Departamenti i Punes Sociale dhe i Politikes Sociale

26/01/2026

Ne date 20 janar, 14.30-16.00, u zhvillua leksioni i hapur me teme: "Mbi Sfidat e LGBT ne Shqiperi, dhe roli i punonjesit social ne sherbime te ndryshme te punes sociale per te ofruar sherbim sa me profesional dhe te informuar" me te ftuar Drejtuesen e Aleances LGBT, Xheni Karaj Master i Integruar ne Psikologji.

Leksioni u zhvillua me pjesemarrjen e studenteve nga programet e MSh Puna Sociale-Drejtimi Klinik, Administrimi i Sherbimeve Sociale dhe Ceshtje te Femijes dhe Familjes.

Studentet treguan shume interes per rendesine e perdorimit te terminologjise se duhur, raste te ndryshme ne pervojen e te ftuares, por edhe te studenteve qe jane te punesuar ne profesion si dhe pergjigjet e duhura ndaj sfidave aktuale.

# Fakulteti Shkencave Sociale
# Qendra Streha

18/12/2025

💌 Një shembull frymëzues solidariteti dhe përgjegjësie sociale.

📅 Në kuadër të festave të fundvitit, studentët e vitit të parë të degës Administrimi i Politikave Sociale, pranë Departamentit të Punës dhe Politikave Sociale, Fakulteti i Shkencave Sociale – Universiteti i Tiranës, ndërmorën një iniciativë vullnetare, duke u bashkuar për të mbledhur të ardhura financiare dhe për të realizuar blerje në ndihmë të fëmijëve të Shtëpisë së Foshnjës “Hannah dhe Rozafa”, Tiranë.

🎁 Falë kësaj nisme, studentët dhuruan lodra të përshtatshme sipas grupmoshave, produkte për kujdesin e bebeve, si edhe libra për fëmijë.

🧸 Gjatë vizitës, studentët kaluan kohë miqësore dhe të gëzueshme me fëmijët, duke luajtur me ta dhe duke krijuar një atmosferë të ngrohtë festive, në frymën e ndarjes dhe afrimit njerëzor.

🫂 Kjo iniciativë dëshmon angazhimin dhe përgjegjësinë sociale të studentëve, si dhe rolin e universitetit në nxitjen e pjesëmarrjes aktive në komunitet.

❤️ Në fund, një falënderim i përzemërt për studentët për iniciativën vullnetare dhe për modelin pozitiv që promovuan, duke reflektuar frymën e solidaritetit që shoqëron festat e fundvitit.

09/12/2025

Ne kuader te programeve MSH Ceshtje te Femijes dhe Familjes, Administrimi i Sherbimeve Sociale dhe Puna Sociale/ Drejtimi Klinik, sot ne date 9 Dhjetor, ora 14.00, u zhvillua nje leksion i hapur me Znj.Kristina Voko (MSc ne Psikologji), drejtuese e BIRN Albania.

Qëllimi i këtij leksioni ishte prezantimi i gjetjeve kryesore të nje studimi per dezinformimin gjinor, diskutimi i ndikimit te tij në debatin publik dhe në të drejtat e komuniteteve të cenueshme, si dhe nxitja e reflektimit akademik mbi mënyrat se si profesionistët e së ardhmes mund të kontribuojnë në forcimin e reziliencës shoqërore.

Studentet treguan shume interes per tematiken dhe gjetjet e studimit, diskutuan per lidhjen mes vlerave te profesionit te punes sociale me informimin e duhur gjinor, edhe ne kuader te te Drejtave te Njeriut.

04/12/2025

🟠 Sot në mjediset e Fakultetit të Shkencave Sociale, në kuadër të 16 ditëve të aktivizimit kundër dhunës, në një leksion të hapur me studentë të Punës Sociale dhe Administrimit dhe Politikave Sociale, pritëm Drejtoreshën e Përgjithshme të Shërbimit Social Shtetëror, Znj. Reme Xholi.

🟠Drejtuesi i Departamentit të Punës dhe Politikës Sociale dhe Drejtoresha e Përgjithshme e Shërbimit Social Shtetëror, diskutuan edhe mundësitë e bashkëpunimit mes institucioneve, në shërbim të studentëve, target grupeve dhe shoqërisë.

🟠Studentët patën mundësinë të diskutonin dhe ndanin përvoja të vlefshme.

