16/06/2026
Thyhet protokolli në Kupën e Botës për shkak të flamurit të Arabisë Saudite🇸🇦
Përkundër protokollit të zakonshëm para ndeshjeve të Kupës së Botës, ndeshja mes Arabisë Saudite dhe Uruguajit solli një moment të veçantë që ngjalli kureshtjen e tifozëve para fillimit të takimit.
Para se lojtarët të rreshtoheshin, flamuri saudit🇸🇦 u pa i mbajtur lart nga bartësit e flamujve, ndërsa mungoi skena e zakonshme ku flamuri shtrihet në fushë, siç ndodh me flamujt e tjerë kombëtarë.
Arsyeja lidhet me faktin se flamuri i Arabisë Saudite🇸🇦 përmban shehadetin: La ilahe il-lAll-llah Muhammedun ResulAll-llah, që përmban deklaratën islame të besimit, gjë që i jep atij një status të veçantë sa i përket mënyrës së trajtimit dhe respektimit të tij.
Për këtë arsye, FIFA vendosi që flamuri saudit të mbahej i ngritur dhe të mos vendosej në tokë gjatë ceremonisë para ndeshjes, në respekt të simbolikës fetare që përmban.
Eljasa Mahmudi