Աշտարակի Սմբատ Շահազիզի անվան հ․2 հիմնական դպրոց

⚜️Կինոյի տանը կայացավ «Մշակութային վերջին զանգ» մրցույթի ամփոփիչ միջոցառումը, որին ներկա էին ՀՀ կրթության, գիտության, մշակույթի և սպորտի նախարար Ժաննա Անդրեասյանը, նախարարի տեղակալ Արաքսիա Սվաջյանը, ինչպես նաև մրցույթում հաղթող ճանաչված դպրոցների աշակերտները և մանկավարժները։
ԿԳՄՍ նախարար Ժաննա Անդրեասյանը շնորհավորեց հաղթող դպրոցների աշակերտներին ու ուսուցիչներին՝ կարևորելով նրանց ստեղծագործական աշխատանքը, նախաձեռնողականությունն ու մշակութային կյանքի նկատմամբ հետաքրքրվածությունը։Հաղթող դպրոցները պարգևատրվեցին նախարարության շնորհակալագրերով:

✍️Աշտարակի Սմբատ Շահազիզի անվան հ. 2 հիմնական դպրոցում մանկավարժական խորհրդի նիստով ամփոփվեց 2025-2026 ուսումնական տարին։ Նիստի ընթացքում քննարկվեցին ուսումնական տարվա ընթացքում իրականացված աշխատանքները, արձանագրված ձեռքբերումներն ու հաջողությունները, ինչպես նաև առաջացած խնդիրներն ու դրանց լուծման ուղիները։ Ամփոփվեցին սովորողների առաջադիմության, դաստիարակչական աշխատանքների և արտադասարանական միջոցառումների արդյունքները։
Դպրոցի տնօրեն Ս. Ավոյանը շնորհակալություն հայտնեց մանկավարժական անձնակազմին՝ նվիրված և պատասխանատու աշխատանքի համար՝ ընդգծելով յուրաքանչյուր ուսուցչի ներդրումը դպրոցի կրթական գործընթացի արդյունավետ կազմակերպման գործում։
📍Քննարկվեցին նաև 2026-2027 ուսումնական տարվա նախապատրաստական աշխատանքները և զարգացման առաջնահերթ ուղղությունները։

ՀՀ ԿԳՄՍ նախարարությունն ամփոփել է «Մշակութային Վերջին զանգ» մրցույթի արդյունքները: Մեծ հպարտությամբ տեղեկացնում ենք, որ հաղթողների շարքում է նաև Աշտարակի Սմբատ Շահազիզի անվան հ 2 հիմնական դպրոցը։
Սրտանց շնորհավորում ենք 9-րդ «Ա» դասարանի դասղեկ Գ. Բոցինյանին, սովորողներին, նրանց ծնողներին և դպրոցի ողջ անձնակազմին՝ այս նշանակալի հաջողության առթիվ։

✍Մեկնարկել է 9-րդ դասարանի պետական ավարտական քննությունը «ԳՐԱԿԱՆՈՒԹՅՈՒՆ» ԵՎ «ՀԱՅԱՍՏԱՆԻ ՊԱՏՄՈՒԹՅՈՒՆ» առարկաների ինտեգրված էսսեի ձևաչափով

Հարգելի՛ ծնողներ և սիրելի՜ աշակերտներ:
Հիշեցնում ենք
9-րդ դասարանի «ԳՐԱԿԱՆՈՒԹՅՈՒՆ» ԵՎ «ՀԱՅԱՍՏԱՆԻ ՊԱՏՄՈՒԹՅՈՒՆ» առարկաների ինտեգրված ավարտական քննության գործընթացի կազմակերպման կարգը

1. Հաստատությունների 9-րդ դասարանի սովորողները «Գրականություն» և «Հայաստանի պատմություն» առարկաներից հանձնում են ավարտական քննություն՝ ինտեգրված՝ գրավոր, քննության տևողությունը` 150 րոպե:

2. Սովորողի գրավոր աշխատանքը գնահատվում է 20 միավորանոց համակարգով:

3. Քննությունից առաջ դասավանդող ուսուցիչները սովորողների համար քննական առարկաներից կազմակերպում են խորհրդատվություններ` Հաստատության տնօրենի կողմից հաստատված ժամանակացույցով:

4. Ավարտական քննությունները կազմակերպվում են ուսումնական հաստատություններում:

