The Ivanaj Foundations of New York and Tirana

𝐌𝐮𝐳𝐞𝐮 𝐩𝐚 𝐌𝐮𝐫𝐞

Historia e një shkolle nuk matet vetëm me vitet e ekzistencës së saj, por edhe me kujtimet, arritjet dhe njerëzit që kanë kaluar nëpër korridoret e saj. Pikërisht për të ruajtur këtë trashëgimi të pasur, drejtoresha Majlinda Ziu realizoi projektin “Muzeu pa Mure”, një nismë inovative që sjell historinë e Gjimnazit “Sami Frashëri” më pranë brezave të sotëm dhe të ardhshëm.

I lindur pas sfidave që solli tërmeti i vitit 2019 dhe humbjes së një pjese të materialeve historike të shkollës, projekti u konceptua si një mënyrë për të ruajtur kujtesën kolektive të “Samiut” dhe për ta bërë atë të aksesueshme për të gjithë. Nga muzeu fizik i ngritur në ambientet e shkollës, iniciativa evoluoi në një platformë digjitale moderne, ku dokumente, fotografi, video, intervista dhe kujtime të ish-nxënësve mund të eksplorohen nga çdo cep i botës.

Një nga elementët më interesantë të projektit është përdorimi i teknologjisë virtuale, e cila u mundëson vizitorëve të përjetojnë historinë e shkollës në një mënyrë interaktive dhe bashkëkohore. Përmes këtij projekti, nxënësit jo vetëm që kanë mësuar të vlerësojnë të kaluarën, por edhe të përdorin teknologjinë për ta ruajtur dhe promovuar atë.

“Muzeu pa Mure” është më shumë sesa një arkiv digjital; ai është një urë që lidh brezat, një dëshmi e identitetit të Gjimnazit “Sami Frashëri” dhe një shembull frymëzues se si arsimi, historia dhe inovacioni mund të bashkëjetojnë për të krijuar diçka me vlerë të qëndrueshme për komunitetin.

Kemi filluar të marrim videot dhe fotografitë e para. Faleminderit për çdo kujtim që po ndani me ne! 🤍

Ju ftojmë të na bëni tag në rrjetet tona sociale dhe na tregoni vendet që ju bëjnë të ktheheni pas në kohë, aty ku ruhen kujtimet e fëmijërisë, historitë familjare, traditat dhe momentet që ju bëjnë krenarë. 🇦🇱

Në përfundim të fushatës, të gjitha këto rrëfime, fotografi dhe video do të mblidhen së bashku në një përmbledhje të veçantë, duke krijuar një mozaik të kujtimeve dhe historive që na lidhin me trashëgiminë tonë.

Na tregoni Shqipërinë që jeton në zemrën tuaj.

DARDHËS SIME (Mall e brengë) Teksti: Artur BalliFotografia: Adriana Stefani KuruniMuzika: Bruk...

𝐓𝐫𝐚𝐬𝐡𝐞̈𝐠𝐢𝐦𝐢𝐚 𝐈𝐦𝐞
Na trego Shqipërinë që të bën krenar

Secili prej nesh mbart një copëz të Shqipërisë brenda vetes, një vend ku jemi rritur, një kujtim familjar, një traditë, një shije apo një histori që na ka formësuar.

“Trashëgimia Ime” është një nismë që fton çdo qytetar të ndajë historitë, kujtimet dhe traditat e tij për Shqipërinë, duke krijuar së bashku një mozaik të kujtesës sonë kolektive.
Sepse trashëgimia nuk jeton vetëm në monumente apo libra, ajo jeton te njerëzit, në jetën e përditshme dhe në rrëfimet që kalojnë brez pas brezi.

📍 Na thuaj: cili vend, kujtim apo traditë të bën krenar për Shqipërinë?
📩 Ndaje historinë tënde me ne dhe bëhu pjesë e kësaj nisme.

Trashëgimia Ime Na trego Shqipërinë që të bën krenar​!Secili prej nesh mbart një copëz të Shqipërisë brenda vetes. Ajo mund të jetë një vend ku jemi rritur, një histori e dëgjuar nga gjyshërit tanë, një aromë kuzhine që na kthen pas në kohë, një këngë, një zanat apo një tradit...

Sot, në Akademinë e Shkencave të Shqipërisë, Fondacioni “M. & M. Ivanaj” organizoi veprimtarinë përkujtimore me titull:

📌 “Familja Ivanaj - Një trashëgimi në shërbim të Shqipërisë"

Në historinë e një kombi, rruga e zhvillimit nuk ndërtohet vetëm nga ngjarjet përcaktuese politike, por edhe nga figurat që me dije, integritet dhe përkushtim qytetar lënë gjurmë të qëndrueshme në institucionet dhe vetëdijen shoqërore. Familja Ivanaj përfaqëson një trashëgimi të tillë: një ndërthurje të rrallë mes idealit arsimor, angazhimit publik dhe dashurisë për atdheun, e cila vijon të mbetet frymëzuese për brezat e sotëm dhe të ardhshëm.

Të kujtosh dhe të nderosh këto figura nuk është vetëm një akt respekti ndaj së kaluarës, por një përgjegjësi për të ruajtur dhe përçuar vlerat që ato mishëruan në jetën publike dhe intelektuale të vendit.

