Գավառի Ա. Իսահակյանի անվան N4 հիմնական դպրոց

Քաղպաշտպանության համաշխարհային օրը դպրոցում

Հայոց երկու մեծերի՝ բանաստեղծ Հովհաննես Թումանյանի ծննդյան 153-ամյակի և Եղիշե Չարենցի 125-ամյակների առթիվ ՀՀ Գեղարքունիքի մարզի Գավառի Ա. Իսահակյանի անվան N4 հիմնական դպրոցի 8-բ դասարանի սովորողները հյուրընկալվել էին Գավառի մարզային գրադարանի կողմից: Սովորողների կողմից ներկայացվեց Թումանյանը՝ որպես լեռնցու սիրտ և պայծառ երևակայություն ունեցող խոսքի Մեծ վարպետի, Մեծ քաղաքացու ու Մեծ մարդասերի: Հովհաննես Թումանյանը իր կյանքի կարճատև ակնթարթում սերմանում էր ,,մարդու գործն է միշտ անմահ,, հունդը, որով միայն սնունդ են առնում ու ավանդաբար հարատևում են սերունդները,, գաղափարը : Նա ունեցել է գիրք նվիրելու սովորություն և նրա ծննդյան օրը հայտարարված է նաև : Այս տարի Գիրք նվիրելու տոնը նվիրված է Եղիշե Չարենցի 125-ամյակին, ով մնաց մեզ համար որպես հնամյա մեր ժողովրդի ազգային ոգուց և հավաքական-ամփոփ պատմությունից սերված առաջնորդ ու մարգարե։ Եվ այսօր էլ մենք առաջնորդվում ենք մեզ ժառանգած նրա բանաձևով. «Ով հայ ժողովուրդ, քո միակ փրկությունը քո հավաքական ուժի մեջ է»:

Նոյեմբերի 8-14-ը Հայաստանում կանցկացվի Մեդիագրագիտության շաբաթ - ՀՀ ԿԳՄՍՆ ԿԳՄՍ նախարարությունը «Մեդիա» նախաձեռնությունների կենտրոնի հետ համատեղ նոյեմբերի 8-14-ը հայտարարում է Մեդիագրագիտության շաբաթ՝ #դիմակայումենք խորագրով: Մեդիագրագի...

2021թ. հոկտեմբերի 15-ին ՀՀ Գեղարքունիքի մարզի Գավառի Ա․ Իսահակյանի անվան N4 հիմնական դպրոցի և Գավառ ՏԶԾ-ի համագործակցության արդյունքում անցկացվեց դասընթաց թեմայով, որին մասնակցում էին տարրական դասարանի աշակերտներ։ Հանդիպման ընթացքում խոսվեց ձեռքերի, մազերի, ատամների և մարմնի հիգիենայի մասին, բերվեցին օրինակներ: Կատարվեց փորձ ջրաներկերով և ցույց տրվեց, թե ինչպես ճիշտ լվանալ ձեռքերը։ Մասնակիցները ձեռք բերեցին գիտելիքներ անձնական հիգիենայի պահպանման մասին, որը շատ կարևորվել է միշտ և հատկապես այժմ՝ կորոնավիրուսային համավարակի պայմաններում:

Սիրելի մանկավարժներ, աշակերտներ
Շնորհավորում եմ բոլորիդ նոր ուսումնական տարվա մեկնարկի , Գիտելիքի, գրի ու դպրության օրվա կապակցությամբ՝ ցանկանալով ուսումնառության նկատմամբ մեծ հետաքրքրությամբ ու ձեռքբերումներով լի ուսումնական տարի:
Առանձնահատուկ շնորհավորում եմ առաջին դասարանցիներին, ովքեր քայլ են անում դեպի նոր կյանք՝ լի բազմաթիվ անհայտներով: Անհայտներ, որոնք կհաղթահարվեն մեր սիրելի ուսուցիչների նվիրական աշխատանքի և, իհարկե, ծնողների հետևողականության շնորհիվ:
Ուսումնառության տարիները կյանքի այն լուսավոր ժամանակաշրջանն են, որոնց ընթացքում կառուցվում է ձեզ դեպի բարձունք տանող աստիճանը: ժամանակակից աշխարհի լեզուն գիտությունն ու բարձր տեխնոլոգիաներն են: Գիտելիքը ձեր հուսալի հենման կետն է, որի շնորհիվ դուք պիտի խոսեք աշխարհին հասկանալի այդ լեզվով՝ մասնակից դառնալով համաշխարհային նոր նվաճումների կերտմանը:
Թո՛ղ նոր ուսումնական տարին ձեզ տոգորի նոր հույսերով, ուսումնատենչ ոգով ու աննկուն ջանասիրությամբ, նպաստի հարստացնելու ձեր գիտելիքների պաշարը:
Շնորհավոր գիտելիքի աշխարհի մուտքն ազդարարող այս տոնական օրը:
Դպրոցի տնօրենություն

Շնորհավո՛ր Մարտի 8-ը, սիրելի ուսուցիչներ

Հայոց դպրության անդաստանի սիրելի մշակներ, սիրելի և թանկագին ուսուցիչներ, սրտանց շնորհավորում ենք Ձեզ կանանց միջազգային օրվա առթիվ, մաղթում քաջ առողջություն, անսահման երջանկություն:
Դուք կրողն եք հանդիսանում մեր հայրենիքի ապագան ստանձնող սերնդի ուսման բեռի, նվիրյալ շինարարը` մեր պետականության ու հոգևոր կերտվածքի` վաղվա և այսօրվա ամուր շենքի, ուստի մաղթում եմ Ձեզ ուժ ու կորով մատաղ սերնդի կրթման ազգանվեր ու շնորհակալ գործում: Թող անսահման մնա գիտության սերմնացանի Ձեր վեհ կոչումն ու յուրաքանչյուր տարին իմաստավորվի նոր արգասաբերությամբ:
Սեր ու երջանկություն ենք մաղթում, թող կատարվեն ձեր բոլոր երազանքները, թող որ երջանկությունը միշտ ապրի ձեր սրտերում, իսկ Ձեր ուղեկիցը լինեն կանացի հմայքը, պայծառ ժպիտը, քնքշությունն ու գրավչությունը :
Հայ կինը միշտ եղել է հայկական օջախի և մեր ազգի հենարանը, և նրանով է պայմանավորված հայ ազգի հարատևությունը:
Եվս մեկ անգամ սրտանց և ջերմորեն շնորհավորում ենք մեր սիրելի կանանց և աղջիկներին, մայրերին և քույրերին գարնանային այս գեղեցիկ տոնի` Մարտի 8-ի առթիվ:
Տնօրենություն