5. Ինտեգրված ավարտական քննությունների կազմակերպիչներին, օգնականներին, հերթապահներին նշանակում է Հաստատության տնօրենը: Կազմակերպիչները չեն կարող լինել տվյալ քննական առարկայի մասնագետներ:

6. Քննությունից առաջ Հաստատության տնօրենը ՀՀ կրթության, գիտության, մշակույթի և սպորտի նախարարությունից ստանում է քննական գրավորների փաթեթը:

7. Սովորողի` քննասենյակում տեղավորվելուց հետո, Հաստատության տնօրենը կամ այլ պատասխանատու անձ քննասենյակ է բերում քննական գրավորների ծրարը: Քննասենյակի պատասխանատու կազմակերպիչը ծրարները ցուցադրում է սովորողներին` նրանց ուշադրությունը հրավիրելով ծրարների փակ և ամբողջական լինելու հանգամանքի վրա: Ծրարը բացելու համար պատասխանատուն հրավիրում է առաջին նստարանին նստած սովորողներից մեկին: Առաջին շարքում սովորողների բացակայության դեպքում հրավիրվում է սովորող այլ շարքից: Ծրարների բացման մասին նշվում է արձանագրության մեջ:

8. Քննասենյակի պատասխանատու կազմակերպիչը սովորողներին տեղեկացնում է քննասենյակում վարքականոնների պահպանման, ինչպես նաև բողոքարկման տեսակների մասին: Քննասենյակում քննության անցկացման կարգն ընթերցելուց և սովորողներին ցուցումներ տալուց հետո կազմակերպիչները բաժանում են սովորողների թվով ստացված տեքստերը և հարցադրումները՝ շարադրանքի համար նախատեսված ձևաթղթերով: Սովորողը գրավորը ստանալուն պես իրեն տրամադրված տետրի վրա գրում է մարզի, հաստատության անվանումը և/կամ համարը, իր անուն-ազգանունը: Գրավորների թերթիկների վերջնական բաշխումից հետո պատասխանատու կազմակերպիչը հայտարարում է քննության սկիզբը, տևողությունը և գրատախտակին նշում է քննության սկիզբը և ավարտը:

9. Քննասենյակից սովորողը կարող է դուրս գալ միայն քննասենյակի պատասխանատուի թույլտվությամբ և միջանցքի հերթապահի ուղեկցությամբ:

10. Քննության համար նախատեսված ժամանակի ավարտին սովորողը հանձնում է իր աշխատանքը և ստորագրում իր անվան դիմաց: Եթե սովորողն աշխատանքն ավարտում է սահմանված ժամանակից շուտ, ապա նա գրավորը հանձնում է և ստորագրելով իր անվան դիմաց՝ դուրս գալիս քննասենյակից:

11. Պատասխանատուն քննական աշխատանքները քննության արձանագրության հետ հանձնում է Հաստատության տնօրենին: Տնօրենը, ներկայացված քննական աշխատանքները վերահաշվարկելով, լրացնում է քննական կենտրոնում անցկացված քննության վերջնական արձանագրությունը, որտեղ նշվում է քննության մասնակիցների, բացակաների, քննությունից հեռացվածների, որևէ պատճառով քննությունն ընդհատածների թիվը (եթե կան):

12. Քննական գրավոր աշխատանքները մինչև դրանց ստուգման ավարտը պահպանվում են Հաստատության տնօրենի մոտ, ապա սահմանված կարգով արխիվացվում:

13. Ինտեգրված քննական գրավորները ստուգվում են Հաստատության տնօրենի հրամանով ստեղծված պատմության և գրականության ուսուցիչներից կազմված հանձնաժողովի կողմից, քննության օրը։ Ելնելով աշակերտների թվից՝ գրավոր աշխատանքների ստուգումը կարող է կազմակերպվել 1-ից ավելի օրերում:

14․ Գրավորները ստուգվում են նախապես հաստատված գնահատման չափանիշների հիման վրա։

15․ Գնահատման չափանիշներին համապատասխան՝ պատմության և գրականության ուսուցիչները առանձին գնահատականներ են նշանակում, որոնք միջինացվում են և որպես մեկ գնահատական անցկացվում քննական արձանագրության մեջ։

Քննությունը կկայանա հունիսի 24- ին՝ ժամը 10:00- ին:
Հաջողություն բոլոր մասնակիցներին:

