Eja e studjo pranë emrave më të njohur të botës së modës. Albanian Design Academy është krijuar në vitin 1998. Në këtë shkollë ke mundësi të studiosh për stilist, modelist, prestar, rrobaqepës, pra të gjitha degët e përfshira në një program përfundimtar. Gjithashtu, një ndër programet tona më të reja është ai i Dizajnit Kompjuterik, për të cilin duhet fillimisht që ju të keni aftësi në rrobaqepësi. Në përfundim të këtij programi ju do të jeni profesionistë të kompletuar si nga ana e rrobaqepësisë, ashtu edhe nga ana e dizajnit dhe modelimit digjital. Pedagogët tanë janë profesionistë të lindur, të famshëm në Shqipëri e Europë, një ndër ta është Ardi Asllani e gjithashtu shumë të tjerë në lëndë si mercologjia, marketingu, historia e modës etj. Mësimi zhvillohet me disipline dhe një përkushtim të jashtëzakonshëm. Ambjentet janë të mëdha, të kompletuara nga pajisje profesionale të cilat janë përshtatur për të gjithë studentët dhe përveç tarifës së programit, çdo shpenzim tjetër është i mbuluar nga ne. Nxënësit tek ne nuk marrin vetëm njohuri të përgjithshme por me ndihmën e profesorëve tanë, ata janë gati të dalin në tregun e modës. Pas kaq vitesh shkollë 80 % e të diplomuarve tanë sot kanë rrjetin e tyre të modës ku ata kanë shpalosur vlerat e tyre bashkë me eksperiencën dhe studimin e realizuar në Albanian Design Academy. Në përfundim të çdo programi, nxënësit zhvillojnë një sfilatë mode të përfaqësuar nga punët e tyre. Mënyra më e bukur për të mbyllur këtë eksperiencë e për të hapur dyert e së ardhmes.
