Gjimnazi "Myslym Shima"

28/09/2026

📌 Analiza vjetore

Sot, në Gjimnazin “Myslym Shima”, u zhvillua analiza vjetore e punës së shkollës, ku u evidentuan arritjet, sfidat dhe rezultatet e vitit të kaluar, si dhe u përcaktuan prioritetet dhe objektivat për vitin e ri shkollor.

25/09/2026

🌍📚 Dita Evropiane e Gjuhëve

Sot, nxënësit e shkollës zhvilluan një aktivitet kushtuar Ditës Evropiane të Gjuhëve, ku sollën në vëmendje pasurinë dhe diversitetin e gjuhëve evropiane, si dhe rëndësinë dhe rolin e tyre në shoqëri.

🗣️🇪🇺 Përmes këtij aktiviteti, nxënësit përcollën mesazhin se gjuhët na bashkojnë, na afrojnë me kulturat dhe na hapin dyer drejt botës.

25/09/2026

Mbledhje me senatorët e rinj të shkollës

Drejtoria e shkollës zhvilloi një takim me senatorët e rinj, ku nxënësit ndanë ide, mendime dhe propozime për jetën shkollore.

Gjatë takimit u përcaktuan detyra dhe u diskutuan aktivitetet ndërgjegjësuese që do të zhvillohen përgjatë vitit shkollor, me synim rritjen e përfshirjes, bashkëpunimit dhe zërit të nxënësve në shkollë.

25/09/2026

Lëvizje për zhvillim dhe veprim! 🏃‍♀️🏃‍♂️

Në kuadër të Ditëve Evropiane të Sportit, klasat tona vazhdojnë të prezantojnë numrat e tyre sportivë, duke sjellë energji, bashkëpunim dhe frymë sportive në shkollë! ⚽🏐🏃‍♀️

24/09/2026

🏐 Në kuadër të Javës Europiane të Sportit, sot klasat e XI-ta zhvilluan një ndeshje volejbolli, duke sjellë energji, bashkëpunim dhe sportivitet! 👏🏐

23/09/2026

💙 Së bashku për fëmijët tanë!

Sot, në Gjimnazin “Myslym Shima”, zhvilluam takimet me prindërit në një atmosferë të ngrohtë, miqësore dhe bashkëpunuese.

Na gëzoi pjesëmarrja dhe gatishmëria e prindërve për të ndarë mendime, këshilla, sugjerime dhe edhe kritika, sepse dialogu i hapur na ndihmon të bëjmë më mirë.

🤝 Bashkëpunimi shkollë–familje është një forcë e madhe në rrugëtimin e çdo nxënësi.

Faleminderit prindërve tanë për besimin dhe bashkëpunimin! 🌷

23/09/2026