Shkolla"Ismail Qemali" Vlorë Faqja Zyrtare

17/09/2026

14/09/2026

Sot, korridoret e shkollës sonë u mbushën përsëri me zëra, buzëqeshje dhe hapa të vegjël që sjellin gjallëri e shpresë. Pas pushimeve të verës, shkolla mori frymë sërish, duke u gjallëruar nga gëzimi i nxënësve dhe përqafimet e mësueseve.🌸📚📝🎉
Emocionuese ishte pritja e nxënësve të klasës së parë, të cilët hodhën sot hapat e tyre në rrugëtimin shkollor. Me sy kureshtarë, duar të vogla dhe zemra plot ëndrra, ata sollën një bukuri të veçantë në oborrin dhe klasat tona. 🌼🎒
Çdo lule ishte një urim, çdo përshëndetje një mirëseardhje dhe çdo zë në korridor një dëshmi se një tjetër vit i bukur sapo ka nisur.🌸💐🌼🌹
Dhe ne jemi gati për një vit shkollor të mbushur me dije, miqësi, suksese dhe momente të paharrueshme!

13/09/2026

E nesërmja nuk do të jetë një e hënë e zakonshme 😍
Nesër, dyert e shkollës sonë do të hapen sërish për të mirëpritur zërat, buzëqeshjet, ëndrrat dhe energjinë e nxënësve tanë. 🎒📚❤️
Pas një vere të gjatë, korridoret do të gjallërohen sërish, klasat do të mbushen me jetë dhe shkolla do të marrë edhe një herë atë frymën e veçantë që vetëm fëmijët dinë t’ia japin. 🌱
🎓 Një vit i ri shkollor nuk është thjesht një fillim mësimesh.
Është një mundësi e re për të mësuar, për të zbuluar, për të provuar, për të gabuar e për të mësuar sërish, për të krijuar miqësi, për të besuar te vetja dhe për të hedhur hapa të rinj drejt së ardhmes.
Në ditën e parë, do të njohim njëri-tjetrin, do të flasim për rregullat dhe përgjegjësitë, për kujdesin ndaj vetes, shokut dhe mjedisit dhe për vlerat që na bëjnë një komunitet të fortë, sepse në “ Ismail Qemali”, ne besojmë se arsimi nuk matet vetëm me atë që mësojmë nga librat…
✨ Arsimi është edhe mënyra si sillemi, si bashkëpunojmë, si respektojmë, si ëndërrojmë dhe si bëhemi çdo ditë versioni më i mirë i vetes.
🌷Të dashur nxënës, ju kemi pritur!
Të hënën, sillni me vete buzëqeshjen, kureshtjen, energjinë dhe ëndrrat tuaja.
Pjesën tjetër do ta ndërtojmë së bashku. ❤️
🏫 Mirë se vini në shtëpinë tuaj të dijes!
📚Gëzuar fillimin e vitit të ri shkollor 2026–2027! ❤️

08/09/2026

08/09/2026

📌 NJOFTIM PËR PRINDËRIT
Të nderuar prindër,
Në bazë të nenit 47/1 të ligjit nr. 69/2012, “Për sistemin arsimor parauniversitar në Republikën e Shqipërisë”, i ndryshuar, si dhe të Vendimit nr. 627, datë 30.07.2026, të Këshillit të Ministrave, në institucionet arsimore parauniversitare publike do të zhvillohet Programi “Pas Shkolle”.
🌟 Çfarë synon Programi “Pas Shkolle”?
Programi zhvillohet jashtë orarit mësimor dhe synon:
📚 Përforcimin e të nxënit;
🤝 Zhvillimin e aftësive sociale;
🎨 Zhvillimin e aftësive kulturore dhe krijuese;
🏃 Zhvillimin e aftësive sportive.
Programi realizohet për nxënësit e regjistruar në institucionet arsimore parauniversitare publike.
📚 Në arsimin fillor, klasat I–V:
📝 “Bëjmë Detyrat e Shtëpisë” (BDSH)
🎨 “Klubet e Arteve dhe Zejeve” (KAZ)
⏰ Si do të zhvillohet?
📝 Bëjmë Detyrat e Shtëpisë (BDSH)
• 5 orë në javë – 1 orë në ditë, nga 60 minuta, për 5 ditë.
🎨 Klubet e Arteve dhe Zejeve (KAZ)
• 2 orë në javë – 1 orë në ditë, 2 herë në javë.
Klubet mund të përfshijnë:
🎵 Muzikë • 💃 Kërcim • 🎭 Teatër • 🖌️ Art pamor • 🧵 Zeje
👥 Organizimi i grupeve
Grupet krijohen me minimumi 20 dhe maksimumi 30 nxënës, në përputhje me përcaktimet përkatëse.
📌 TË RËNDËSISHME PËR PRINDËRIT
• Pjesëmarrja në program bëhet mbi bazën e aplikimit të prindit në SMIP.
• Nxënësi nuk vlerësohet me notë gjatë këtij programi.
• Gjatë vitit shkollor do të zhvillohen 2 aktivitete.
• Nxënësit duhet të frekuentojnë rregullisht programin.
• Frekuentimi i nxënësve dhe realizimi i veprimtarive regjistrohen në SMIP.
🌟 Një mundësi më shumë për fëmijët Tuaj☺️
Programi “Pas Shkolle” synon që koha pas mësimit të shndërrohet në një hapësirë ku nxënësit mësojnë, krijojnë, bashkëveprojnë, argëtohen dhe zhvillojnë talentet e tyre.
🤝 Bashkëpunimi shkollë–familje është çelësi isuksesi.🤗
Ju falënderojmë për bashkëpunimin dhe mbështetjen tuaj!