Në program:
✅ Përshëndetje nga Zv. Ministrja e Arsimit, znj. Orjana Osmani, dhe ish-ambasadori z. Mal Berisha
✅ Kumtesa nga personalitete të shquara: Akademik Emeritus Gjovalin Shkurtaj, Prof. Dr. Nevila Nika, Prof. Asoc. Hasan Bello, znj. Alba Haruni & z. Dario Haruni, si dhe z. Mentor Kikia

🇦🇱 Fondacioni “M. & M. Ivanaj” shpreh mirënjohje të thellë për Akademinë e Shkencave të Shqipërisë për mikpritjen dhe bashkëpunimin, për miqtë e përzemërt të Drita Ivanaj si prof. Neritan Ceka, ish ambasadorit z. Mal Berisha, studiueses dhe profesores znj. Përtefe Leka, për folësit që na nderuan me ligjëratat dhe prezencën e tyre, si dhe për të gjithë pjesëmarrësit që iu bashkuan këtij momenti reflektimi dhe nderimi për trashëgiminë e familjes Ivanaj.

Trashëgimia kulturore dhe natyrore shqiptare në kuadrin e UNESCO-s është projekti i radhës i realizuar nga mësuesja Elmira Gjonaj dhe nxënësit e saj të Gjimnazit "Sami Frashëri", në kuadër të Çmimit “Mirash Ivanaj – Mësuesi i Vitit”.

Me shumë përkushtim, kërkim dhe kreativitet, nxënësit përgatitën stenda informuese kushtuar pasurive shqiptare të njohura nga UNESCO, duke i shndërruar mjediset e gjimnazit në një hapësirë ku historia, kultura dhe natyra shqiptare takohen me edukimin.

Sot kishim kënaqësinë të udhëtonim përmes të gjitha pasurive shqiptare të mbrojtura nga UNESCO. Përmes stendave të përgatitura me shumë përkushtim, materialeve informuese dhe prezantimeve të nxënësve, këto vlera të jashtëzakonshme të identitetit, historisë, traditave dhe natyrës shqiptare u sollën në vëmendjen e të pranishmëve në një mënyrë tërheqëse dhe edukative, duke theksuar rëndësinë e ruajtjes dhe promovimit të trashëgimisë sonë për brezat e sotëm dhe të ardhshëm.

Të veshur me kostume popullore nga krahina të ndryshme të Shqipërisë, nxënësit prezantuan me krenari secilën stendë duke vënë në dukje traditat, zakonet dhe identitetin kulturor shqiptar. Aktiviteti u pasurua edhe me elementë të mikpritjes tradicionale shqiptare, duke rikrijuar atmosferën e ngrohtë që karakterizon kulturën tonë.

Ky projekt është rezultat i një pune të gjatë dhe të përkushtuar të mësuese Elmira Gjonaj dhe nxënësve të saj. Stendat dhe materialet e përgatitura do të mbeten të ekspozuara në muret e gjimnazit si një pasuri e vyer edukative, që do t'u shërbejë brezave të ardhshëm të nxënësve për të njohur, vlerësuar dhe ruajtur trashëgiminë kulturore dhe natyrore shqiptare.

VEPRIMTARI PËRKUJTIMORE

Fondacioni M. & M. Ivanaj Institut, në bashkëpunim me Komisionin e Historisë pranë Akademisë së Shkencave të Shqipërisë, ju fton në veprimtarinë përkujtimore:

“ Familja Ivanaj, Një Trashëgimi në Shërbim të Shqipërisë”

Një takim kushtuar jetës dhe veprës së Nikollë Ivanajt, Martin Ivanajt, Mirash Ivanajt dhe Drita Ivanajt, personalitete që lanë gjurmë të thella në arsimin, kulturën, mendimin dhe jetën publike shqiptare.

📅 15 qershor 2026
🕚 Ora 11:00
📍 Akademia e Shkencave e Shqipërisë
Salla "Aleks Buda"

Ju mirëpresim!

Mësuese Belinda Xhafka dhe nxënësit e saj të Shkollës “Edith Durham” ideuan projektin “Dhuro një buzëqeshje, dhuro një shpresë” duke patur në mendje këtë shprehje “Përcille të mirën më tej”, të realizuar me mbështetjen e Fondacionit M. & M. Ivanaj Institut, në kuadër të Çmimit “Mirash Ivanaj – Mësuesi i Vitit”.

Qëllimi ishte i thjeshtë dhe i qartë: t’u mësohej nxënësve se e mira nuk mbetet vetëm te ai që e merr, por mund të përcillet më tej, përmes një gjesti konkret ndaj dikujt që ka nevojë.

Në prag të 1 Qershorit, mësuese Belinda dhe nxënësit mblodhën e përgatitën dhurata për fëmijët e shtruar në Pediatrinë e Përgjithshme pranë QSUNT, të cilët këtë ditë nuk mund ta festonin si bashkëmoshatarët e tyre.

Lodra, libra dhe surpriza të vogla iu dhuruan mbi 60 fëmijëve, si një mënyrë për t’u sjellë pak gëzim dhe për t’u kujtuar se, edhe në një ditë të vështirë, nuk janë vetëm.
Për nxënësit, kjo ishte një mundësi për të kthyer në veprim atë që mësohet çdo ditë: kujdesin për tjetrin, solidaritetin dhe përgjegjësinë ndaj komunitetit.

Faleminderit mësuese Belinda Xhafka dhe nxënësve të saj për këtë nismë dhe për mesazhin e thjeshtë që përcollën: e mira ka vlerë vetëm kur ndahet.