25/09/2026
Kur unë nisa rrugëtimin tim pranë UMT, doja të bëhesha gjithkush e të bëja gjithçka. Dhe të zgjedhurit njërin apo tjetrin profesion me dukej si gjëja më e padrejtë për të m’u kërkuar në ato momente.
Pesë vite fluturuan si pa kuptuar dhe, pastaj, m’u duk dhe njëherë sikur mund të kisha bërë diçka gabim diku. Sikur aq shumë gjëra sa kisha mësuar nuk do dija si t’i vija në punë. Profesorët e mi, të cilët i dua dhe me të cilët sot shoqërohem si mik dhe si koleg, më inkurajonin të merrja tashmë më shumë rreziqe.
FMD është rreziku më i lumtur që kam ndërmarrë ndonjëherë. Sot, si një mjek stomatolog i ri, ndiej se kam përpara një mundësi të vërtetë për të treguar se unë mund të bëj një ndryshim. Ndiej se dija ime dhe etja për të, nuk do të shuhen kurrë, dhe se atje jashtë ka kaq shumë gjëra për të provuar ende. Hap pas hapi, duke provuar e mësuar, mezi pres të shoh se ç’mund të arrij gjatë viteve që do të vijnë! Dhe gjithçka për mua filloi nga FMD.
Duke qenë se mirënjohja ime nuk mbaron këtu, më vjen mirë që sot kam mundësinë dhe të jem njëfarë udhëheqjeje për brezat që do të vijnë, duke përdorur dijet e mia në programim dhe biostatistikë për të ndihmuar studentët e Universitetit të Mjekësisë të shohin të marrin formë frytet e studimeve të tyre të para. Ndaj, unë që doja të bëhesha gjithkush, mund të bëhem shumë më shumë, duke nisur të bëhem ndryshimi i ditës së dikujt.
