Instituti Harry Fultz

REGJISTRIMET PËR KLASËN E 10-TË KANË FILLUAR!🎓

Zgjidh drejtimin tënd:
📖 Gjimnaz i Përgjithshëm
💻 Elektronikë - IT
📈 Biznes
🔧 Automekanikë

Dokumentet e nevojshme:
• Certifikata e nxënësit
• 2 fotografi dokumenti
• Vërtetim vaksinash
• Dëftesa

📍Cdo ditë: 08:00 – 14:00, Zyra e Regjistrimeve

📞 Na kontaktoni: 069 602 2008
📍 Rr. Asim Vokshi, Tiranë

E ardhmja jote fillon këtu.

-
-
-
-
-
-
-

☀️ Dita e parë e Kampit Veror!

Plot energji, kreativitet dhe argëtim me lojëra logjike, arts & crafts dhe aktivitete sportive.

Një fillim i bukur për një verë plot aventura!

🏆 Një vit shkollor plot arritje – Klubet e Nxënësve

Rreth 300 certifikata u ndanë për nxënësit dhe mësuesit që u angazhuan në aktivitetet dhe klubet e shkollës gjatë këtij viti.

🔬 Festivali i Shkencave – Edicioni i Parë

Shkolla jonë u shpall fituese e rrethit të Tiranës me projektin MATV, të realizuar nga nxënësit e vitit të tretë:
Endri Egra, Oresti Zhilli, Matias Adami, Endi Gjyli dhe Nicolas Mata.

🤖 Klubi i Robotikës & Panairi i Robotikës
Fitues të Panairit të Robotikës 2026 u shpallën nxënësit e klasës 3-5, duke dëshmuar aftësi të shkëlqyera teknike, kreativitet dhe punë në ekip.

⚡ Klubi i Elektronikës
🎬 Klubi i Multimedias
🔐 Klubi i Cybersecurity

Këto klube kanë qenë një pjesë e rëndësishme e aktiviteteve të shkollës, duke kontribuar në zhvillimin e aftësive teknike, realizimin e projekteve inovative, dokumentimin dhe promovimin e aktiviteteve, si dhe në krijimin e një kulture bashkëpunimi dhe ekselence profesionale.

Falënderime të veçanta për të gjithë nxënësit, mësuesit dhe mentorët që me përkushtim, kreativitet dhe pasion bënë të mundur këto arritje.

-
-
-
-
-

Gjithmonë me ne, Brikena!

Me hidhërim të thellë njoftojmë ndarjen nga jeta të Drejtores së Shkollës sonë, Brikena Baxhaku.

Prej shumë vitesh, znj. Baxhaku i shërbeu me përkushtim, profesionalizëm dhe përgjegjësi institucionit tonë, duke dhënë një kontribut të çmuar në edukimin e brezave të tërë dhe në zhvillimin e shkollës sonë.

Ajo do të kujtohet me respekt dhe mirënjohje për punën e palodhur, integritetin dhe vlerat njerëzore që përcolli gjatë gjithë veprimtarisë së saj profesionale.

Stafi, nxënësit dhe komuniteti i Institutit “Harry Fultz” shprehin ngushëllimet më të sinqerta familjes, të afërmve dhe të gjithë atyre që punuan pranë saj.

Kujtimi dhe kontributi i saj do të mbeten përherë pjesë e historisë së institucionit tonë.

Qoftë i përjetshëm kujtimi i saj.

Sukses në Workshop-in e Etikës në AI me AADF!

Përfundoi me shumë sukses takimi mbi përdorimin etik të Inteligjencës Artificiale me nxënësit dhe mësuesit mbikëqyrës të AI4Youth.

Së bashku me eksperten Alba Brojka, diskutuam mbi privatësinë, drejtësinë dhe rëndësinë e kontrollit njerëzor mbi teknologjinë.

Hapi i radhës? Shkolla jonë do të punojë për të krijuar kodin zyrtar të sjelljes për përdorimin e AI në ambientet tona.
Faleminderit mësuesve dhe nxënësve për diskutimet frymëzuese!

Certifikimi i Anëtarëve të Klubit të Ekologjisë 🌿🌍♻️

Certifikuam nxënësit e Klubit të Ekologjisë, të cilët me përkushtim dhe pasion kurorëzuan me sukses të gjitha aktivitetet e vitit akademik.

Faleminderit për energjinë, idetë dhe kontributin tuaj në mbrojtjen e mjedisit!

-
-
-
-
-
-

1 m