Albania Guitar Festival

10 vite pasion. 10 vite muzikë. 10 vite Albania International Guitar Festival. ❤️🎸

Një tjetër edicion i jashtëzakonshëm përfundoi me sukses, duke shënuar jubileun e 10-të të Albania International Guitar Festival. Për një muaj, Shqipëria u kthye në shtëpinë e kitarës, me më shumë se 10 koncerte, masterklase, workshope dhe aktivitete artistike që bashkuan muzikantë, studentë dhe dashamirës të muzikës nga e gjithë bota.

Në këtë edicion patëm nderin të mirëprisnim artistë të shquar ndërkombëtarë nga Italia, Spanja, Austria, Suedia, Franca, Turqia, Shqipëria dhe Kosova, të cilët performuan në Tiranë, Durrës, Korçë dhe Rubik.

Një falënderim i veçantë shkon për artistët tanë të mrekullueshëm:
Goran Krivokapić, Aysgul Koca, Venera Merstallinger, Julian Richer, Erkan Morina, Emmanuel Kassimo, Xhoni Xhavari, Nicola Montella, Aniello Desiderio, Paola Requena dhe Isabel Martínez, të cilët ndanë talentin, përvojën dhe pasionin e tyre me publikun shqiptar.

Ky festival nuk do të ishte i mundur pa mbështetjen e partnerëve dhe miqve tanë. Falënderojmë me mirënjohje:
🇩🇪 Ambasadën Gjermane 🇪🇸 Ambasadën e Spanjës 🇸🇪 Ambasadën e Suedisë 🇦🇹 Ambasadën e Austrisë 🇮🇹 Institutin Italian të Kulturës
🇹🇷 Institutin Yunus Emre në Tiranë

Një falënderim i veçantë për Ministrinë e Turizmit, Kulturës dhe Sportit, Bashkinë e Tiranës, Akademine e Shencave, SIGMA Vienna Insurance Group, rrjetin e restoranteve ERA, Stela Souvenir dhe luthierin Sergei Rusakov, për besimin dhe mbështetjen e vazhdueshme.

Një falenderim për të gjitha mediat që pasqyruan festivalin e kitares: Tvklan Top Channel

Gazetaret ,

Mbi të gjitha, Faleminderit publikut tonë të jashtëzakonshëm! Ju që për 10 vite keni qenë zemra e këtij festivali, duke mbushur sallat, duke duartrokitur artistët dhe duke ndarë me ne dashurinë për instrumentin më të bukur, kitarën. Besimi dhe mbështetja juaj janë forca që na shtyn të vazhdojmë çdo vit.

10 vite pasion nuk janë vetëm një përvjetor. Janë një histori e ndërtuar me përkushtim, miqësi, bashkëpunim dhe dashuri për muzikën.

❤️ Faleminderit të gjithëve që u bëtë pjesë e këtij rrugëtimi.

🎸 Shihemi në edicionin XI të Albania International Guitar Festival, në vitin 2027!

🎸 Capreolus Duo - Linz vjen në Tiranë!

Në kuadër të Albania International Guitar Festival, kemi kënaqësinë të mirëpresim Capreolus Duo, të formuar nga dy kitaristët austriakë Verena Merstallinger dhe Julian Richter.

Të bashkuar nga dëshira për të eksploruar pasurinë muzikore të dy kitarave, Capreolus Duo sjell një interpretim virtuoz, të ndjeshëm dhe plot ngjyra, duke e kthyer çdo koncert në një përvojë të veçantë për publikun. Repertori i tyre përfshin muzikë klasike, ritme braziliane dhe vepra bashkëkohore, me një vëmendje të veçantë edhe ndaj krijimtarisë së kompozitoreve gra.

📍 Salla “Aleks Buda”, Akademia e Shkencave e Shqipërisë

📅 4 qershor 2026

🕢 Ora 19:30

Në program do të interpretohen vepra nga:
J. K. Mertz, Olga Amelkina-Vera, Antoine de Lhoyer, Violeta Dinescu dhe Radamés Gnattali.

Ky koncert organizohet në partneritet me Österreichische Botschaft Tirana/Ambasada Austriake Tiranë, me mbështetjen e Ministria e Turizmit, Kulturës dhe Sportit, Bashkisë Tiranë, Komisionit të Përhershëm të Arteve pranë Akademisë së Shkencave, SIGMA Vienna Insurance Group, ERA Restaurant dhe Stela Souvenir.

Masterklaset me artistet e ftuar janë një pjesë e rëndësishme e Albania International Guitar Festival. Artistja Aysegyl Koca ne date 24 dhe 26 Maj dhe disa leksione falas për të rinjtë e talentuar që studiojnë kitaren klasike.

