Gjimnazi Isa Boletini Vore

11/09/2026

11/09/2026

📌Thirrja për trajnues për Programin “Pas Shkolle”, aplikimet janë të hapura deri më 10 shtator 👩‍🏫📚🧑‍💻

Në vitin e ri shkollor, Programi “Pas Shkolle” vjen me më shumë risi dhe mundësi për nxënësit tanë. Në 408 shkolla, pas përfundimit të orarit mësimor, fëmijët do të kenë mundësi të mësojnë, argëtohen dhe të zhvillojnë talentet e tyre përmes programeve: Bëjmë detyrat e shtëpisë - Muzikë - Teatër - Kërcim - Zeje - Arte pamore.

🔴Për ta ngritur në një tjetër nivel Programin “Pas Shkolle”, ftojmë të gjithë trajnuesit që përmbushin kriteret të aplikojnë dhe të bëhen pjesë e ekipit tonë të madh në shkolla me profesionistë të kualifikuar.

Me “Pas Shkolle” synojmë të krijojmë një hapësirë socializimi dhe zhvillimi, ku nxënësit jo vetëm marrin njohuri, zbulojnë talentet, zhvillojnë potencialin e tyre⏰️ por janë orë cilësore që i mbajmë larg ekraneve.

👉 Më shumë informacion për kriteret dhe mënyrën e aplikimit: https://arsimiparauniversitar.gov.al/hapen-aplikimet-per-kandidatet-per-trajnues-per-angazhim-ne-programin-pas-shkolle-per-vitin-shkollor-2026-2027/?fbclid=IwdGRjcAUOEPBjbGNrBQ4Q6nBkb2YBZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEezSvRgRE_XBPl3XU0oAcyP3Z9d9wjV8KwVy0Zf-rp9ps5dpTZurXww54KLwE_aem_zr4jwXKF1ZPaiekFLUelAA

11/09/2026

10/09/2026

Sot, në Gjimnazin “Isa Adem Boletini” në Vorë, u zhvillua një takim konsultativ në kuadër të projektit “Ndërtimi i aftësive, formësimi i së ardhmes – Në rrugën drejt integrimit në BE”, me fokus orientimin dhe këshillimin për karrierën e nxënësve.

Takimi mblodhi përfaqësues të UNICEF-it, Qendrës për Aftësi Konkurruese (CCS), drejtues dhe mësues të shkollës, si dhe ekspertë të fushës, për të diskutuar praktikat aktuale të orientimit në karrierë dhe nevojat konkrete të shkollave.

Gjatë diskutimit u trajtuan aftësitë dhe kapacitetet e stafit, nevojat për zhvillim profesional dhe trajnime, materialet dhe mjetet mbështetëse, bashkëpunimi me prindërit, punëdhënësit dhe aktorë të tjerë, si dhe përdorimi i kanaleve digjitale për informimin dhe orientimin e nxënësve.

Kontributet dhe përvojat e mësuesve janë një pjesë e rëndësishme e këtij procesi, me synimin që orientimi për karrierën të jetë sa më pranë nevojave, interesave dhe potencialit të çdo nxënësi.

Projekti financohet nga Bashkimi Evropian, nëpërmjet Instrumentit të Asistencës së Para-Anëtarësimit (IPA III), zbatohet nga UNICEF dhe Qendra për Aftësi Konkurruese (CCS), në bashkëpunim me Ministrinë e Arsimit dhe në partneritet me Drejtorinë e Përgjithshme të Financimeve dhe Kontraktimeve (CFCU).

Sepse orientimi i duhur sot i ndihmon të rinjtë të marrin vendime më të informuara për të ardhmen e tyre. 🌱

02/09/2026

31/08/2026

Në kuadër të nisjes së vitit shkollor 2026–2027, në Gjimnazin “Isa A. Boletini” u zhvillua mbledhja e parë e stafit, me pjesëmarrjen e drejtorisë së shkollës, mësuesve, psikologes dhe oficerit të sigurisë.

Në fokus të takimit ishte njohja, diskutimi dhe reflektimi mbi aktet e reja ligjore dhe nënligjore të Ministrisë së Arsimit, si dhe përditësimet që lidhen drejtpërdrejt me organizimin dhe mbarëvajtjen e procesit mësimor dhe edukativ gjatë këtij viti shkollor.

📌 Në mënyrë të veçantë, stafi u njoh dhe diskutoi Udhëzimin e Përbashkët nr. 15, datë 18.08.2026, “Për vitin shkollor 2026–2027 në sistemin arsimor parauniversitar”, i cili orienton institucionet arsimore për organizimin, realizimin, monitorimin dhe raportimin e veprimtarive institucionale gjatë gjithë vitit shkollor. Në këtë kuadër u trajtuan përgjegjësitë e stafit, organizimi dhe zhvillimi i procesit mësimor, regjistrimi i nxënësve, pajisja me tekste shkollore dhe çështje të tjera që lidhen me funksionimin e shkollës.

