25/05/2015
MINI-PROJEKT
Të barabartë, por të ndryshëm
Përshkrim i shkurtër i projektit : konkurs vizatimi me fëmijët e kopshteve dhe nxënësit e shkollave 9-vjeçare, të mesme dhe shkollave speciale me temë : « Të barabartë, por të ndryshëm ». Vizatimet e përzgjedhura (10 vizatime) nga një komision i specializuar do të botohen në një manual të pedagogjisë së specializuar në ndihmë të profesionistëve (edukatorë, mësues, psikologë, punonjës socialë, terapistë,etj.) dhe prindërve të fëmijëve me aftësi të kufizuar. Një kopje e librit do ti jepet falas çdo shkolle pjesmarrëse në projekt për bibliotekën e shkollës.
Qëllimi : sensibilizimi i nxënësve të arsimit parashkollor, Ciklit Fillor dhe Ciklit të Mesëm të Ulët dhe të Lartë për njohjen dhe pranimin e bashkëmoshatarëve të tyre me aftësi të kufizuara.
Përfituesit : nxënësit e kopshteve dhe shkollave 9-vjeçare të rretheve Vlorë, Elbasan, Shkodër.
Organizator dhe financues : Shoqata AMEDA (Shoqatë Multidisiplinore për Fëmijët në Vështirësi në Shqipëri).
Kohëzgjatja : 1 mars - 31 maj 2015. Dorëzimi i vizatimeve nga data 6 prill deri më 10 prill 2015. Shpallja e nxënësve fitues dhe dorëzimi i çmimeve deri në fund të muajit maj 2015.
Buxheti : 100 000 lekë të reja. Cdo vizatim i përzgjedhur do të shpërblehet me 10 000 lekë të reja, shumë e cila do të jepet në formën e materialeve shkollore (libra, fletore, ngjyra, bojra, kolora, etj) për klasën e nxënësit fitues.
MENYRA E ORGANIZIMIT TE KONKURSIT
AMEDA, shoqatë që punon kryesisht në ndihmë të fëmijëve dhe adoleshentëve me aftësi të kufizuara, organizon një konkurs të madh vizatimi me fëmijët e kopshteve dhe nxënësit e shkollave 9-vjeçare.
Çdo klasë e nxënësit fitues (10 nxënës fitues) do të marrë materiale shkollore (libra, fletore, ngjyra, kolora, etj. ose materiale të tjera sipas këkesës së mësuesit) për të gjithë nxënësit e klasës me një vlerë 10 000 lekë të reja.
Atëhere, mos hezitoni filloni nga puna !
Ja se çfarë duhet të realizoni konkretisht :
Vizatime bardhë e zi (me laps, kolor të zi ose bojë kine të zezë, por jo me ngjyra!)
Në një fletë formati A4 (fletë e bardhë)
Mbrapa çdo vizatimi duhet të figurojë emri, mbiemri dhe mosha e nxënësit si dhe koordinatat e mësuesit (emri, mbiemri, qyteti ose fshati, emri i kopshtit ose i shkollës, numri i celularit) dhe tema e zgjedhur.
TEMA : Çfarë përfytyrimi keni ju për aftësitë e kufizuara të paraqitura më poshtë ? Shprehni idetë tuaja me anë të një vizatimi të një fëmije/adoleshenti që paraqet llojin e aftësisë së kufizuar që ju keni zgjedhur ose me anë të një objekti, një metafore që simbolizon këtë lloj aftësie të kufizuar. Çdo klasë/shkollë duhet të dorëzojë të paktën një vizatim për secilën nga 10 temat e mëposhtme :
1. Një fëmijë/adoleshent që paraqet një defiçencë intelektuale (vonesë mendore, dawn) ose një objekt që simbolizon këtë situatë.
2. Një fëmijë/adoleshent që paraqet një aftësi të kufizuar fizike (motore) ose një objekt që simbolizon këtë situatë.
3. Një fëmijë/adoleshent që paraqet një çrregullime të gjuhës dhe komunikimit (që ka vështirësi në të folur ose në të kuptuarin e gjuhës) ose një objekt që simbolizon këtë situatë.
4. Një fëmijë/adoleshent autik ose një objekt që simbolizon këtë situatë.
5. Një fëmijë/adoleshent shurdh-memec (që nuk dëgjon dhe nuk flet) ose një objekt që simbolizon këtë situatë.
6. Një fëmijë/adoleshent i verbër (që nuk shikon) ose një objekt që simbolizon këtë situatë.
7. Një fëmijë/adoleshent me çrregullime të sjelljes (agresiv, i dhunshëm) ose një objekt që simbolizon këtë situatë.
8. Një fëmijë/adoleshent me vështirësi në të nxënë (që ka vështirësi në lexim, shkrim, matematikë) ose një objekt që simbolizon këtë situatë.
9. Një fëmijë/adoleshent hiperaktiv dhe çrregullime të vëmendjes (që është shumë i lëvizshëm, që bën shumë gjëra njëherësh) ose një objekt që simbolizon këtë situatë.
10. Një fëmijë/adoleshent me një sëmundje kronike të rëndë (epilesi, diabet, astme,kancer) ose një objekt që simbolizon këtë situatë.
10 vizatimet më të mira të përzgjedhura do të përdoren si ilustrime për një manual të pedagogjisë së specializuar, në ndihmë të profesionistëve, studentëve të edukimit special dhe prindërve të fëmijëve me aftësi të kufizuara. Çdo shkollë që do të marrë pjesë në konkurs do të marrë falas një kopje të manualit për bibliotekën e shkollës.
Mësuesit mund të mbledhin të gjitha vizatimet e realizuara në klasë/shkollë (të paktën një vizatim për çdo temë) dhe ti dërgojnë me postë ose dorazi në adresën e mëposhtme nga data 6 prill deri më datën 10 prill 2015 :
Shoqata AMEDA
Viktor Lami
Qendra e Zhvillimit për PAK
Lagja : Pavarësia, Skelë
VlORE
Prindërit që dëshirojnë që fëmija i tyre të marrë pjesë në konkurs në mënyrë individuale, mund gjithashtu ti dërgojnë vizatimet e fëmijës së tyre (të paktën 3 vizatime mbi tema të ndryshme) në adresën e mësipërme nga data 6 prill deri në datën 10 prill 2015.
Fituesit do të njoftohen për rezultatet e konkursit deri në fund të muajit maj 2015.
Për AMEDA-n :
Anne Rodi Viktor Lami
[email protected] [email protected]
069 23 15 172
