18/09/2026
NJOFTIM
PËR SHPALLJEN E POZICIONE VAKANTE PËR STAF AKADEMIK ME KOHË TË PJESSHME NË PROGRAMIN E STUDIMIT MASTER I SHKENCAVE NË ARKITEKTURË INTERIERI DHE DIZAJN PËR VITIN AKADEMIK 2026-2027
Kriteret për pranimin e personelit akademik me kohë të pjesshme për programin e studimit Master i Shkencave në Arkitekturë Interieri dhe Dizajn:
• Kandidati duhet të ketë përfunduar studimet Master Shkencor (ose ekuivalent me të) në profilet Arkitekturë ose Dizajn, ose në një profil të ngjashëm, me notë mesatare mbi 7.5. Kandidatët preferohen me mesatare mbi 9 në lëndët e disiplinave ku kërkojnë të kontribuojnë, ose të kenë aktivitet të spikatur profesional në fushën përkatëse.
• Preferohen kandidatët që zotërojnë gradën Doktor ose që janë në proces të mbrojtjes së doktoraturës në fushën e Arkitekturës, Dizajnit (ose të ngjashme).
• Preferohen kandidatët që kanë kryer kurse, kualifikime apo që kanë bërë publikime brenda ose jashtë vendit, në fushën e specialitetit përkatës, dhe që zotërojnë të paktën një gjuhë të huaj, të mbrojtur dhe të vërtetuar me dëshmi.
• Preferohen kandidatët me eksperiencë në mësimdhënie, në specialitetin apo fusha ngjashme me disiplinat ku aplikojnë, për të kontribuar si personel akademik me kohë të pjesshme.
Dokumentacioni që duhet të dorëzojnë kandidatët për personelin akademik me kohë të pjesshme:
• Letër motivimi (specifike për çdo aplikim).
• Dokument identifikimi.
• C. V. e përgjithshme e përqendruar (short-bio, ku evidentohet eksperienca e lidhur me pozicionin ku aplikohet, jo më e gjatë se një faqe), portfolio e punëve dhe kopje e botimeve/publikimeve.
• Diploma dhe lista e notave (kopje e noteruar).
• Dëshmi e gjuhëve të huaja që zotëron.
• Dy letra reference nga persona me grada, tituj shkencorë apo me përvojë në mësimdhënie në arsimin e lartë.
Vlerësimi i kandidatëve për personelin akademik me kohë të pjesshme:
Komisioni i vlerësimit përbëhet nga jo më pak se tre anëtarë: drejtuesi i Departamentit, drejtuesi i lëndës, mësimdhënësi i lëndës (apo të lëndëve të ngjashme).
• Vlerësimi i përmbajtjes së dosjes së dorëzuar nga konkurrenti: 60%.
• Vlerësimi i konkurrentit përmes një interviste në Komisionin e Vlerësimit: 40%.
Në përfundim të procesit, Komisioni liston kandidatët në rend zbritës dhe kjo listë shërben për plotësimin e vendeve vakante për mësimdhënie në lëndën përkatëse.
Lista e lëndëve që kanë nevojë për personel akademik me kohë të pjesshme:
Kursi Lënda
VITI I Studio ID4
Kulturë Digjitale
Kompozim në Dizajnin Grafik
Webdesign
Marketing dhe Brandim
Studio ID5
Human Centered Design
Histori dhe Antropologji e Dizajnit
Projektim i Qëndrueshëm
Mjedis dhe Impiantistikë 2
Afati i dorëzimit të dokumentacionit nga kandidatet do të jetë deri në datë 28.09.2026 pranë Departamentit të Arkitekturës.
Intervistat do të zhvillohen në datën 29.09.2026
Per me shume linku:
https://fau.edu.al/K_e_ndi_i_Informimit/Njoftime_14197/Njoftim_p_e_r_shpalljen_e_pozicioneve_vakante_p_e_r_personel_akademik_me_koh_e_t_e_pjesshme_n_e_programin_e_studimit_Master_i_Shkencave_n_e_Arkitektur_e_Interieri_dhe_Dizajn_viti_akademim_2026-2027.html
