15/07/2022
Մարդկության մշակույթի պատմության մեջ արվեստի գործերի՝ չափի, ձևի և բովանդակության հարցը դեռ հնուց եղել է շատ կարևոր։ Չափի, ձևի և բովանդակության խնդիրը առանձին ժամանակներում տարբեր կերպ են լուծել դարի առաջատար դեմքերը։
Օրինակ՝ Հին Եգիպտոսում՝ փարավոնները բուրգերը կառուցել էին մարդու համար շատ մեծ, այնքան, որ մարդն իրեն մժեղ էր զգում այդ մեծության առաջ։ Եւ փարավոնները մարդկանց նաև ճնշելո՛ւ բովանդակությունն էին դնում այդտեղ։
Հին Հռոմում ևս, թերևս եգիպտացիներից մի փոքր քիչ, պահպավնեց չափի մոնումենտալությունը և վեհությունը։ Նրանց նպատակն էր ցուցադրել Կայսրության իշխանությունը և հզորությունը ժամանակի մեջ։
Իսկ ահա Հին Հունաստանում բոլորովին այլ պատկեր էր. հին հույները հասկացան և ճանաչեցին #գեղեցիկը՝ ձևի մեջ նաև։ Նրանք չկառուցեցին անճոռնի և մեծ քանդակներ, շենքեր շինություններ, այլ բովանդակությունը և ձևը բերեցին հավասարակշռության։
։
Եւ ահա Եվրոպայի՝ Վերածննդի վարպետները որպես օրինակ վերցրեցին հենց այդ՝ ձևի և բովանդակության ներդաշնակությունը։
Օրինակ՝ Միքելանջելոյի Դավիթը։ Իր արտահայտած գաղափարով, բովանդակությամբ չէ, որ Դավթի քանդակը հանճարեղ է։ Դավթի քանդակը մարդկության մշակույթի գագաթներից է նախևառաջ #ձևի՛ կատարելության շնորհիվ։
Ձևի կատարելությանը անմասն չմնաց նաև երաժշտական աշխարհը, իհարկե՝ Վերածննդից քիչ ուշացումով։ Վիեննական դասականները՝ Հայդնը, Մոցարտը և Բեթհովենը դարձան այդ կատարելության ստեղծողները։ Մոցարտի մոտ ձևն այնքան բյուրեղացավ, որ անձեռակերտ աշխատանքի տպավորություն է թողնում։ Իսկ ահա Լյուդվիգ վան Բեթհովենը՝ այդ հեղափոխական հոգին, կյանքի երկրորդ շրջանում փշրեց ձևի կաննոները, բայց միաժամանակ՝ ինչն ստեղծեց անձամբ՝ միևնույն է՝ կրկին կատարյալ է՝ իր յուրահատուկ, անհատակա՛ն ձևի մեջ։
Հետաքրքիրն այն է, որ Մոցարտից գրեթե մեկ դար անց համաշխարհային երաժշտության հանճարներից մեկը՝ Շոպենը, կրկին վերադարձավ Մոցարտին և սկսեց ստեղծագործել Մոցարտի կլասիցիզմի կանոններով։ Խորապես ռոմանտիկ նրա երաժշտությունը ձևի մեջ խիստ է համարյա նույնքան, որքան Վոլֆգանգ Ամադեուս Մոցարտի երաժշտությունը։
Ուստի՝ մի դադարեք ձգտել կատարելությանը և խորը բովանդակությունը ներկայացրեք կատարյալ ձևով )))
Բարի լույս բոլորին։
16/03/2022
10/03/2022
22/09/2021
06/06/2021
04/06/2021
29/05/2021