U trajtua gjithashtu Urdhri i Përbashkët nr. 110, datë 21.04.2026, “Për miratimin e strukturës së vitit shkollor 2026–2027 në sistemin arsimor parauniversitar”, duke u ndalur në kalendarin e vitit shkollor, fillimin dhe përfundimin e mësimit, periudhat e pushimeve dhe afatet e provimeve. Sipas këtij urdhri, për arsimin e mesëm të lartë, mësimi fillon më 14 shtator 2026 dhe përfundon më 18 qershor 2027, ndërsa për maturantët përfundon më 4 qershor 2027.

Një tjetër çështje e rëndësishme ishte Udhëzimi nr. 16, datë 27.08.2026, “Për disa ndryshime dhe shtesa në Udhëzimin nr. 14, datë 10.07.2023, ‘Për numrin e nxënësve për klasë dhe ngarkesën mësimore të punonjësve arsimorë në institucionet e arsimit parauniversitar’, i ndryshuar”. Stafi u njoh me ndryshimet që lidhen me numrin e nxënësve për klasë, ngarkesën mësimore dhe plotësimin e normës mësimore, përfshirë përcaktimet që prekin drejtuesit dhe kategori të ndryshme të mësuesve.

Në vijim u diskutua Urdhri nr. 436, datë 24.08.2026, për ndryshimet dhe shtesat në rregulloren e olimpiadave kombëtare në arsimin parauniversitar dhe pjesëmarrjen e nxënësve në olimpiadat ndërkombëtare. U evidentuan përditësimet që lidhen me organizimin e olimpiadave, lëndët përkatëse, procedurat e zhvillimit, publikimin e testeve dhe rezultateve, me synim nxitjen dhe mbështetjen e nxënësve me rezultate dhe prirje të veçanta.

Pjesë e diskutimeve ishte edhe Urdhri nr. 400, datë 31.07.2026, “Për miratimin e llojeve të programit ‘Pas Shkolle’, standardeve, kritereve, planit të veprimit për ofrimin e këtij programi, si dhe përcaktimin e institucioneve publike të arsimit parauniversitar për organizimin dhe zbatimin e programit ‘Pas Shkolle’”, duke u njohur me standardet, kriteret dhe mënyrën e organizimit të kësaj nisme.

Gjithashtu u njohën me tregues dhe rezultate të vitit shkollor 2025-2026 si pjesë e analizës vjetore, ku vlen të përmendet nota mesatare e nxënësve e cila ka ardh në rritje, rezultatet e nxënësve në Maturën Shtetërore.

Në përfundim, mbledhja shërbeu jo vetëm për njohjen me aktet dhe ndryshimet e reja, por edhe për unifikimin e punës së stafit dhe përcaktimin e prioriteteve të Gjimnazit “Isa A. Boletini” për vitin shkollor 2026–2027.

Bashkëpunimi ndërmjet drejtorisë, mësuesve, psikologes dhe oficerit të sigurisë mbetet një element thelbësor për garantimin e një procesi mësimor cilësor dhe të një mjedisi të sigurt, gjithëpërfshirës dhe mbështetës për çdo nxënës.

🏫 Gjimnazi “Isa A. Boletini” e nis vitin e ri shkollor me përgjegjësi, bashkëpunim dhe përkushtim, me synimin e përbashkët për arsim cilësor, mirëqenie dhe sukses për çdo nxënës.

31/08/2026

📢 Standardet Profesionale të Oficerëve të Sigurisë në Shkolla

📘 ASCAP ka hartuar “Standardet Profesionale të Oficerëve të Sigurisë në Shkolla”, një dokument që vendos një kuadër të unifikuar për rolin, kompetencat, përgjegjësitë dhe praktikën profesionale të oficerëve të sigurisë.

Në linkun bashkëlidhur gjeni dokumentin 👇:
https://www.ascap.edu.al/wp-content/uploads/2026/08/Standardet-profesionale-1.pdf

🎯 Në fokus të standardeve janë:

🛡️ Siguria dhe mbrojtja e nxënësve
🚫 Parandalimi i dhunës, bullizmit dhe dukurive negative
🚨 Menaxhimi i situatave problematike dhe emergjente
🤝 Bashkëpunimi institucional dhe ndërinstitucional
💬 Komunikimi dhe ndërveprimi me nxënësit
⚖️ Etika dhe integriteti profesional
📈 Zhvillimi dhe rritja e vazhdueshme profesionale
📋 Referimi dhe menaxhimi i rasteve

🏫🤝👨‍👩‍👧‍👦 Siguria në shkollë është përgjegjësi e përbashkët!

🌱 Me këto standarde synohet një praktikë më e unifikuar, më profesionale dhe më parandaluese, në funksion të krijimit të shkollave të sigurta, mbështetëse dhe gjithëpërfshirëse për çdo nxënës. 💙🛡️

#️⃣ SiguriaNëShkollë MbrojtjaENxënësve ArsimiParauniversitar