ՀՀ Արարատի մարզի Նոր Խարբերդի Մ. Ղազարյանի անվան թիվ 2 միջնակարգ դպրոց

Ուշադրություն !!!!!
1-ին դասարանի ընդունելության քայլերի հաջորդականությունը

Ուշադրություն!!!!!
ԱՌԱՋԻՆ ԴԱՍԱՐԱՆԻ ԸՆԴՈՒՆԵԼՈՒԹՅԱՆ ՀԱՄԱՐ!!!!!

Մարզպետ Սեդրակ Թևոնյանի ուղերձը «Վերջին դասի» կապակցությամբ

«Սիրելի՛ շրջանավարտներ,
Այսօր ավարտվում է ձեր կյանքի մի կարևոր փուլը՝ իր տեղը զիջելով նորին։

Մանկությունից տեղափոխվում եք դեպի մի նոր ու մեծ աշխարհ՝ խելահեղ ու գունավոր, միևնույն ժամանակ՝ բարդ և լի մարտահրավերներով։ Ձեզանից յուրաքանչյուրն արդեն ունի իր ուժեղ կողմերը, երազանքներն ու նպատակները։ Կարևորը՝ չվախենաք փորձել, սխալվել, նորից սկսել ու առաջ գնալ՝ ստեղծելով նորը, համարձակը, տարբերվողը։

Սիրելի շրջանավարտներ, առաջիկայում ձեզանից շատերը կանգնելու են մասնագիտություն ընտրելու կարևոր որոշման առաջ։ Ընտրեք այն, ինչ ձեզ հետաքրքրում ու ոգեշնչում է։ Մի վախեցեք փոխել ճանապարհը, սովորել նոր բաներ ու զարգանալ։ Որ ոլորտում էլ, որ ջանք ներդնեք, պահպանեք ձեր սկզբունքները, եղեք պատասխանատու ինքներդ ձեր, ձեր երկրի ու հանրության առաջ։ Հիշեք՝ աշխարհը, հայրենիքն առավել լավը դարձնելու առաքելությունը հենց ձերն է։

Շնորհավորել և շնորհակալություն եմ ուզում հայտնել նաև մեր ուսուցիչներին, ովքեր ձեզ փոխանցել են ոչ միայն գիտելիքներ, այլև սեր, հոգատարություն, մարդկային այլ արժեքներ։

Սիրելի շրջանավարտներ, կրկին շնորհավորում եմ ձեզ։ Թող ձեր ճանապարհը լինի խաղաղ, վստահ ու լի հաջողություններով։ Թող այս տարիների ընկերությունն ու հիշողությունները ձեզ միշտ ջերմություն տան, իսկ դպրոցից ստացած գիտելիքները՝ վստահություն ապագայի հանդեպ։

Բարի երթ ու նոր հաղթանակներ կյանքում»։