Universiteti i Arteve, Tirane

Konferenca e Dytë Ndërkombëtare mbi Artet dhe Edukimin ICAE 2026, e organizuar nga Universiteti i Arteve në Tiranë, u zhvillua më datat 11–12 qershor 2026, duke konfirmuar konsolidimin e saj si një platformë e rëndësishme akademike dhe artistike për shkëmbimin e njohurive, përvojave dhe praktikave bashkëkohore në fushën e arteve dhe edukimit.

Përgjatë dy ditëve të konferencës, u prezantuan rreth 95 punime shkencore nga rreth 105 pjesëmarrës, pedagogë, studiues, artistë dhe doktorantë nga Shqipëria, Kosova, Maqedonia e Veriut, Mali i zi, Italia dhe Greqia. Punimet u zhvilluan në sesione të dedikuara muzikës, trashëgimisë kulturore, edukimit, teatrit, aktrimit, koreografisë, arteve pamore dhe ndikimit të inteligjencës artificiale në art e kërkimin shkencor.

Konferenca kishte për qëllim promovimin e kërkimit shkencor dhe artistik, fuqizimin e bashkëpunimit ndërinstitucional dhe ndërkombëtar, si dhe nxitjen e dialogut ndërdisiplinor mbi sfidat dhe zhvillimet bashkëkohore të arteve. Një vëmendje e veçantë iu kushtua procesit të krijimtarisë artistike, duke analizuar mënyrat se si artistët ndërtojnë konceptet, zhvillojnë gjuhën e tyre krijuese dhe ndërveprojnë me teknologjitë, kontekstet sociale dhe trashëgiminë kulturore në praktikat e tyre. Diskutimet evidentuan rëndësinë e kërkimit artistik si pjesë integrale e procesit krijues, si dhe rolin e eksperimentimit, reflektimit kritik dhe bashkëpunimit ndërdisiplinor në zhvillimin e veprave bashkëkohore.

Konkluzionet e sesioneve theksuan nevojën për një ndërveprim më të madh midis traditës dhe inovacionit, zgjerimin e përdorimit të teknologjive digjitale dhe inteligjencës artificiale në proceset krijuese dhe studimore, forcimin e kërkimit mbi trashëgiminë kulturore dhe zhvillimin e mëtejshëm të bashkëpunimeve akademike në nivel rajonal dhe ndërkombëtar.

ICAE 2026 dëshmoi se arti, edukimi dhe kërkimi shkencor përbëjnë dimensione të pandashme të zhvillimit kulturor bashkëkohor, duke forcuar rolin e Universitetit të Arteve si një qendër referimi për dialogun akademik dhe krijues në hapësirën shqiptare dhe më gjerë.

“Piano Pulse” koncerti i studentëve të Fakultetit të Muzikës, dega Piano, në drejtimin e pedagoges Prof. Asoc. Silvana Skenderi, ju mirëpret të Martën, datë 16 Qershor, ora 19.30, Holli i UART!

Neser, 15 Qershor, ora 19.00, salla “ Çesk Zadeja” studentët e Fakultetit të Muzikës, dega e Jazz, do të sjellin interpretimet e tyre më të bukura në këtë fundviti akademik. Mos e humbisni….!

Më 11 qershor 2026, në ambientet e Universitetit të Arteve u nënshkrua Memorandumi i Mirëkuptimit ndërmjet Universitetit të Arteve të Tiranës, Bashkisë së Corigliano-Rossano dhe Konservatorit të Muzikës “Stanislao Giacomantonio”.

Lexo më shumë: https://uart.edu.al/index.php?pg=faqe&id=1541

Stina Koncertore 2026 sjell në Fakultetin e Muzikës, Universiteti i Arteve koncertin “ nje mbremje me flaut”. Me solist flautistin Thimio Qirici,nën drejtimin e pedagoges Rozana Kuka dhe pianiste Silvana Skenderi ky koncert sjell një program te larmishëm nga vepra te repertorit boteror. Ju mirepresim të Premten, më 12 Qershor, ora 18.00, në Hollin e Universitetit të Arteve.

Axhenda e Konferencës së II-të Ndërkombëtare mbi Artin dhe Edukimin dhe Libri i Abstrakteve: https://www.uart.edu.al/index.php?id=1540

Agenda of the 2nd International Conference on Art and Education and Book of Abstracts: https://www.uart.edu.al/index.php?id=1540&lang=2

Fakulteti Muzikes në Stinën Koncertore 2026 vijon me një tjetër aktivitet, Edicionin e parë të festivalit “NextWave Tirana: Youth Beats” i cili do të organizohet në 4 netë në datat 9,15,16,17 Qershor në Hollin e Universitetit të Arteve. Festivali me Drejtore Festivali dhe Projekti Prof. Asoc. Dr. Armira Kapxhiu dhe Drejtore Artistike Prof. Asoc. Silvana Skënderi synon të sjellë në skenë talentet e reja të Fakultetit të Muzikës, Universiteti i Arteve, duke ofruar një seri koncertesh 4-ditore për publikun e gjerë të Tiranës. Aktivitetet përfshijnë performanca pianistike, muzikë dhome, jazz dhe koncert koral, nën drejtimin e pedagogëve të njohur si Vojsava Mane, Genti Rushi, Bujar Alliu dhe Silvana Skenderi. Studentët, tashmë në mbyllje të vitit akademik, do të kenë mundësinë të interpretojnë repertor të larmishëm dhe të demonstrojnë aftësitë e tyre para një audience të gjërë. Ju mirepresim nesër, më 9 Qershor, ora 19.00, Holli i UART. Hyrja e lirë!

Fakulteti Muzikes në Stinën Koncertore 2026 vijon me një tjetër aktivitet, Edicionin e parë të festivalit “NextWave Tirana: Youth Beats” i cili do të organizohet në 4 netë në datat 9,15,16,17 Qershor në Hollin e Universitetit të Arteve. Festivali me Drejtore Festivali dhe Projekti Prof. Asoc. Dr. Armira Kapxhiu dhe Drejtore Artistike Prof. Asoc. Silvana Skënderi synon të sjellë në skenë talentet e reja të Fakultetit të Muzikës, Universiteti i Arteve, duke ofruar një seri koncertesh 4-ditore për publikun e gjerë të Tiranës. Aktivitetet përfshijnë performanca pianistike, muzikë dhome, jazz dhe koncert koral, nën drejtimin e pedagogëve të njohur si Vojsava Mane, Genti Rushi, Bujar Alliu dhe Silvana Skenderi. Studentët, tashmë në mbyllje të vitit akademik, do të kenë mundësinë të interpretojnë repertor të larmishëm dhe të demonstrojnë aftësitë e tyre para një audience të gjërë. Ju mirepresim nesër, më 9 Qershor, ora 19.00, Holli i UART. Hyrja e lirë!