A je ti një BLETËZ? Stafi
Mesueset e kopshtit tonë i karakterizon një dashuri e vertetë për punën dhe angazhim i plotë me fëmijët. Ato frymëzojnë tek fëmijët pasionin për të zbuluar, krijuar dhe për të qenë të dalluar. Kopshti është një lidhje shumë e rëndësishme midis shtëpisë dhe edukimit, ku zhvillohet një marrëdhënie pozitive fëmijë-prind-mësues. Programet tona janë planifikuar me kujdes duke u fokusuar në nevojat sociale, intelektuale, fizike dhe emocionale të secilit fëmijë. Të mësuarit social dhe nëpërmjet lojës janë komponentë të rëndësishëm të programit tonë. Stafi ynë është i përfshirë në zhvillimin profesional të vazhdueshëm përmes programeve dhe trajnimeve brenda dhe jashtë vendit. Programi
Programi i kopshtit tonë është i bazuar në kërkime, i testuar në terren, dhe i përshtatur me standardet më të mira bashkëkohore kombëtare dhe ndërkombëtare. Shkrim dhe Lexim
Fëmijët mësojnë të bëhen lexues të suksesshëm gjatë gjithë jetës duke eksploruar një ambient shkrim-leximi të pasur. Përmes shkëmbimeve dhe prezantimeve, fëmijët zhvillojne aftësitë e një komunikimi efektiv. Lojra edukuese
Lojrat për trurin janë mënyra më interesante për të shpjeguar informacionin e ri edukativ për fëmijët. Ne besojmë se loja është mënyra më e mirë për të mësuar. Përgatitja e një historie, punimi i një kukulle, kërcimi me litar ose loja “dyqanesh” janë të gjitha mundësi për fëmijët për të zbuluar realitete të reja, për të eksperimentuar, mësuar dhe zbatuar norma dhe parime. Ata argëtohen, ndërkohë që mësojnë nëpërmjet lojës. Zhvillimi Motorik
Fëmijët zhvillojnë aftësi te mira në koordinimin e lëvizjeve, orientimin në hapësirë dhe për të punuar në mënyrë të sigurtë dhe të pavarur. Art
Fëmijët zbulojnë aftësitë e tyre për të krijuar, performuar dhe për të ndërvepruar me artet pamore, muzikën etj. Shkencë
Fëmijët tek ne përdorin kureshtjen e tyre për të eksploruar botën nëpërmjet shkencës dhe lojrave. Ambient social
Nëpërmjet programeve tona fëmijët zhvillojnë aftësitë e duhura sociale në mënyrë që të njohin më mirë veten dhe të bashkvëprojnë më mirë me ambjentin që i rrethon. Vetë-ndërgjegjësimi, përgjegjësia personale, vetëkontrolli, njohja me të tjerët dhe ndërtimi i marrëdhënieve të shëndetshme me to, janë disa prej aftësive që fëmija i zhvillon në kopshtin tonë. Komunikim
Fëmijët zhvillojnë fjalorin duke e pasuruar atë, shprehen dhe bëhen dëgjues më të mirë në mjediset sociale dhe edukative. Matematika
Në fushën e zhvillimit matematikor, fëmijët aftësohen në kuptimin e numrave dhe veprimeve, gjeometrisë dhe hapësirës, modeleve, matjeve dhe strategjive per zgjidhjen e problemeve. Ambjentet
Ne jemi përpjekur të krijojmë kushte komode dhe ambient të sigurt, të ngrohtë dhe argëtues, në mënyrë që fëmija të ndihet si në familje. Mjetet didaktike gjithashtu janë të fjalës së fundit. Shërbime
Ushqimi
Menuja jonë është e pasur me vlera ushqimore bazuar në standartet dhe kërkesat e institucioneve përkatëse shqiptare. Ushqimi i gatuar me dashuri për fëmijët ndihmon për t’i bërë ata të fortë dhe të shëndetshëm dhe u jep atyre energji për tërë ditën. Specialistët tanë të kuzhinës janë përzgjedhur me kujdes për t’i shërbyer sa më mirë nevojave të fëmijëve të kësaj moshe. Kuzhina jonë e kompletuar me pajisje bashkëkohore mundëson ofrimin e një menuje të shijshme dhe të shumëllojshme. Përkujdesje shëndetsore
Ne u dhurojmë fëmijëve tuaj dashuri të sinqertë dhe kujdes njëlloj sikur të ishin fëmijët tanë. “Bletëzat” kanë bashkëpunim të vazhdueshëm me mjekë pediatër të licencuar të cilët përkujdesen për shëndetin e fëmijëve tuaj. Vendodhja e përshtatshme
Vendodhja e kopshtit tonë është shumë e përshtatshme dhe e aksesueshme nga çdo anë e qytetit. Ajo ndodhet vetëm 800 m nga qendra e Tiranës. Transporti
Për t’u lehtësuar prindërve transportin e fëmijëve ne e ofrojmë këtë shërbim kundrejt një pagese. Tek Bletëzat
• Fëmijët mësojnë vazhdimisht nëpërmjet lojës dhe aktiviteteve të tjera të drejtuara nga mësueset.
• Fëmijët respektohen duke përdorur një qasje miqësore dhe të personalizuar.
• Fëmijët pajisen me aftësi për të zbuluar, shqyrtuar, menduar, komunikuar dhe zgjidhur probleme.
• Stafi është i përzgjedhur me kujdes
• Sigurohet zhvillimi fizik përmes aktiviteteve dhe lojrave.
• Sigurohet një mjedis i sigurt dhe ushqim i shëndetshëm.
• Ofrohet vendodhje lehtësisht e aksesueshme
• Ofrohet infrastrukturë bashkëkohore
• Në shërbim të një marrëdhënjeje pozitive fëmijë-prind-mësues ne ofrojmë edhe kurse prindërimi
