SHkolla 9-vjecare "Musa Cakerri " VLORE

12/09/2026

Urime nxënësve të klasës së parë për këtë fillim të ri!
Urojmë që çdo ditë në shkollë të jetë një aventurë e bukur, plot dije, miqësi dhe buzëqeshje!
Faleminderit, mësuese Hatixhe, për këtë pritje kaq të bukur dhe të veçantë!

12/09/2026

Të dashur nxënës dhe të nderuar prindër, ditën e hënë Shkolla “Musa Çakërri” Vlorë hap dyert për një tjetër vit plot dije, ëndrra, mundësi dhe sfida të reja.
Le ta nisim këtë rrugëtim me besim, përkushtim, bashkëpunim dhe zemër të hapur. Të dashur nxënës, besoni te vetja, guxoni të ëndërroni dhe mos kini frikë të gaboni – çdo hap ju çon më pranë suksesit.
Prindër, faleminderit për besimin dhe bashkëpunimin tuaj. Së bashku ndërtojmë një shkollë ku dija, qytetaria dhe vlerat ecin krah për krah.
Qoftë një vit i mbarë, i suksesshëm dhe i bukur për të gjithë familjen e “Musa Çakërrit”!

23/04/2026

25/11/2025

Në Shkollën “Musa Çakërri”, nxënësit organizuan një aktivitet festiv dhe edukativ me rastin e 22 Nëntorit – Ditës së Alfabetit të Gjuhës Shqipe. Aktiviteti u zhvillua me pjesëmarrjen e nxënësve dhe mësuesve, të cilët shpalosën punime kreative, prezantime historike dhe recitime kushtuar gjuhës amtare.

Nxënësit sollën një rikthim të shkurtër historik mbi Kongresin e Manastirit, duke theksuar rëndësinë e bashkimit të alfabetit për identitetin dhe kulturën shqiptare. U prezantuan postera me shkronjat e alfabetit, fakte interesante, poezi dhe fragmente letrare, si dhe mesazhe sensibilizuese për ruajtjen e gjuhës shqipe.

25/11/2025

Në këtë video të realizuar nga Xhoelio Kekezi së bashku me prindin e tij, trajtohet një nga temat më të rëndësishme për nxënësit e sotëm: Bullizmi.
Përmes një bashkëbisedimi të sinqertë dhe shembujve nga jeta e përditshme, ata sjellin një mesazh të qartë kundër dhunës, talljes dhe paragjykimit.

Faleminderit!

20/11/2025

STOP BULLIZMIT.

20/11/2025

Në kuadër të Tetorit muajit të letërsisë, nxënësit e klasës së 6a zhvilluan një orë të bukur në bibliotekën e shkollës dhe në sallën e informatikës.
Faleminderit mesuese Rezarta Moni dhe fëmijëve për punën e bërë me përkushtim!