, ստեղծարար մտածողության և թիմային ուժի արդյունքն են։

🚀 Ամենաոգևորիչ նորությունն այն է, որ Wonder Kid STEAM Academy-ի մեր բոլոր թիմերը անցել են միջազգային փուլ և հնարավորություն են ստացել ներկայացնելու Հայաստանը MRC Global Olympiad 2026-ի միջազգային մրցույթում, որը տեղի կունենա 🇬🇷 Հունաստանում՝ ապրիլի 3–6։

😍 Մենք անչափ հպարտ ենք մեր աշակերտներով, նրանց համարձակությամբ, հետաքրքրասիրությամբ և այն ճանապարհով, որով նրանք քայլում են դեպի գիտություն և տեխնոլոգիա։

💛 Շնորհակալություն մեր նվիրված ուսուցիչներին և ծնողներին՝ աջակցության և վստահության համար։ Ինչպես նաեւ Whiz Code Academy-ին կազմակերպելու ու նման հնարավորության համար։