Stop Injorancës

Kisha kohë pa kaluar nga Elbasani. Kanë zhvendosur doganën e Kapshticës këtu në hyrje të Elbasanit?

Diçka që realisht më bëri përshtypje të mirë nga Ksamili, ishin lypsarët.
Nuk ishin rreckamanë si këta të Tiranës. Të gjithë me smartfona dhe me tatuazhe.

Nëse nuk e bëni dot Shqipërinë për shqiptarët, bëjeni për turistët se gjynah...

Aq afër janë çadrat me njëra-tjetrën sa më pranë kam komshijen e çadrës tjetër, se gruan.

Shkuam me pushime në fund të botës.
As që na e priste mendja të rastisnim pranë një familjeje shqiptare edhe këtu në Ksamil. Folëm, u çmallëm...

Gjithçka po i kërkoj fatit, është të më rrisë shanset, ashtu si qimet e veshëve. (S.I)

Sot i pashë protestuesit nga pranë dhe di të them që ti tallësh është e rrezikshme, por ti injorosh është edhe më e rrezikshme. Diçka e madhe pritet të ndodhë!

Do të vijë një moment kur Rama e Berisha të largohen nga politika. E ajo që do vëmë re të gjithë, është që Shqipëria nuk ka për të ndryshuar aspak. As edhe pak. Shqipëria do të ngelet njëlloj, se shqiptarët kanë qenë, janë dhe do ngelen po të njëjtë.

Deluzioni i suksesit të Revolucionit të Flamingove bazohet tek premisa shumë e gabuar se të këqijat shqiptarëve u vijnë nga Rama e Berisha. Këto dy figura kanë mëkatet e tyre, por fatkeqësia më e madhe e Shqipërisë nuk janë ata të dy.

Fatkeqësia e Shqipërisë është populli shqiptar, i cili sot e mot nuk ka kuptuar ose nuk do të kuptojë se shtetformimi dhe institucionformimi kërkon një kulturë komplet tjetër.

Institucionet dhe shteti ndërtohen nga qytetarët, dhe kur qytetarët kanë kulturën e ahengut, ryshfetit, fisnorizmit dhe familizmit si këtu tek ne, s’do mend që do qeverisesh nga Rama e Berisha.

Në protestat e këtyre ditëve, shumica e pjesëmarrjes janë idiotë të rëndomtë që nuk kuptojnë as nga shoqëria, as nga politika, as nga ndërlidhja midis të dyjave, dhe që nuk kanë as ABC-në e shtetformimit si individë.

Këtë idiotllëk e sheh pa fund nga qarjet nëpër mikrofona e rrjete sociale sesi, me demek, Rama e Berisha kanë përzënë popullin, në një kohë kur populli ka ikur me koshiencën e vet për arsye që janë të ndryshme për çdo person.

Kuptohet që, siç ka idiotë në këto protesta që janë thellësisht të indoktrinuar me mentalitetin shqiptaristo-fatalist të “politika ka në dorë fatin tim dhe unë s’kam asgjë në dorë”, ka dhe populistë ordinerë partish, OJF-sh e mediash që po e shfrytëzojnë në mënyrë të paskrupullt budallallëkun dhe padijen e popullit shqiptar për kapital politik e jo vetëm.

E mes kësaj padie dhe marrëzie kolektive, të një populli që s’diti kurrë të marrë përgjegjësi për veten dhe gabimet e veta, për mënyrën barbare sesi ka organizuar qytetet dhe shoqërinë, dhe për prangat mentale që i vë vetes e që janë të kalitura ndër breza, revolucionaristët, jakobinët dhe Robespierët kanë gjetur terren fertil për të kërkuar aq pushtet sa mund të merret.

Prandaj shikon kokrra injorantësh që u kërkojnë njerëzve “të çohen nga kafet”, siç do shikoni një terror të ngjashëm me atë të viteve 1992–1996, por kësaj radhe nga jakobinët e protestës së flamingove, në rast se Rama e Berisha bien.

Kjo sepse mllefi popullor i kombinuar me injorancë çon në dhunë dhe vetëm në dhunë. Dhunë si “Mbretërimi i Terrorit” pas Revolucionit Francez. Dhunë si ajo e pasçlirimit të Shqipërisë dhe ardhjes në pushtet të komunistëve. Dhunë si Terrori i Kuq në Rusinë post-bolshevike. Dhunë si Revolucioni Kulturor i Maos në Kinën komuniste.

Kështu që kur i dëgjoni maskarenjtë dhe idiotët të thonë: “Shqipëria e shqiptarëve, vdekje tradhtarëve”, kuptoni injorancën, mllefin dhe paditurinë, të gjitha të kombinuara në një.

Ky moment do vinte sepse, me gjithë mëkatet e klasës sonë politike, shoqëria shqiptare po korr çfarë ka mbjellë. Por duke qenë se është shoqëri e papërgjegjshme, e gjen fajin tjetërkund: tek klasa politike, tek oligarku, tek Kushneri, tek dreqi apo shejtani.

Lexoni “Plagët Tona” të Mid’hat Frashërit e ndoshta më jepni të drejtë. Di që momente të errëta na presin. Fatkeqësi për këtë vend dhe këtë popull, që këtë vend e ka bërë të pajetueshëm.

Revolucionet i shkatërrojnë kombet. Kjo na pret dhe ne fatkeqësisht. Prisni dhe pak, e ndoshta më jepni të drejtë.

Ruel Domi

💥Intelektual deri në frymën e fundit.💥

Meqenëse kam jetuar duke besuar në mendimin shkencor, në ngritjen shpirtërore e në përparimin shoqëror, që e bën të mundshëm ai, dua të jem i varrosur pa ritual fetar.

Meqenëse kam jetuar dhe kam menduar, në pjesën më të madhe të kohës, duke shprehur pikëpamje kritike ndaj sundimtarëve e pushteteve të tyre, dua të jem i varrosur pa kurrfarë pranie zyrtare.

Varrimin tim dua ta bëjnë vetëm familjarët e mi.

Meqenëse jam kujdesur të jetoj thjesht, ashtu thjesht dua të jem edhe i varrosur: pa fjalime, pa medie, pa lule, afër varrit të gruas sime Shpresës.

Vdes i qetë.

Rexhep Qosja
(nënshkrimi)

Prishtinë, 30.4.2016

Rishikojeni këtë dokumentar me pamje të rralla të 29 viteve më parë, kur ai që sot hedh Molotov, asokohe nisi djemtë e veriut të vrisnin djemtë e Jugut.

1997 Albanian Unrest | Dramatic Footage of Country's Slide Towards Civil War | Archive Documentary How pyramid schemes brought down a country.Throughout March 1997, Albania was pushed to the brink of civil war as unrest and armed violence broke out across ...