Të gjithë të interesuarit për të marrë pjesë në Masterklase, mund të na kontaktojnë në emailin : [email protected]
ose të na shkruajnë në rrjetet tona sociale.

Pjesëmarrja është pa pagesë.

🎸 Disa momente nga koncerti i dytë i Albania International Guitar Festival

Artistja e mirënjohur nga Turqia, Ayşegül Koca, mbajti një recital të jashtëzakonshëm në Sallën “Avni Mula” në Tiranë, duke dhuruar për publikun një mbrëmje të paharrueshme me një repertor virtuoz, plot elegancë, ndjeshmëri dhe mjeshtëri interpretative.

Ky koncert u realizua në partneritet me Institutin Yunus Emre në Tiranë, me mbështetjen e Bashkisë Tiranë, Ministrisë së Turizmit, Kulturës dhe Sporteve, SIGMA Vienna Insurance Group, rrjetit të restoranteve ERA dhe *tela Souvenir.

Falënderime të përzemërta për të gjithë partnerët, mbështetësit dhe publikun që u bë pjesë e kësaj mbrëmjeje të veçantë muzikore. 🎶

Foto nga Masterklasi organizuar me kitaristen e famshme Aysegu Koca. Ky aktivitet u organizua me mbeshtetjen e Institutit Yunus Emre ne Tirane.

Just started the MasterClass series with Ayşegül Koca 🇦🇱🇹🇷

🎸 Aniello Desiderio pë herë të parë në Tiranë! 🇮🇹

Një nga emrat më të mëdhenj të kitarës klasike botërore, kitaristi italian Aniello Desiderio, vjen në skenën e Albania International Guitar Festival për një koncert të veçantë në Tiranë.

I cilësuar nga kritika ndërkombëtare si “il Fenomeno”, Desiderio ka spikatur që në moshën 8-vjeçare si një talent i jashtëzakonshëm. Ai është fitues i 18 çmimeve të para ndërkombëtare, ndër të cilat konkurset prestigjioze në Havana, Benicasim dhe Madrid.

Gjatë karrierës së tij, Aniello Desiderio ka performuar në disa nga sallat më të rëndësishme të botës, si Carnegie Hall, Tchaikovsky Concert Hall, Palau de la Música, Mozarteum, Berlin Philharmonie dhe Concertgebouw Amsterdam, duke bashkëpunuar me orkestra dhe artistë të njohur ndërkombëtarë.

📅 18 qershor 2026
🕢 Ora 19:30
📍 Salla “Tonin Harapi”, Tiranë

Ky koncert organizohet në partneritet me Ambasadën e Italisë në Shqipëri dhe Institutin Italian të Kulturës, me mbështetjen e Ministrisë së Turizmit, Kulturës dhe Sporteve, Bashkisë Tiranë, SIGMA Vienna Insurance Group, ERA Restaurant dhe Souvenir Stela.

Mos e humbisni! 🎶

🎸 Nicola Montella | Albania International Guitar Festival 2026

Në kuadër të edicionit të 10-të të Albania International Guitar Festival, publiku i Korçës do të ketë mundësinë të ndjekë koncertin e kitaristit të njohur italian Nicola Montella.

📅 14 qershor 2026
🕘 Ora 21:00
📍 Teatri “A. Z. Çajupi”, Korçë

Nicola Montella është një nga kitaristët italianë më të vlerësuar të brezit të tij. I lindur në vitin 1987, ai ka nisur studimet për kitarë klasike që në moshën 8-vjeçare dhe është formuar pranë disa prej institucioneve më të rëndësishme muzikore në Itali dhe Gjermani, përfshirë Konservatorin “Gesualdo da Venosa” në Potenza, Konservatorin “Domenico Cimarosa” në Avellino dhe International Academy of Music në Koblenz, ku ka studiuar me mjeshtrin Aniello Desiderio.

Me një aktivitet të pasur koncertor në Itali dhe në shumë skena ndërkombëtare, Montella ka performuar në festivale dhe salla prestigjioze në Spanjë, Rumani, Bullgari, Kinë, Belgjikë dhe Mbretërinë e Bashkuar. Ai ka interpretuar gjithashtu si solist me orkestra të njohura, ndër të cilat Pleven Philharmonia dhe London Symphony Orchestra.

