Dilijan Children’s Art School after Hovh. Sharambeyan/ Գեղարվեստի դպրոց

ետագայում` 1970թ.-ից դարձել է նկարչական դպրոց: Դեռ այդ ժամանակվանից կար անհրաժեշտություն ու մտահոգություն Դիլիջան քաղաքում պահպանելու ու զարգացնելու կերպարվեստի և ժողովրդական արհեստների մի շարք ճյուղեր: Գեղարվեստի դպրոցի հիմնական նպատակն ու խնդիրն է՝ երեխաների գեղագիտական կրթության, դաստիարակության կազմակերպումը: Դպրոցի կողմից իրականացվող գործունեության տեսակներն են` գեղանկարչություն, գրաֆիկա, կոմպոզիցիա, հայ և համաշխարհային արվեստի պատմություն, դեկորատիվ կիրառական արվեստի ճյուղերի` փայտի գեղարվեստական մշակում, ասեղնագործություն, ժանյակագործություն, կարպետագործություն, գոբելենագործություն, գորգագործություն, բատիկի ուսուցում և այլ ուսումնական ծրագրերի իրագործումը։
2012 թվականից դպրոցում բացվել և մինչ այսօր գործում է նաև պարարվեստի բաժինը։
1970թ.-ից դպրոցն ունենալով իր առանձին մասնաշենքը՝ ստացել է զարգանալու և ինքնադրսևորվելու հնարավորություն, անցել պետական հովանու տակ և հետագայում վերանվանվել՝ « Դիլիջանի Հովհաննես Շարամբեյանի անվան գեղարվեստի մանկական դպրոց» ՀՈԱԿ: 2018 թվականից համայնքի խոշորացման հետ կապված՝ անհրաժեշտություն է առաջանում բացելու դպրոցի մասնաճյուղեր նաև գյուղական բնակավայրերում։ Այսօր կրթօջախ են հաճախում երեք հարյուրից ավելի սան, ովքեր իրենց ուսուցումը հետագայում շարունակում են ՀՀ տարբեր բուհերում: Իսկ իր առջև դրված խնդիրների արդյունավետ լուծման համար դպրոցն իրականացնում է բազմաթիվ ծրագրեր` կապեր հաստատելով հանրապետության ու միջազգային մշակութային, կրթական մի շարք կազմակերպությունների հետ` նրանց ներգրավելով դպրոցի զարգացման գործում:
Ավանդական են ամառային մասնագիտական սիմպոզիումներն ու ճամբարները, բազմաթիվ ու բազմաբնույթ հանրապետական ու միջազգային ցուցահանդեսների, մրցույթների, փառատոների հրավերներն ու մասնակցությունները, որոնց մեծ խանդավառությամբ են մասնակցում դպրոցի սաներն ու շրջանավարտները` ցուցաբերելով լավագույն արդյունքներ: Իսկ դպրոցի այցեքարտը համարվող ու մշտապես գործող ցուցասրահը յուրաքանչյուր այցելուի ներկայանում է իր մանկական անկեղծ գունագեղությամբ:
Այսօր դպրոցի աշխատանքային գործունեությունն ընթանում է հնարավորինս ակտիվ, իսկ կազմակերպվող միջոցառումները հնչեղ արձագանք են գտնում տարածաշրջանում` ընդլայնելով դպրոցի գործունեության շրջանակները:
Այն ծառայում է ազգային արժեքների պահպանությանն ու զարգացմանը գեղարվեստի, դեկորատիվ կիրառական արվեստի ու ժողովրդական արհեստների ոլորտներում:
Նկարչական ստուդիայի և Հ․ Շարամբեյանի առաջին սաներից են եղել՝ Ղազար Ղազարյան, Հասմիկ Զաքարյան, Վարազդատ Ամյան, Համլետ Ասատրյան, Սամվել Գյուլզատյան, Սերժիկ Դավթյան, Սիլվա Պողոսյան / ճարտարապետ /, Ալբերտ Պողոսյան
/ճարտարապետ/ և այլոք․․․
Իսկ արդեն որպես դպրոցի Առաջին շրջանավարտներ, ովքեր դպրոցն ավարտելուց հետո ստացել են նաև մասնագիտական կրթություն՝ Ավետիսյան Սերյոժա, Ամիրխանյան Անահիտ, Չիլինգարյան Արծրուն, Գոգչյան Աղասի, Ղազարյան Գառնիկ, Ղազարյան Կարինե, Մակվեցյան Համլետ, Հարությունյան Լևոն, Գագիկ Մազմանյան, Լևոն Գրիգորյան, Սամվել Ֆրանգուլյան, Տիգրան Ղուլյան։ Ավելի ուշ շրջանում՝ Մհեր Մանթաշյան, Նվեր Դանիելյան, Մհեր Ղազարյան, Անդրանիկ Ղազարյան, Գրիգոր Հովսեփյան և այլոք, որոնցից շատերը հետագայում դասավանդեցին նաև գեղարվեստի դպրոցում։
Դպրոցի ուսուցիչներից են եղել՝ Ալբերտ մատինյանը (քանդակագործ և Երկրագիտական թանգարանի տնօրեն),
Հասմիկ Զաքարյան (ճարտարապետ - նկարիչ),
Ղազար Ղազարյան (նկարիչ), Վարազդատ Ամյան ( նկարիչ - քանդակագործ ), Միքայել Հարությունյան ( նկարիչ ), Յուրա Խաչանյան, Ջուլիետա Սեմրջյան ( նկարիչ ), Սամվել Ֆրանգուլյան
( նկարիչ ), Հրաչ Հայրապետյան ( նկարիչ ), Համլետ Մակվեցյան ( նկարիչ ), Աղասի Գոգչյան / նկարիչ – քանդակագործ /, Աղաբեկ Կարապետյան / նկարիչ /, Գոհար Հախվերդյան / ճարտարապետ - նկարչուհի /, Կարինե Ղազարյան / նկարիչ - գոբելենագործ /, Նուշիկ Մալխասյան / ժանեկագործ /, Թագուհի Ղուլյան / գորգագործ / և այլոք․․․․․․
1970 թվականից արդեն որպես դպրոց՝ առաջին տնօրենն է եղել Վարազդատ Ամյանը, հետագայում՝ Սամվել Ֆրանգուլյանը, Մարիետա Քոչարյանը։