Si pjesë e "Time Media", kjo faqe ështe konceptuar si një komunitet virtual dhe media sociale në formën e një blogu elektronik, që do t'ju informojë me informacione të ndryshme rreth ngjarjeve që kanë lënë gjurmë në kohën në të cilën jetojmë dhe zhvillimit të procesit mësimor në Institucionin tonë.
- Në këtë media ju do të njiheni me rubrikat:
"Time to Learn" - në këtë rubrikë ju do të gjeni kuriozitete, fakte interesante, njohuri të përgjithshme nga fusha të ndryshme të dijes. "Welcome Time" - Në brendësi të saj kjo rubrikë do të përmbajë kuriozitete dhe fakte interesante rreth historikut të Institucionit Arsimor Profesional "Time Center". "Time Now"- Në këtë rubrikë do të gjeni ngjarjet me të fundit nga procesi mësimor, jeta studentore në "Time Center", njoftime dhe lajme nga ngjarjet e përditshme. Faqja do të jetë e konceptuar në formën e një enciklopedie elektronike ku ju gjithashtu do të gjeni një informacion të detajuar me imazhe vizuale, albume fotografike, video etj. Zonjë, Zonjushë, Zotëri,
Duke qenë pjesë e Institucionit Arsimor Profesional “Time Center” ju bëheni një nga kontribuesit më të vlefshëm dhe të rëndësishëm, drejt përmbushjes së synimit tonë në rrugën e besimit tek Dija dhe vlerat e saj. Institucioni Arsimor Profesional "Time Center" në të gjithë tërësinë e tij është konceptuar si një unitet i bashkuar njerëzish dhe kompaktësie që besojnë tek vizioni Europian i edukimit, shkollimit dhe kulturës vetjake. Ndaj detyra e gjithësecilit prej nesh është të kontribuojmë në çuarjen përpara të vizionit tonë, për të besuar në fuqinë e ndryshimit, edukuar qytetarin e nesërm dhe për të investuar sot për të. Ne ju ftojmë të na ndihmoni me këshillat, sygjerimet, idetë dhe opinionet tuaja mbi punën tonë. Ju mund të na shkruani në të gjitha kontaktet tona, duke u bërë kështu ndihmuesit tanë më të mirë, që me këshillat e juaja do të na mundësonit të arrijmë më pranë jush. Të jesh pjesë e një Institucioni do të thotë të kesh detyra dhe përgjegjësi, ndaj ne mendojmë se detyra parësore e gjithësecilit prej nesh është të zbatojmë e ndërtojmë sëbashku një “Kod Etike” në komunikimin tonë, për të forcuar kështu partneritetin dhe vendosur një komunikim të civilizuar midis pjesëtarëve të një Institucioni. Zonjë, Zonjushë, Zotëri, ju takon juve vetjakisht dhe të gjithëve ne sëbashku të ndërtojmë "Time Center", si një Institucion i së nesërmes.
