Աբովյանի էստրադային և ջազային արվեստի ստուդիա. Abovyan pop-jazz studio

պես, ֆիլհարմոնիկ գործունեություն իրականացնող, առանձին մշակութային կազմակերպություն: Ստուդիայի երգարվեստի, պարարվեստի, գործիքային արվեստի, գեղարվեստի և խոսակցական ժանրի բաժիններում գեղագիտական դաստիարակություն են ստանում Աբովյան քաղաքի, ինչպես նաև հարակից համայնքների, շնորհալի մանուկներ ու պատանիներ: Հիմնադրման օրվանից ցայսօր մեր սաները մասնակցում են քաղաքային տարբեր միջոցառումներին: Քաղաքապետարանի հետ համատեղ Աբովյան քաղաքում կազմակերպել ենք հանրապետական հինգ մրցույթ – փառատոն, մշակույթի երախտավորների մեծարման և հուշ – երեկոներ, բարեգործական և անվճար բազմաթիվ համերգներ զորամասերում, ծերանոցներում, մանկապարտեզներում,, ազատազրկման վայրերում, դպրոցներում և ազգաբնակչության համար: Ունեցել ենք համերգներ և առանձին կատարումներ հանրապետական նշանակության դահլիճներում (ֆիլհարմոնիկ մեծ ու փոքր համերգասրահներ, մարզահամերգային համալիր, մայր թատրոն): Ձայնագրել ու տեսագրել ենք հինգ ձայնասկավառակ և բազմաթիվ տեսաերիզներ:
Մեր սաների ելույթներից պարբերաբար ցուցադրվել են հանրապետական և տեղական տարբեր հեռուստաալիքներով: Ստուդիան արժանացել է ՀՀ պաշտպանության նախարարության 1-ին կարգի դիպլոմի, մշակույթի նախարարի պատվոգրի, Կոտայքի մարզպետի գովասանագրի, Աբովյան քաղաքի մշակութային կյանքում ունեցած ներդրման համար՝ քաղաքի 40, ապա 55-ամյակի ոսկե մեդալների: 2002թ.-ին Հայաստանի հանրային հեռուստաընկերության կազմակերպած երաժշտարվեստի փառատոնային նախագծում արժանացել ենք ոսկե շքանշանի և, ՀՀ մշակույթի ու պաշտպանության նախարարությունների հովանավորությամբ, տարբեր տարիներին անընդմեջ կազմակերպվել են ստուդիայի սաների բարեգործական համերգները Արցախում ու Ջավախքում:

Վերջին տասնհինգ տարիների ընթացքում ստուդիայի սաների ուժերով կազմակերպվել են .
• > հոբելյանական հուշ-երեկոն,
• > գրեկան-գեղարվեստական ցերեկույթը,
• > և > տոնական համերգները,
• > միջոցառումը,
• > ցեղասպանության անմեղ զոհերի 100-ամյա հիշատակի երեկոն,
• > Մեծ հայրենականի հաղթանակի 70-ամյակի համերգը,
• > ցուցահանդես - համերգը՝ նվիրված ՀՀ Տեղական ինքնակառավարման համակարգի կազմավորման 20-րդ և ՀՀ անկախության 25-րդ հոբելյաններին,
• > ՝ Հայ և ռուս ժողովուրդների Բարեկամության թանգարանի հիմնադրման 35-ամյա հոբելյանին ընդառաջ:

Վերջին տասը տարիների ընթացքում ստուդիայի երգեցիկ կազմը մեկ անգամ արժանացել է միջազգային մրցույթ-փառատոնի և երկու անգամ էլ անընդմեջ “Любимые песни России” հանրապետական մրցույթ-փառատոնի հաղթողի կոչման, մասնակցել է Թբիլիսիում և Բաթումիում կազմակերպվող հայկական մշակույթի օրերին, իսկ դհոլահարների կազմը՝ Քոբուլեթիում, մրցույթ-փառատոնի 1–ին կարգի դափնեկրի կոչման:
“Песни о России-2020” երաժշտական միջազգային մրցույթ. Աբովյանի էստրադային և ջազային արվեստի ստուդիայի երգեցիկ կազմը անվանակարգում 9 երկրների (Հայաստան, Ռուսաստան, Թունիս, Բելառուս, Պաղեստին, Ղազախստան, Կիպրոս, Եգիպտոս, Ավստրալիա) 56 հայտատու – մասնակիցներից ճանաչվել է հաղթող՝ 1-ին կարգի դիպլոմակիր: Աբովյանի էստրադային և ջազային արվեստի ստուդիան, թիմային պայքարում, ”Red Sea Star-2020, Egypt”, “Golden Century-2021, Dubai” և “Inspiration-2021, Egypt”, "Orange Kobuleti-2022" միջազգային մրցույթ-փառատոնների անվանակարգի գլխավոր մրցանակակիրն է:

Առաջիկայում կատարվելու են նոր ձայնագրություններ և տեսաերիզների նկարահանումներ մենակատարների մասնակցությամբ, կներկայացվի միջոցառումների շարք խորագրով, որտեղ ընդգրկված կլինեն ստուդիայի երգեցիկ, գործիքային, խոսակցական ժանրի և գեղարվեստի բաժնի սաները:
Գեղարվեստական ղեկավար, կոմպոզիտոր՝ Մամիկոն Բադալյան