04/09/2026

🏫 Shkolla “Ismail Qemali” vijon të dëshmojë përkushtimin, talentin dhe angazhimin e nxënësve tanë në veprimtari kombëtare.

👏 Me shumë krenari përgëzojmë nxënëset tona Brisajda Salati dhe Lorena Thomaj, të cilat përfunduan me sukses Konkurset Kombëtare Digjitale:
💻 “Qëndro Aktiv” – Brisajda Salati, me më shumë se 90 pikë, zhvilluar më datë 24.07.2026.
🥗 “Ushqehu Shëndetshëm” – Lorena Thomaj, me më shumë se 90 pikë, zhvilluar më datë 10.07.2026.

01/09/2026

📚 Të dashur nxënës dhe prindër,

Ju njoftojmë se në kuadër të fillimit të vitit të ri shkollor, ka nisur procesi i shpërndarjes së librave për nxënësit.📖📗📚

📖 Njëkohësisht, ju bëjmë me dije se mësimi do të zhvillohet në orët e paradites, sipas orarit zyrtar, nga ora 08:00 deri në 13:10.

Ju urojmë të gjithëve një vit të ri shkollor të mbarë, të suksesshëm dhe plot arritje! 📚🎓✨

20/08/2026

📢 NJOFTIM I RËNDËSISHËM! 🎒📚

Shkolla “Ismail Qemali” njofton të gjithë prindërit se rihapen regjistrimet online në portalin e-Albania për vitin shkollor 2026–2027.

🎓 Klasa e parë.

📅 Aplikimet: 24 gusht – 7 shtator 2026

Të dashur prindër, ju lutemi të kryeni aplikimin brenda afatit të përcaktuar dhe të respektoni zonën përkatëse të regjistrimit.

💻 Regjistrimi kryhet online nëpërmjet portalit e-Albania.

Ju mirëpresim me kënaqësi në shkollën “Ismail Qemali”! 🏫💙

✨ Suksese në këtë fillim të ri shkollor!

25/07/2026

NJË KRENARI PËR VLORËN, DHE SHQIPËRINË🇦🇱🏆

Në një nga kompeticionet më prestigjioze ndërkombëtare të kërcimit, All Dancer Europe – Intercontinental Competition ku morën pjesë artistë që përfaqësonin
14 shtete nga e gjithë bota, Shqipëria u përfaqësua me dinjitet dhe krenari nga nxënësja jonë Reina.

Balerina e talentuar vlonjate 🧑‍🩰💃Reina Bollobani me koreografi te Lorena Hoxha ( Global Dance Academy) arriti të rrëmbejë Çmimin e Dytë në kategorinë Solo Contemporary Dance duke ngritur flamurin shqiptar në skenën ndërkombëtare dhe duke dëshmuar se talenti, puna dhe përkushtimi i të rinjve tanë meritojnë vlerësim në nivelet më të larta.

Ky sukses nuk është vetëm një fitore personale e Reinës, por një arritje që nderon qytetin e Vlorës, shkollën tonë dhe gjithë Shqipërinë. Ajo është një ambasadore e denjë e artit vlonjat dhe një frymëzim për çdo fëmijë e të ri që ndjek ëndrrat e tij.💃🧑‍🩰🎊🇦🇱🏆