Gjatë këtyre viteve jemi të pranishëm në bibliotekat e të gjithë miqve të librit, në duart e fëmijëve kureshtare dhe të atyre që vlerësojnë botimet cilësore për tu informuar dhe frymëzuar! Puna jonë zuri fill në vitin 1995 me prodhimin e kartolinave dhe kalendarëve me pamje nga vendet turistike të Shqipërisë, si edhe me botimin e librave për fëmijë. Përvoja, dëshira dhe intuita na dhanë dorë të njihnim më mirë dhe të përzgjidhnim atë çka na duhej neve dhe lexuesit. Pra, nisëm botimin e enciklopedive të përditësuara me informacionet me bashkëkohore dhe të ilustruara bukur duke e bërë edukimin e fëmijëve një proces argëtues dhe zbavitës. Pas 28 vitesh eksperiencë në botën magjike të librit, sot, Aeditions boton libra për të gjitha grupmoshat! Tanimë jemi, pa dyshim, më të mirët! Sekreti i suksesit tonë është, pasioni dhe dashuria. Ta duash diçka me pasion, do të thotë ta bësh atë të përsosur. Ne bashkëpujmë me shtëpitë botuese më të njohura në Itali, Francë, Gjermani, Amerikë e veçanërisht me DK-në elitare britanike, që është për ne një model i shkëlqyer. Ky bashkëpunim na jep dorë në përzgjedhjen e botimeve më të sukseshme sot në botë. Shpesh e nisim procesin e botimit në shqip, në të njëjtën kohë me përgatitjen e librit në gjuhën origjinale dhe ndjekim hap pas hapi çdo hallkë në procesin e botimit të një libri, sipas standardeve perëndimore. Sot, botimet tona përfshijnë të gjitha grupmoshat. Përveç enciklopedive dhe botimeve të disiplinave të ndryshme, kemi nisur të zgjerojmë edhe gamën e librit artistik. Duke ndjekur këtë filozofi, Aeditions është gjithmonë pranë atyre që kërkojnë më të mirën, pranë atyre që besojnë në vlerat e vërteta dhe që mendojnë se dija transformon botën duke e bërë atë më të bukur. Ne ofrojmë cilësinë që lexuesi meriton! Botimet tona bëjnë diferencën në botën e librit! Kështu, ne jemi gjithmonë një hap para të tjerëve, synojmë majën dhe mbetemi atje.