📖✍Աշտարակի Սմբատ Շահազիզի անվան հ 2 հիմնական դպրոցի 9-րդ դասարանի աշակերտները փայլուն հաղթահարեցին «Անգլերեն» առարկայի ավարտական քննությունը՝ ցուցաբերելով կայուն գիտելիքներ և բարձր պատրաստվածություն։
Նման արդյունքները մեր ուսուցիչների նվիրված ու հետևողական աշխատանքի լավագույն գնահատականն են։
Ուսուցիչ` Ա. Արշակյան

📖✍Աշտարակի Սմբատ Շահազիզի անվան հ 2 հիմնական դպրոցի 9- րդ դասարանի աշակերտները փայլուն հաղթահարեցին «Ռուսաց լեզու» առարկայի ավարտական քննությունը՝ ցուցաբերելով կայուն գիտելիքներ և բարձր պատրաստվածություն։
Նման արդյունքները մեր ուսուցիչների նվիրված ու հետևողական աշխատանքի լավագույն գնահատականն են։
Ուսուցիչ` Գ. Բոցինյան

✍Մեկնարկել է 9-րդ դասարանի պետական ավարտական քննությունը «Կենսաբանություն» առարկայից

✍Մեկնարկել է 9-րդ դասարանի պետական ավարտական քննությունը «Մաթեմատիկա» առարկայից

Մեկնարկում է 2026–2027 ուսումնական տարում առաջին դասարան հաճախող երեխաների էլեկտրոնային հայտագրումը՝ երեք փուլով։

🔸Փուլ առաջին
Հունիսի 8–ին՝ ժամը 09:00-ից մինչև հունիսի 21-ը՝ ժամը 24։00–ը ներառյալ, հայտագրումը բաց կլինի արտոնություններ ունեցող երեխանների համար (արտոնությունները տեսանելի կլինեն համակարգում)։

Արտոնություններից կարող են օգտվել․
✅տվյալ դպրոցում սովորող քույր, եղբայր ունեցող երեխաները
✅տվյալ դպրոցի աշխատակիցների երեխաները
✅ՀՀ օրենսդրությամբ սահմանված՝ տվյալ դպրոցից մինչև տուն սպասարկման հետիոտնային հասանելիության շառավղով բնակվող համապատասխան խմբերի երեխաները:
✅տվյալ ոլորտային օրենսդրությանը համապատասխան` ՀՀ տարածքում ներքին գործուղման հետևանքով առնվազն 6 ամիս ժամկետով այլ բնակավայր տեղափոխված պետական համակարգի աշխատողների երեխաները

🔸Փուլ երկրորդ
Հունիսի 23–ին՝ ժամը 09:00-ից, առաջին դասարանցիների հայտագրման գործընթացը կիրականացվի ընդհանուր հիմունքներով՝ հայերենով ուսուցմամբ դասարանների ընդունելության համար, այդ թվում՝ օտարերկրյա քաղաքացիների, երկքաղաքացիների, քաղաքացիություն չունեցող անձանց (նրանց օրինական ներկայացուցիչների) համար։

🔸Փուլ երրորդ
Հունիսի 30-ին՝ ժամը 09:00-ից, հայտագրում կիրականացվի ռուսերենով ուսուցմամբ դասարանների ընդունելության համար, որը նախատեսված է օտարերկրյա քաղաքացիների, երկքաղաքացիների, քաղաքացիություն չունեցող անձանց (նրանց օրինական ներկայացուցիչների) երեխաների համար։

Հայտագրումն իրականացվելու է առցանց՝ երկու քայլով:
🔸Քայլ 1 – Մուտք գործեք https://my.emis.am/ հարթակ և բացեք օգտատիրոջ էջը: Մանրամասն քայլերը ներկայացված են «Գրանցում my.emis.am» տեսաուղեցույցում ⤵

🔸Քայլ 2 – Եթե արդեն անցել եք նույնականացում և https://my.emis.am/ հարթակում ունեք էջ, ապա սպասեք հայտագրման մեկնարկին, որպեսզի ընտրեք դպրոցը: Հայտագրման քայլերը ներկայացված են «Առաջին դասարանի հայտագրում» տեսաուղեցույցում ⤵

Հաշվի առնելով, որ գրանցումը ժամանակատար է, խորհուրդ ենք տալիս մինչև հայտագրման մեկնարկը գրանցվել և համակարգում անցնել նույնականացում, որպեսզի համակարգը բացվելուց անմիջապես հետո հնարավոր լինի երեխային հայտագրել նախընտրելի դպրոցում:

Ավելին՝ https://escs.am/am/news/36634

my.emis.am