Gjatë karrierës së tij, Nicola Montella është vlerësuar në më shumë se 30 festivale dhe konkurse ndërkombëtare të kitarës. Në vitin 2015, Komiteti Shkencor i International Guitar Congress në Alessandria i akordoi çmimin prestigjioz Golden Guitar, si një nga premtimet më të mira ndërkombëtare të kitarës.

Kritika ndërkombëtare e ka vlerësuar për mjeshtërinë teknike, ndjeshmërinë artistike, tingullin e pastër dhe aftësinë për t’i dhënë çdo vepre një karakter të veçantë interpretues.

Ky koncert organizohet në bashkëpunim me Gjon Mili Video Art Festival, me mbështetjen e Bashkisë Korçë.

Ju mirëpresim në një mbrëmje të veçantë muzikore në zemër të Korçës! 🎶

🎸 Njoftim i rëndësishëm | Albania International Guitar Festival – Edicioni i 10-të

Kitaristi i famshëm nga Gjermania, Goran Krivokapic do të hapë edicionin e 10 të Albania Guitar Festival me një performancë të jashtëzakonshme.
Koncerti i parashikuar i Amadeus Guitar Duo, për arsye emergjence, është anulluar.

📅 22 maj 2026
🕢 Ora 19:30
📍 Salla “Tonin Harapi", Tiranë

Goran Krivokapić është fitues i disa prej konkurseve më prestigjioze ndërkombëtare, përfshirë “Michele Pittaluga” në Alessandria, Itali, “Andrés Segovia” në La Herradura, Spanjë, Koblenz International Guitar Competition, si dhe Guitar Foundation of America – GFA.
Si interpretues, ai është i ftuar rregullisht në festivale të rëndësishme ndërkombëtare si Festspiele Mecklenburg-Vorpommern, Festival Internacional de Música y Danza de Granada, Kotor Art, Koblenz International Guitar Festival, Forum Gitarre Wien, Iserlohn International Guitar Festival, GFA International Guitar Convention, Guitar Art Festival, Shenyang Guitar Festival dhe shumë të tjera.
Pas një karriere të pasur pedagogjike në institucione të rëndësishme evropiane, ai aktualisht jep mësim në Detmold University of Music dhe është profesor i kitarës në The Cologne University of Music and Dance në Gjermani.
Ky koncert hap zyrtarisht edicionin jubilar të 10-të të festivalit dhe realizohet në partneritet me Ambasadën e Gjermanisë në Shqipëri, me mbështetjen e*Ministrisë së Turizmit, Kulturës dhe Sportit, Bashkisë Tiranë, SIGMA Vienna Insurance Group, ERA Restaurant dhe Stela Souvenir.

Ju mirëpresim! 🎶

🎸 Xhoni Xhavari në koncert – Albania International Guitar Festival 2026

Në kuadër të edicionit të 10-të të Albania International Guitar Festival, kitaristi shqiptar Xhoni Xhavari do të performojë më 13 qershor 2026, në një koncert të veçantë në Konkatedralen “Shën Lucia” në Durrës.

I konsideruar nga gazeta gjermane Neuß-Grevenbroicher, pjesë e Rheinische Post, si një nga yjet e ardhshëm botërorë nga Shqipëria, Xhoni Xhavari është një nga kitaristët e rinj më premtues të gjeneratës së tij. Ai është laureat i shumë konkurseve kombëtare dhe ndërkombëtare, fitues në nivelet rajonale, shtetërore dhe kombëtare të konkursit gjerman Jugend musiziert me pikët maksimale, si dhe fitues çmimesh në konkurse të rëndësishme në Gjermani, Spanjë dhe Shqipëri.

Xhoni ka performuar në festivale dhe skena të njohura si International Guitar Festival Jüchen, Sythener Gitarrentage, Pianodrom Festival, Tonhalle Düsseldorf dhe Beethoven-Haus Bonn. .

Xhoni përfundoi studimet në Liceun Artistik “Jordan Misja” dhe aktualisht ndjek studimet bachelor në Robert Schumann Hochschule Düsseldorf, në klasën e kitaristit të njohur kuban Prof. Joaquín Clerch, një nga klasat më prestigjioze të kitarës klasike në botë.

📅 13 qershor 2026 - 19:30
📍 Konkatedralja “Shën Lucia”, Durrës

Ky koncert organizohet me mbështetjen e Ministrisë së Turizmit, Kulturës dhe Sporteve, SIGMA Vienna Insurance Group, rrjetit të restoranteve ERA, Stela Souvenir, si dhe luthierit Sergey Rusakov.

Mirë se vini në një mbrëmje të veçantë kushtuar kitarës klasike dhe një prej talenteve më të spikatura shqiptare të brezit të ri! 🎶