Mary English Studio for Kids

19/09/2026

Աննաս է նկարել Իմ Ուղի կենտրոնում։
Աննաս է հարստացնում իմ զգեստապահարանը, ծաղիկներ է նկարում իր զգայական խնդիրներից կոշտացած, բայց քաղցր մատիկներով։
Արտթերապիստ` Մարինա Աբելյան

17/09/2026

#մանկականշոուծրագրեր
#Պուկտիպուկ
Ես կարծում եմ , որ տոմսերի արժեքը կարելի էր մի քիչ հասանելի դարձնել, որ վաճառվեին տոմսերը։
Վաղը չէ մյուս օրը ներկայացումն է, ու դեռ մեծ քանակությամբ տոմս վաճառված չէ։
Հ.Գ. Միգուցե ընդառաջեր DRNAK փրոդաքշնը, գնայի, մի տասը րոպեով դիտեի ներկայացման փորձը, հասկանայի` երեխային տանել թե չտանել, մի սիրուն արձագանք գրեի։
Բայց ոչ!
Չընդառաջեցին։
Բարի եղեք, կազմակերպիչներ։

09/09/2026

Հարգելի ծնողներ, թող երեխաները դիտեն Լուսիգին, իսկ դուք ազատ մի քանի րոպե ունեցեք։
Բոլորիս ուրախ ժամանց💐

Welcome to Lousig's world!Join Lousig and her friends as they play...

26/08/2026

Անցյալ կիսամյակ 76 Դպրոցում իմ ու լոգոպեդ Թամարայի աջակցությամբ երեխաները պատկերասրահ պատրաստեցին։
Անգլերենի դասերին երեխաների հետ իմ գրասենյակում մենք վերլուծում ենք գեղանկարները անգլերենով։ Դպրոցում` զարգացնում ենք գեղագիտական ճաշակ ու շփվում ենք։
Արվեստը հաղորդակցման լեզու է։

12/08/2026

#մանկականմերսում
Բարեկամներ, իմ երեխայի արձակուրդը անցավ Երեվանում։ Այն որ չօդափոխվեցինք, լավ չէր։ Սակայն մեր օրերն անցան լի հանգստով, բուժմամբ, ստեղծագործ կյանքով, աշխատանքով։

Նկարում աջից Գոհարն է, լավ հայ ու արտակարգ մայր, սուպեր կազմակերպիչ ։
Ձախից ընկեր Մարիան է, բարի, առաջատար մասնագետ ու հոգատար մեր մերսողը։

Աննաս ավարտեց իր մերսումների կուրսը։
Արդյունքում. քայլվածքը բարելավեց, թաթիկներից լրիվ իջանք, թեթեվ ոտնադիպումը դարձավ ամուր, պինդ քուն, ավելի նրբագեղ պարային շարժումներ։

Երեխաների մեծ մասին պետք է թուլացնող, հանգստացնող կամ բուժական մերսում։

Այնքան ուրախ եմ։

Ձեր երեխայի մերսման համար զանգահարեք սիրելի Գոհարին 091634408։

12/07/2026

Ես մտածում եմ, որ Երեվանի հրապարակի ուրախությունից մաքսիմում օգուտ պիտի քաղեն մեր աուտիզմով երեխաները։ Աննայիս տարա հրապարակ։ Դե, երեխաները այսօր քիչ էին։ Բայց!
🎈Աննաս մեծ ուրախության մասնակիցը եղավ։
🎈Սովորեց ամբոխի մեջ սպասել, մինչ չորանա կամ պաղպաղակ ուտի։
🎈Հասկացավ , մեծ հոսքով ջրի պատահական շփումը ագրեսիա չէ, այլ խաղ։
🎈Խաղեր խաղում են նաեվ մեծերը։
🎈Ինքը մեծ դրական էներգիայի մի մասն է կազմում։
Հիմա նկարենք այն, ինչ տեսել ենք։ Իսկ անգլերենով երեխաների հետ կպատմենք սիրելի տոնի մասին։
Ավելացում. միջոցառումից հետո հիվանդացանք եվ ես եվ երեխան։
😬 Հատկապես հնդիկներն ու պարսիկները մեծ էնտուզիազմով մարդկանց վրա էին լցնում թանգարանի մայթեզրով հոսող ջուրը։ Որքան որ փորձեցի խուսափել, չստացվեց։
Պարզ է, վիրուսների ու ինֆեկցիոն հիվանդությունների քանակը, որ լցվում են մարդկանց վրա ։

09/07/2026

Աննայիս ու ինձ համար գրադարան մտնելը իրադարձություն է։ Գրանցվելը, գիրք ընտրելը, գրքով վերադառնալը տուն մշակույթ է, բարեկամ ծնողներ։ Ու նշանակություն չունի, որ իմ երեխան չի խոսում, չի կարդում։ Նա թերթում է գիրքը, տեղավորում է, գրքով քնում։
Գրքի նկարները զբաղեցնում են իրեն, տեքստերը` մամայի բերանով փոխանցվում իրեն։
Հեքիաթի մեջ մի բուժիչ էներգիա կա։ Գնում ենք գրադարան ` բուժվելու !
Այցելեք գրադարան ամռանը❤️

08/07/2026

Գիրքը նվեր ենք ստացել ու ըստ գրքի անվերջ խաղում ենք երկու լեզուներով!

08/07/2026

Ոգեվորվել ենք գրքի զատիկով!
Round, between, through, by/ near and back home!🐠🐝🪰🐍🐸
Նույն խաղը կարելի է անգլերենով խաղալ!