04/11/2025

Ne kuader te muajit Nentor, muaji i te Drejtave te Femijeve, studentet e Masterit Shkencor ne Pune Sociale/Drejtimi Klinik, Masterit Shkencor ne Ceshtje te Femijes dhe Familjes, Masterit Shkencor Administrimi i Sherbimeve Sociale, ndoqen sot nje leksion te hapur me Znj. Orieta Metaj Hasanaj ne cilesine e saj si Drejtoreshe e Shtepise se Foshnjes, Tirane dhe profesioniste ne Pune Sociale.

Studentet ishin te interesuar te njiheshin me sistemin e mbrojtjes se femijeve dhe punen ne institucionin rezidencial per femije.

Me ne detaj, gjate leksionit u fol per:
- sistemin e mbrojtjes se femijeve ne Shqiperi
- reformen per deinstitucionalizimin
- kujdesin per femijet, perfshire kujdestarine alternative
- detyrat dhe rolin e punonjesit social ne gjykate ne rastet e biresimit dhe te kujdestarise.

Leksioni u zhvillua ne sallen Aula Magna, 14.00-15.30, Fakulteti i Shkencave Sociale.

Ne fund te leksionit, studentet paten pyetje dhe diskutime.

# Fakulteti i Shkencave Sociale, Universiteti i Tiranës
# Metaj Orieta

15/10/2025

Departamenti i Punes dhe Politikes Sociale/UT ftoi per nje leksion te hapur MSc ne Pune Sociale, Kristi Pinderi me teme “Ne jemi të paktët që mbajtëm shpresën”: Mësime nga ish të rinjtë 2S/LGBTQ+ në kujdes (youth in care) dhe punonjësit socialë të mirëqenies së fëmijëve".

Leksioni u mbajt ne Aula Magna me studentet e viteve te dyta te programeve Master te Shkencave ne Pune Sociale, Sherbimet Sociale ne Drejtesine Penale dhe Komunikimi per Ndryshimin Social dhe te Sjelljes.

Qellimi i leksionit ishte: a) prezantimi i sistemit te mbrojtjes se femijeve dhe te rinjve ne Kanada, aspektet e rendesishme historike dhe ligjore ne kete sistem dhe roli i punonjesve sociale dhe b) prezantimi i tezes se diplomes se Pinderit, procesi kerkimor individual dhe metodologjik, gjetjet e ketij studimi.

Falenderojme Kristin per leksionin shume interesant, qasjen e hapur per gjithe procesin kerkimor te bere ne pergjigje te nevojes se studenteve tane.

Bio e shkurter per Kristi Pinderin:

Kristi eshte punonjes ne sistemin e mbrojtjes sociale, punonjes social i licensuar ne qarkun e British Columbia ne Kanada, I diplomuar ne programin Bachelor dhe Master ne Pune Sociale ne Universitetin e British Columbia, si dhe ka qene pionier ne levizjen per mbrojtjen e te Drejtave te grupeve LGBTQ+ ne Shqiperi. Kristi ka eksperience si punonjes social ne mbrotjen e femijeve qe kane nevoje per mbikqyrje dhe mbeshtetje. Tema e tij e mbrojtur ne nivelin Master i Shkencave, me qellim thellimin e saj ne studimet doktorale, fokusohet ne eksperiencat e te rinjve LGBTQ+ ne sherbimet sociale. Kristi eshte themelues i shoqates Tirana Pride, Pro LGBT – dhe STREHA, sherbimi i pare ne Shqiperi per te pastrehet LGBTQ+ ne Shqiperi dhe ne Europen Juglindore.

Mund te gjeni me poshte nje nga artikujt e tij:

Unveiling intersectionality: Healing opportunities and challenges in democratizing child welfare policy development process | Social Work & Policy Studies: Social Justice, Practice and Theory

19/03/2025

13/03/2025

🫂Dita Ndërkombëtare e Punës Sociale🫂

📌Fakulteti i Shkencave Sociale, Departamenti i Punës dhe Politikës Sociale dhe 🤝 Urdhri i Punonjësve Socialë në Shqipëri, organizojnë diskutimin mbi arritjet dhe sfidat e punonjësve socialë, në Ditën Ndërkombëtare me temë 💌"Forcimi i Solidaritetit mes Brezave për Mirëqenie të Qendrueshme". 💌

🗓18 mars
📍Salla Aula Magna
⏰️10.00

26/09/2024

26/09/2024

26/09/2024