Shkolla e Mesme Profesionale Kamëz

28/09/2026

Në kuadër të fillimit të vitit të ri shkollor 2026–2027, u zhvillua mbledhja me prindërit e nxënësve, me qëllim forcimin e bashkëpunimit prind–shkollë dhe krijimin e një klime sa më të mirë për mbarëvajtjen e procesit mësimor.

Gjatë takimit u diskutuan çështje të rëndësishme që lidhen me:

🔹 Zgjedhjen e Këshillit të Prindërve dhe rolin e tij në bashkëpunimin me shkollën;
🔹 Mbarëvajtjen e vitit shkollor 2026–2027 dhe përgjegjësitë e përbashkëta të shkollës dhe familjes;
🔹 Rregulloren e shkollës, me theks të veçantë te respektimi i rregullave të etikës, paraqitja e përshtatshme, veshja, respektimi i orarit dhe sjellja në mjediset e shkollës;
🔹 Frekuentimin dhe paraqitjen në kohë në procesin mësimor;
🔹 Përdorimin dhe kujdesin ndaj librave dhe mjeteve mësimore;
🔹 Aktmarrëveshjen prind–shkollë, si një angazhim i përbashkët për edukimin, mirëqenien dhe suksesin e nxënësve.

🤝 Bashkëpunimi i vazhdueshëm mes shkollës, prindërve dhe nxënësve mbetet një nga faktorët kryesorë për një vit shkollor të suksesshëm dhe për formimin e të rinjve me përgjegjësi, disiplinë dhe vlera.

🏫 Shkolla e Mesme Profesionale Kamëz
Së bashku për një shkollë më të mirë!

22/09/2026

18/09/2026

📌 Rëndësia e mbështetjes dhe gjithëpërfshirjes së nxënësve me aftësi të kufizuara në shkollë

Në kuadër të punës për garantimin e një mjedisi arsimor gjithëpërfshirës dhe mbështetës, sot u zhvillua një takim pune me pjesëmarrjen e Drejtorisë së Shkollës, Shërbimit Psiko-Social, Zv.drejtorisë dhe mësueseve mbështetëse, me fokus mbështetjen dhe gjithëpërfshirjen e nxënësve me aftësi të kufizuara.

Gjatë takimit u diskutua mbi nevojat individuale të nxënësve me AK, format e mbështetjes dhe përshtatjes së procesit arsimor, si dhe mbi mënyrat e bashkëpunimit dhe koordinimit ndërmjet profesionistëve të përfshirë në mbështetjen e tyre.

U theksua rëndësia e një qasjeje të individualizuar, të koordinuar dhe të bazuar në nevojat dhe potencialet e çdo nxënësi, me synim rritjen e pjesëmarrjes, zhvillimit dhe përfshirjes së tyre në jetën shkollore.

🤝 Gjithëpërfshirja ndërtohet përmes bashkëpunimit, mbështetjes profesionale dhe krijimit të mundësive të barabarta për çdo nxënës.

14/09/2026

Urime për fillimin e vitit të ri shkollor!

Një urim i veçantë për nxënësit e viteve të para të Shkollës Profesionale të Kamzës. Ju urojmë një vit të suksesshëm, plot dije, përkushtim dhe arritje në rrugëtimin tuaj të ri profesional.

Suksese dhe mbarësi!

08/09/2026

👨‍🍳 Një praktikë në profesion!

Nga bankat e Shkollës Profesionale Kamëz te kuzhina e një biznesi partner.

Erik Shameti, nxënës në profilin Hoteleri-Turizëm, nisi praktikën profesionale një vit më parë. Pas vetëm dy muajsh praktikë, talenti, përkushtimi dhe puna e tij u shpërblyen me një vend pune në të njëjtin biznes.

Sot, Eriku punon si kuzhinier dhe e bën këtë me pasion e kënaqësi. 👨‍🍳

Sepse arsimi profesional nuk të përgatit vetëm për një profesion të hap rrugën drejt një karriere!