Instituti i Fizikes Berthamore te Zbatuar

19/06/2024

28/11/2023

IN MEMORIAM

Me keqardhje stafi i Institutit të Fizikës Bërthamore të Zbatuar mësoi ndarjen nga jeta të Dr. Petrit Spahiu.
Petriti me mbarimin e studimeve të larta në Fakultetin e Shkencave të Natyrës, Dega Kimi në vitin 1967 u punësua në Fabrikën e Qelqit në Kavajë dhe në moshën 25 vjecare u emërua Kryeinxhinier.
Më pas u transferua në Institutin e Fizikës Bërthamore në Tiranë ku dha kontributin e tij shkencor në Sektorin e Radiokimisë në fushën e Karbonit-14 dhe gjurmuesve radioaktivë. Gjatë periudhës të punës në Institut, ai fitoi gradën Kanditat i Shkencave në vitin 1983 dhe titullin Doktor i Shkencave në vitin 1994, në drejtimin Radiokimi. Petriti gjithashtu, ka qenë pedagog i lëndës së Kimisë, në Fakultetin e Shkencave të Natyrës në Tiranë.
Stafi i Institutit të Fizikës Bërthamore të Zbatuar i shpreh ngushëllimet më të sinqerta familjes, të afërmve, kolegëve dhe miqve të Petritit.

12/07/2023

IN MEMORIAM

Diten e shtune, me date 08.07.2023 u njoftuam per ndarjen nga jeta te mikut dhe kolegut tone te shkelqyer Engjell Gjylaci.

Ne vitin 1983, Engjelli filloi pune në Institutin e Fizikës Bërthamore, ne Departamentin e Radiometrisë, pikërisht ne Grupin e Spektroskopise Mossbauer dhe punoi aty deri sa doli ne pension ne vitin 2015.
Engjëlli bashke me prof. Fatos Yllin vune ne punë sistemin e Spektroskopise Mossbauer dhe punuan për instalimin e programeve te përpunimit te spektrave, duke i testuar çdo dite. Një nga sukseset e këtij mirëkuptimi dhe bashkëpunimi te gjate ishte studimi dhe eksperimentimi ne vazhdimësi, ku si rezultat i këmbënguljes, përgjegjësisë, punes se palodhur dhe profesionalizmit u arrit te përftohen spektra Mossbauer nga –215 C deri ne +1000 C. Studimet e ndërmarra lidheshin me fushën e mineralogjisë, metalurgjisë fizike, materialeve magnetike, trashëgimisë kulturore, bimëve hiper-akumulatore etj. Pas vitit 2010, kryen studime te tjera nëpërmjet përdorimit te Spektroskopise se rrezatimit infra te kuq (FTIR). Engjëlli ka marre pjese vazhdimisht ne te gjitha aktivitet shkencore te Institutit, te Shoqatës se Fizikes, Bashkimit Ballkanik te Fizikes, Institutit Alb-shkenca etj.
Engjëllin do ta kujtojmë gjithmone si nje profesionist te vertete, por dhe nje njeri te kujdesshëm, te qete dhe te dashur per te gjithe koleget e Institutit.

I shprehim ngushellimet e sinqerta familjes!
Stafi i Institutit te Fizikes Berthamore te Zbatuar