Universiteti i Arteve, Tirane

Fakulteti i Artit Skenik dhe Universiteti i Arteve ka humbur sot një nga Profesorët më të shquar të jetës akademike, pedagogjike e artistike Prof. Dr. Qirjako Meniko.

Profesori lindi në Himarë më 15 korrik 1945. Përfundoi studimet e larta për pikturë në ILA në vitin 1970. Në fillimet e tij është redaktor për artet figurative në gazetën Drita.

Në vitin 1973, punoi në Galerinë Kombëtare të Arteve, në sektorin e studimeve historike dhe teorike. Në 1975 është pedagog i Historisë së Arteve Figurative pranë Katedrës së Lëndëve Teorike në ILA, duke mbuluar këtë lëndë në Degën e Artit Figurativ.

Më pas gjatë viteve 1992-1994 mori drejtimin e Galerisë Kombëtare të Arteve. Në mesin e viteve 90’ vazhdon si pedagog për dhënien e lëndës Histori Arti Figurativ si dhe lëndës Pikturë pranë Katedrës së Skenografi- Kostumografi në Fakultetin e Artit Skenik.

Ka krijuar tekstin bazë të historisë së arteve figurative botërore në ILA, si dhe mjaft shkrime kritike për artet figurative. Ka përgatitur shumë tekste mësimore të historisë së artit, për shkollat profesionale artistike si edhe për studentët e katedrave të arteve monumentale dhe të aplikuara.

Ka krijuar shumë vepra në pikturë, të ekspozuara në GKA, si dhe jashtë vendit.

Gjithashtu ka marrë pjesë në shumë ekspozita kombëtare dhe ndërkombëtare.

FAS dhe UART i shprehin ngushëllimet familjes dhe të afërmve.

Ceremonia mortore bëhet të shtunën më datë 08/08/2026 në orën 11:00, duke u nisur nga “PREMIUM” Funeral Home.

REGJISTROHU NË ATELIERIN E TEKSTILIT DHE MODËS

Zhvillo aftësitë e tua krijuese dhe profesionale në fushën e tekstilit dhe modës, përmes studimit, praktikës dhe eksperimentimit me materiale e teknika bashkëkohore.

Regjistrimet për konkursin e pranimit të ciklit të parë Bachelor fillojnë më 10 gusht pranë Sekretarisë së Fakultetit.

Afishohen listat e aplikantëve për konkurrim në programet e studimit të Fakulteteve të Universitetit të Arteve, për vitin akademik 2026-2027.

Ju ri-sjellim në vëmendje se regjistrimi i konkurrentëve për në konkurset e pranimit në programet e studimit të ciklit të parë Bachelor, në të gjitha Fakultetet e UART, bëhet pranë sekretarive mësimore duke nisur nga data 10 Gusht 2026, në orarin 08:00 - 16:00.

Lexo më shumë: https://www.uart.edu.al/index.php?id=1546